കാഞ്ഞങ്ങാട് മയക്കുമരുന്നുമായി പിടിയിലായ യുവാവ് എക്സൈസ് ഓഫീസറുടെ മൂക്ക് അടിച്ചു തകർത്തതിന് റിമാൻഡിൽ

 കാഞ്ഞങ്ങാട് : മാരക ലഹരി മരുന്നുമായി യുവാവിനെ എക്സൈസ് സംഘം പിടികൂടുന്നതിനിടെ അക്രമാസക്തനായി. ബേക്കൽപനയാൽ കരുവാക്കോട് സ്വദേശി മുഹമ്മദ് ദിൽഷാദിനെ (20) യാണ് ഹൊസ്ദുർഗ് റേഞ്ച് എക്സൈസ് ഇൻസ്പെക്ടർ ഇ.വി. ജിഷ്ണു കുമാറും സംഘവും അറസ്റ്റു ചെയ്തത്.

ക്രിസ്മസ് ന്യൂ ഇയർ സ്പെഷ്യൽ ഡ്രൈവിൽ നടത്തിയ പരിശോധനയിലാണ് പാക്കം-കരുവാക്കോട് –തച്ചങ്ങാട് റോഡിൽവെച്ച് 2.41 ഗ്രാം മാരക ലഹരി മരുന്നായ മെത്താഫിറ്റാമിനുമായി പ്രതി എക്സൈസ് പിടിയിലായത് .