.jpg)
അപകടം പതിയിരിക്കുന്ന ഓവുചാൽ ; കാൽനടയാത്രക്കാർക്ക് ഭീഷണിയായി തളിപ്പറമ്പ പൂക്കോത്ത് നടയിലെ തകർന്ന കോൺക്രീറ്റ് സ്ലാബ്
Feb 28, 2026, 09:57 IST
തളിപ്പറമ്പ : കാൽനടയാത്രക്കാർ ഭീഷണിയായി പൂക്കോത്ത് നടയിലെ ഓവുചാലിന് മുകളിൽ സ്ഥാപിച്ച കോൺക്രീറ്റ് സ്ലാബ് തകർന്ന നിലയിൽ. നിത്യേന നൂറുകണക്കിന് കാൽനടയാത്രക്കാർ കടന്നുപോകുന്ന വഴിയിലാണ് അപകടം പതിയിരിക്കുന്നത്. സ്ലാബ് തകർന്ന് ഇരുമ്പ് കമ്പി പുറത്ത് കാണത്തക്ക രീതിയിലാണുള്ളത്.
tRootC1469263">
പതിനാല് ദിവസം നീണ്ടു നിൽക്കുന്ന തൃഛംബരം ശ്രീകൃഷ്ണ ക്ഷേത്രോത്സവം നടക്കുന്നത് പൂക്കോത്ത് നടയിലാണ്. ആയിരക്കണക്കിന് ജനങ്ങൾ ഈ ദിവസങ്ങളിൽ ഇവിടെ എത്തിച്ചേരും. അവർക്കൊക്കെ ഭീഷണിയായി മാറിയിരിക്കയാണ് തകർന്ന ഈ കോൺക്രീറ്റ് സ്ലാബ്.
ഉത്സവത്തിന് കൊടിയേറാൻ ഏതാനും ദിവസങ്ങൾ മാത്രം ബാക്കി നിൽക്കെ തകർന്ന സ്ലാബ് മാറ്റി പുതിയത് സ്ഥാപിക്കാനുള്ള യാതൊരു ശ്രമവും അധികൃതരുടെ ഭാഗത്തു നിന്ന് ഉണ്ടാകാത്തത് കാൽ നടയാത്രക്കാർക്കിടയിൽ കടുത്ത പ്രതിഷേധത്തിനിടയാക്കിയിട്ടുണ്ട്.
