എഴുത്തുകാരൻ്റെ മതം മാനവികതയാണ് അംബുജം കടമ്പൂർ

ശ്രീകണ്ഠപുരം:എഴുത്തുകാരന് ഒരൊറ്റമതമേയുള്ളു അത് മാനവികതയാണെന്ന് എഴുത്തുകാരി അംബുജം കടമ്പൂർ പറഞ്ഞു. ശ്രീകണ്ഠപുരം സാഹിത്യ തീരത്തിൻ്റെ ആഭിമുഖ്യത്തിൽ വിജിനി കണ്ണൻ്റെ വീട്ടിൽ എഴുത്തും ജീവിതവും വീട്ടുമുറ്റ പുസ്തക ചർച്ച ഉദ്ഘാടനം ചെയ്യുകയായിരുന്നു അവർ.മറ്റുള്ളവരുടെ ജീവിതം നമ്മുടെ ജീവിതമായി കണ്ട് നമ്മുടെ ജീവിതം മറ്റുള്ളവരിലേക്കും എഴുത്തിലൂടെ ആവിഷ്ക്കരിക്കുമ്പോൾ എഴുത്തുകാരികൾ നിരവധി പ്രയാസങ്ങൾ അനുഭവിച്ചേക്കാം അത് നീന്തികടക്കുക എന്നതാണ് ഓരോ എഴുത്തുകാരിയുടെ വിജയം എന്ന് അവർ ചൂണ്ടിക്കാട്ടി പ്രാപ്പൊയിൽ നാരായണൻ മുഖ്യാതിഥിയായി സരിത കാവുമ്പായി അധ്യക്ഷയായി സുമയ്യ ജലിൽ പുസ്തകാവതരണം നടത്തി.