സ്വാതന്ത്ര ദിനാഘോഷത്തിൻ്റെ ഭാഗമായി താഴെ ചൊവ്വയിൽ സംഗീത വിരുന്നു മായി ഏഴിമല നാവിക അക്കാദമിയിലെ ഇന്ത്യൻ നേവി ബാൻഡ് സംഘം

കണ്ണൂർ:സ്വാതന്ത്ര്യദിനാഘോഷങ്ങളുടെ ഭാഗമായി, ഏഴിമല നാവിക അക്കാദമിയിലെ ഇന്ത്യൻ നേവി ബാൻഡ് താഴെ ചൊവ്വ സെക്യൂറ സെന്റർ പരിസരത്ത് പ്രത്യേക സംഗീതപരിപാടി അവതരിപ്പിച്ചു.സ്വാതന്ത്ര്യത്തിന്റെ ആവേശവും രാജ്യസ്‌നേഹത്തിന്റെ അഭിമാനവും സംഗീതത്തിലൂടെ പകർന്നുനൽകുന്ന ഈ പ്രത്യേക പരിപാടിയിൽ ദേശഭക്തിഗാനങ്ങളും ഹൃദയസ്പർശിയായ സംഗീതാവിഷ്‌കാരങ്ങളും ഇന്ത്യൻ നേവി ബാൻഡിന്റെ മികവുറ്റ വാദ്യാവതരണങ്ങളും അരങ്ങേറ. 

സംഗീതത്തിന്റെയും ദേശസ്‌നേഹത്തിന്റെയും മനോഹരമായ സംഗമമായി വ്യാഴാഴ്ച്ച നടന്ന ഈ സംഗീതസന്ധ്യ. നാവികസേനയുടെ സംഗീത വിരുന്ന് ആസ്വദിക്കാൻ സ്ത്രീകളും കുട്ടികളുമടങ്ങുന്ന നൂറുകണക്കിനാളുകൾ എത്തിച്ചേർന്നിരുന്നു. എല്ലാവർക്കും പ്രവേശനം സൗജന്യമായിരുന്നു.