ബിജെപി നേതാവ് പത്മജാ വേണുഗോപാൽ മാടായിക്കാവിൽ ദർശനം നടത്തി

 പഴയങ്ങാടി : ബിജെപി ദേശീയ കൗൺസിൽ അംഗം പത്മജ വേണുഗോപാൽ മാടായിക്കാവിൽ ദർശനം നടത്തി. തിങ്കളാഴ്ച്ച വൈകുന്നേരം ആറുമണിക്കാണ് പത്മജാ വേണുഗോപാൽ ദർശനത്തിന് എത്തിയത്. ക്ഷേത്രം മാനേജർ നാരായണപിടാരരും ജീവനക്കാരും ചേർന്ന് സ്വീകരിച്ചു. 

മാടായിക്കാവിലെ പ്രധാന വഴിപാടായ ശത്രുസംഹാരപൂജയും പത്മജ നടത്തി.ബി ജെ പി സംസ്ഥാന കൗൺസിൽ അംഗം സി.നാരയണൻ , ജില്ലാ വൈസ്പ്രസിഡൻ്റ് എ.വി. സനൽകുമാർ,മണ്ഡലം പ്രസിഡൻ്റ് സുജിത്ത് വടക്കൻ, മുരളിധരൻ, രാജീവൻ എന്നിവരും പത്മജ യോടൊപ്പം ഉണ്ടായിരുന്നു.