ഭിന്നശേഷിക്കാർക്കായി പുതുസംരംഭം തുടങ്ങാൻ രണ്ടുകോടി രൂപയോളം സ്വരൂപിച്ച് തട്ടിപ്പ്; മുഖ്യസൂത്രധാരൻ അറസ്റ്റിൽ

തലശേരി: അന്ധരായവർക്ക് വേണ്ടി ബ്ലൂട്ടൂത്ത് വാക്കിംഗ് സ്റ്റിക്ക്, കണ്ണടകൾ തുടങ്ങിയവ നിർമ്മിക്കാൻ 50 കോടിയുടെ സംരംഭം തുടങ്ങുമെന്ന് പറഞ്ഞ് തട്ടിപ്പ് നടത്തിയ കേസിൽ മുഖ്യസൂത്രധാരനെ പോലിസ് അറസ്റ്റ് ചെയ്തു.പലരിൽ നിന്നും പണമായി സ്വർണമായും രണ്ടു കോടിയോളം രൂപ സ്വരൂപിച്ചതിനു ശേഷം മുങ്ങിയ കേസിലെ മുഖ്യപ്രതിയായ യുവാവാണ് അറസ്റ്റിലായത്.പാനൂർ കടവത്തൂർ സ്വദേശി രാമൻകടവത്ത് ഇല്യാസാണ് പിടിയിലായത്. ആറു പേർ പ്രതികളായ കേസിൽ മൂന്ന്പേരെ നേരത്തെ പിടികൂടിയിരുന്നു.