ജപ്പാനിൽ ഒരു ലക്ഷം തൊഴിൽ അവസരവുമായി കണ്ണൂരിൽ റിക്രൂട്ട്മെന്റ് ഡ്രൈവ് നടത്തുന്നു

കണ്ണൂർ : ജപ്പാനിൽ ജോലി ചെയ്യാൻ അഗ്രഹിക്കുന്ന ഉദ്യോഗാർത്ഥികൾക്ക് വൻ തൊഴിൽ അവസരങ്ങൾ ഒരുക്കി കണ്ണൂരിൽ റിക്രൂട്ട്മെന്റ് ഡ്രൈവ് നടത്തുന്നു.
 
ദേശീയ വികസന കോർപറേഷന്റെ കീഴിൽ രജിസ്റ്റേർഡ് സെന്റിങ് ഓർഗനൈസേഷനായ അജിനോറ ഓവർസിസ് കൺസൾട്ടൻസി സാന്റ്‌ സോ ഗ്രൂപ്പുമായി സഹകരിച്ചു നടത്തുന്ന ജപ്പാൻ റിക്രൂട്ട്മെന്റ് ഡ്രൈവ് നവംബർ 30 ന് കണ്ണൂർ കോളെജ് ഓഫ് കൊമെഴ്സ് ഹാളിൽ നടക്കുന്ന മെന്ന് സംഘാടകർ കണ്ണൂർ പ്രസ് ക്ളബിൽ വാർത്താ സമ്മേളനത്തിൽ അറിയിച്ചു.

രാവിലെ 9.30 ന് കണ്ണൂർ ജില്ലാ കലക്ടർ അരുൺ കെ.വിജയൻ ഉദ്ഘാടനം ചെയ്യും.ജപ്പാനിൽ നിന്നുള്ള എഴുപത്തിരണ്ടോളം കമ്പിനികളുടെ പ്രതിനിധികൾ കോളേജ് ഓഫ് കൊമെഴ്സിൽ നടത്തുന്ന റിക്രൂട്ട്മെന്റ് ഡ്രൈവിൽ പങ്കെടുക്കും.

പ്ളസ്ടു, ഡിഗ്രി, ഐ ടി.ഐ, എൻജിനിയറിങ് യോഗ്യതയുള്ളവർക്ക് റിക്രൂട്ട്മെന്റിൽ പങ്കെടുക്കാം. സ്പെഷ്യൽ സ്കിൽ ജോലി പരിശീലന മില്ലാത്തവർക്ക് സെലക്ഷൻ കിട്ടിയാൽ കയ്യേ പരിശിലനം നൽകും. ജപ്പാൻ ഭാഷയിൽ പ്രാന്തും നേടാൻ പ്രത്യേക പരിശീലനവും നൽകും.

18 മുതൽ 28 വരെ പ്രായമുള്ളവർക്ക് റിക്രൂട്ട്മെന്റ് റാലിയിൽ പങ്കെടുക്കാം. റിക്രൂട്ട്മെന്റ് ഡ്രൈവിൽ പങ്കെടുക്കാൻ താൽപര്യമുള്ളവർ 8590201126 എന്ന നമ്പറിൽ വിളിച്ചു പേർ രജിസ്റ്റർ ചെയ്യണം.

 തെരഞ്ഞെടുകപ്പെടുന്നവർക്ക് ചുരുങ്ങിയത് ഒരു ലക്ഷം മുതൽ മുകളിലോട്ടുള്ള ശമ്പള വ്യവസ്ഥയിൽ ജോലി ചെയ്യാം. അഞ്ചു വർഷമാണ് കാലാവധിയെന്നും സംഘാടകർ അറിയിച്ചു. വാർത്താ സമ്മേളനത്തിൽ അജി നോറ ഓവർസീസ് കൺസൾട്ടൻസ്  ഡയറക്ടർ അജോ അഗസ്റ്റിൻ, സാൻ ജോസ ഗ്രൂപ്പ് ഡയറക്ടർമാരായ ടി.ജെ സന്തോഷ്, കെ.എം തോമസ്, , ടി.ശങ്കരനാരായണൻ , അജി നോറ മാർക്കറ്റിങ് മാനേജർ ജോബിഷ് കുര്യാക്കോസ് എന്നിവർ വാർത്താ സമ്മേളനത്തിൽ പങ്കെടുത്തു.