കണ്ണൂർ ചാലോട് വൻ മയക്കുമരുന്ന് വേട്ട : കാറിൽ കടത്തവെ യുവാക്കൾ പിടിയിൽ

മട്ടന്നൂർ : കണ്ണൂർ ജില്ലയിൽ വീണ്ടും വൻ മയക്കുമരുന്ന് വേട്ട. വിമാനതാവളത്തിനടുത്തെ ചാലോട് മയക്കുമരുന്നുമായി യുവാക്കൾ പിടിയിലായി.
16.817 ഗ്രാം മെത്താ ഫിറ്റാമിറ്റാമിനുമായി രണ്ട് യുവാക്കളെയാണ് കുത്തുപറമ്പ് എക്‌സൈസ്   അറസ്റ്റ്  ചെയ്തത്. ഇവർക്കെതിരെ ആൻ്റി നർക്കോട്ടിക്ക് ആക്റ്റു പ്രകാരം കേസെടുത്തിട്ടുണ്ട്.

കൂത്തുപറമ്പ് എക്‌സൈസ് സർക്കിൾ  ഇൻസ്‌പെക്ടർ എ.കെ വിജേഷിന്റെ നേതൃത്വത്തിൽ ചാലോട്  ഭാഗത്ത്‌ നാഗവളവ്-എളമ്പാറക്ക് സമീപത്തു നിന്നും ചൊവ്വാഴ്ച്ച പുലർച്ചെ മൂന്ന് മണിക്കാണ് എക്സൈസ് റെയ്ഡ് നടത്തിയത്.  പരിശോധനയിൽ   16.817 ഗ്രാം മെത്താ ഫിറ്റമിനുമായി രണ്ട് യുവാക്കളാണ് അറസ്റ്റിലായത്.

 വാരം ബൈത്തുൽ റാഫാസിൽ  മുഹമ്മദ് ആഷിക്ക്  (26) മുഴപ്പിലങ്ങാട്ട്, കുളം ബസാർ ഇ.എം.എസ് റോഡിൽ കെൻ സിൻ മുഹമ്മദ് ഫാഹിം  (25) എന്നിവരെയാണ് അറസ്റ്റ് ചെയ്തത്. പ്രതികളെ തുടർ നടപടികൾക്കായി പിണറായി എക്‌സൈസ് റേഞ്ച്‌ ഓഫീസിൽ ഹാജരാക്കി. എക്സൈസ് കമ്മീഷണർ സ്ക്വാഡ് ഉത്തര മേഖലാ സർക്കിൾ ഇൻസ്പെക്ടർ സിനു കോയില്യത്തിന് ലഭിച്ച വിവരത്തിന്റെ അടിസ്ഥാനത്തിൽ കമ്മീഷണർ സ്ക്വാഡ് അംഗങ്ങളും കൂത്ത്പറമ്പ  എക്സൈസ് സർക്കിൾ,എക്സൈസ് ഇന്റലിജൻസ് കണ്ണൂർ  എന്നിവരുടെ സംയുക്ത നീക്കത്തിലാണ് പ്രതികൾ പിടിയിലായത്.

 മയക്ക് മരുന്ന് കടത്താൻ ഉപയോഗിച്ച കാറും കസ്റ്റഡിയിൽ എടുത്തു. കമ്മീഷണർ സ്ക്വാഡ് അംഗങ്ങൾ ആയ ഗണേഷ്,ജലീഷ്,  എന്നിവർക്കൊപ്പം.സുഹൈൽ, രജിത്ത് എൻ. അജിത്ത് സി, എക്സൈസ് ഇന്റലിജൻസിലെ സുകേഷ് കുമാർ വണ്ടിച്ചാലിൽ, ഉത്തമൻ.കെ,കൂത്ത്പറമ്പ റെയിഞ്ചിലെ അശോകൻ കെ. ഹരികൃഷ്ണൻ സി, സോൾദേവ്, കൂത്ത്പറമ്പ സർക്കിൾ ഓഫിസിലെ ഷാജി.യു, പ്രമോദൻ പി, സതീഷ് വിളങ്ങോട്ട് ഞാലിൽ, ബിനീഷ്, ഷാജി. സി.പി., ബിജു എന്നിവരും റെയ്ഡിൽ പങ്കെടുത്തു.