.jpg)
കണ്ണൂരിൽ പന്നി പടക്കം പൊട്ടിത്തെറിച്ച് വളർത്തുനായ ചത്തു : ഉടമയുടെ പരാതിയിൽ പൊലിസ് കേസെടുത്തു
തളിപ്പറമ്പ്: പന്നിപ്പടക്കം പൊട്ടിത്തെറിച്ച് വളർത്തുനായ ചത്ത സംഭവത്തിൽ പോലീസ് കേസെടുത്തു. പ്രദേശത്ത് ഇന്ന് സ്ഫോടകവസ്തുക്കളുണ്ടോ എന്ന് കണ്ടെത്താൻ പോലീസും ബോംബ് സ്ക്വാഡും പരിശോധന നടത്തും.ഇന്നലെ രാത്രി 8.10-നാണ് സംഭവം. ബാവുപ്പറമ്പ് കീരിയാട്ടെ കുറ്റിപ്പാല വീട്ടിൽ എ.പി.രാമചന്ദ്രന്റെ വീട്ടിലെ പോമറേനിയൻ ഇനത്തിൽ പെട്ട വളർത്തുനായയാണ് ചത്തത്.
രാത്രി എട്ടോടെ ജോലികഴിഞ്ഞ് വീട്ടിലെത്തിയ രാമചന്ദ്രൻ നായയെ അഴിച്ചുവിട്ടതായിരുന്നു. നിമിഷങ്ങൾക്കുള്ളിൽ സ്ഫോടനം നടന്നു.
അവശേഷിച്ച രണ്ട് പടക്കങ്ങൾ ബോംബ് സ്ക്വാഡെത്തി നിർവീര്യമാക്കി.വിവരമറിഞ്ഞ് തളിപ്പറമ്പ് എസ്.ഐ പി.യദുകൃഷ്ണന്റെ നേതൃത്വത്തിൽ പോലീസ് സ്ഥലത്തെത്തി പരിശോധന നടത്തി.ചത്ത നായയുടെ പോസ്റ്റ്മോർട്ടം ഇന്ന് രാവിലെ നടക്കും.പ്രദേശത്ത് സ്ഫോടകവസ്തുക്കൾ സംഭരിച്ചുവെച്ചിട്ടുണ്ടോ എന്ന് കണ്ടെത്താൻ ഇന്ന് രാവിലെ തന്നെ പോലീസും ബോംബ് സ്ക്വാഡും പരിശോധന ആരംഭിച്ചിട്ടുണ്ട്.
