സി ബി.എസ്.ഇ കണ്ണൂർ ജില്ലാ കലോത്സവം ഒൻപതിന് മേരിഗിരിയിൽ തുടങ്ങും

കണ്ണൂർ : സി.ബി.എസ്.ഇ ജില്ലാ കലോത്സവത്തിന് ഒക്ടോബർ ഒൻപത് പത്ത്, പതിനൊന്ന് തീയ്യതികളിൽ ശ്രീകണ്ഠാപുരം മേരിഗിരി ഇംഗ്ളീഷ് മീഡിയം ഹയർ സെക്കൻഡറി സ്കൂളിൽ നടക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. വിവിധ ഇനങ്ങളിലായി 83 മത്സരങ്ങൾ അരങ്ങേറുന്ന കലാമേളയിൽ 3500 ൽ അധികം വിദ്യാർത്ഥികൾ മൂന്ന് ദിവസങ്ങളിൽ പങ്കെടുക്കും. നൂറിലേറെ സി ബി എസ് ഇ സ്കൂളിൽ നിന്നുള്ള കലാപ്രതിഭകളാണ് മാറ്റുരയ്ക്കുന്നത്. പ്രശസ്ത സിനിമാ താരം ഗിന്നസ് പക്രു ഒൻപതിന് രാവിലെ 10 ന് കലാമേള ഉദ്ഘാടനം ചെയ്യും. വിവിധ മത്സരങ്ങൾക്കായി 16 വേദികളാണ് ക്രമീകരിച്ചിട്ടുള്ളത്.