വേനൽചൂടിൽ കുളിരേകി മലയോര മേഖലയിൽ കനത്ത മഴ

കണ്ണൂർ : കൊടുംചൂടിനൊടുവിൽ ഏറെക്കാലമായി കാത്തിരുന്ന് കിട്ടിയ വേനൽ മഴ കണ്ണൂർ ജില്ലയുടെ മലയോര മേഖലയിൽ കുളിരും ഒപ്പം ദുരിതവും സൃഷ്ടിച്ചു.

മലയോര മേഖലയിൽ ശനിയാഴ്ച വൈകിട്ടുമുതലാണ് കനത്ത മഴ പെയ്തത്. നടുവിൽ, കുടിയാന്മല, ചുഴലി, ചെമ്പന്തൊട്ടി ഭാഗങ്ങളിലായിരുന്നു വേനൽ മഴ തിമിർത്ത് പെയ്തത്. ഒരുമണിക്കൂറോളം സമയം ശക്തമായ മഴയാണ് പെയ്തത്. കനത്ത ചൂടിനും പൊടിക്കും അപ്രതീക്ഷിതമായി എത്തിയ വേനൽ മഴ ആശ്വാസമാരുന്നു.