ജിഎൻഎയുമായുള്ള വൈദ്യുതി കരാർ ഇനി തുടരില്ലെന്ന് മന്ത്രി സണ്ണി ജോസഫ്

കണ്ണൂർ: കേരളത്തിൽ വൈദ്യുതിക്ക് ആവശ്യകതയുണ്ടെന്നും ദീർഘകാലത്തേക്ക് കൂടുതൽ വൈദ്യുതി ലഭ്യമാക്കാനുള്ള നടപടികൾ സ്വീകരിച്ചുവരികയാണെന്നും വൈദ്യുതി വകുപ്പ് മന്ത്രി സണ്ണി ജോസഫ് കണ്ണൂരിൽ മാധ്യമങ്ങളോട് പറഞ്ഞു. ഈ കാര്യത്തിൽ കെഎസ്ഇബി തെറ്റായ റിപ്പോർട്ട് നൽകിയിട്ടില്ലെന്നും വൈദ്യുതി ബോർഡ് സർക്കാരിനുമേൽ സമ്മർദം ചെലുത്തിയിട്ടില്ലെന്നും മന്ത്രി വ്യക്തമാക്കി.

കേരളത്തിന് കൂടുതൽ വൈദ്യുതി ആവശ്യമാണെന്ന കാര്യം കെഎസ്ഇബി ആവർത്തിച്ച് അറിയിക്കുക മാത്രമാണ് ചെയ്തത്. ദീർഘകാലത്തേക്ക് വൈദ്യുതി ലഭ്യമാക്കുന്നതിനുള്ള നീക്കങ്ങളാണ് സർക്കാർ നടത്തുന്നത്. മഹാരാഷ്ട്രയിലെ സിന്നാർ താപവൈദ്യുതി നിലയത്തിൽനിന്ന് കൂടുതൽ വൈദ്യുതി ലഭ്യമാക്കാൻ കഴിയുമെന്നും മന്ത്രി പറഞ്ഞു.

അതേസമയം, ജിഎൻഎയുമായുള്ള വൈദ്യുതി കരാർ ഇനി തുടരില്ലെന്ന് സണ്ണി ജോസഫ് വ്യക്തമാക്കി. കരാർ പ്രായോഗികമല്ലെന്നാണ് വിലയിരുത്തൽ. കരാർ നടപ്പാക്കുന്നതിലെ പ്രയാസങ്ങൾ കെഎസ്ഇബി മുഖ്യമന്ത്രിയെ അറിയിച്ചിരുന്നു. എന്നാൽ മുഖ്യമന്ത്രിയുമായി നിലവിൽ വിഷയത്തിൽ അഭിപ്രായവ്യത്യാസങ്ങളൊന്നുമില്ലെന്നും മന്ത്രി വിശദീകരിച്ചു.