കുട്ടി ഡ്രൈവർ ബൈക്ക് ഓടിച്ചു, ചെറുപുഴയിൽ ആർ.സി ഓണർക്ക് അരലക്ഷത്തിലേറെ പിഴ

ചെറുപുഴ : പ്രായപൂര്‍ത്തിയാകാത്ത കുട്ടി ബൈക്കോടിച്ചതിന് ആര്‍.സി.ഉടമയുടെ പേരില്‍ കേസെടുത്തു. മാലോത്ത് കോവിലകത്ത് വീട്ടില്‍ അബിന്‍ റെജിയുടെ(20)പേരിലാണ് കേസ്.

ശനിയാഴ്ച്ച വൈകുന്നേരം 4.35 ന് വെള്ളരിക്കുണ്ട് ഇന്‍സ്‌പെക്ടര്‍ ടി.കെ.മുകുന്ദന്റെ നേതൃത്വത്തില്‍ പാത്തിക്കര ഭാഗത്ത് പട്രോളിംഗ് ഡ്യൂട്ടിക്കിടയിലാണ് സംഭവം.

ചുള്ളി-പാത്തിക്കര റോഡില്‍ കെ.എല്‍-60 ഡി 8454 നമ്പര്‍ ബൈക്ക് ഓടിച്ചുവന്ന കുട്ടിയെയാണ് പിടികൂടിയത്. 55,000 രൂപയാണ് ആര്‍.സി ഉടമ ഈ കേസില്‍ പിഴയായി അടക്കേണ്ടി വരിക. ഇതില്‍ 5000 രൂപ ലൈസന്‍സില്ലാതെ വാഹനമോടിച്ചതിനാണ്.