മുണ്ടേരിയിൽ പിന്നോട്ടു നീങ്ങിയ ഓട്ടോറിക്ഷ പിടിച്ചു നിർത്താൻ ശ്രമിക്കുന്നതിടെ തലയിടിച്ച് വീണ് ഓട്ടോ ഡ്രൈവർ മരിച്ചു

മുണ്ടേരി: പിന്നോട്ടു നീങ്ങിയ ഓട്ടോറിക്ഷ പിടിച്ചു നിർത്താൻ ശ്രമിക്കുന്നതിടെ കാലിടറി തലയിടിച്ച് വീണ് ഓട്ടോറിക്ഷ ഡ്രൈവർ മരിച്ചു. മുണ്ടേരി വലിയന്നൂർ റോഡിൽ മുണ്ടേരി ചിറക്ക് സമീപം താമസിക്കുന്ന പണ്ടാരവളപ്പിൽ ഹൗസിൽ എ.പി സുലൈമാൻ (62) ആണ് മരിച്ചത്. 

വ്യാഴാഴ്ച്ചവൈകുന്നേരം മുണ്ടേരി ചിറക്ക് സമീപത്തെ വീടിന് മുന്നിൽ എത്തിയ ശേഷം ഓട്ടോ നിർത്തി ഗേറ്റ് തുറക്കുന്നതിനായി പുറത്തിറങ്ങിയ സമയം ഓട്ടോ തനിയെ നിരങ്ങി പിന്നോട്ട് നീങ്ങുന്നത് കണ്ട് പിടിച്ച് വെക്കാൻ ശ്രമിക്കവെ കാലിടറി തലയിടിച്ച് വീഴുകയായിരുന്നു. ചാലയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.ഏച്ചൂർ വട്ടപ്പൊയിൽ സ്വദേശിയാണ്. ഭാര്യ: മുണ്ടേരി പണ്ടാരവളപ്പിൽ ആയിഷ.