കഞ്ഞിക്കുഴി ഗ്രാമപഞ്ചായത്ത് കുടുംബശ്രീ സിഡിഎസ് കെട്ടിടത്തിന് ശിലയിട്ടു

ഇടുക്കി : കഞ്ഞിക്കുഴി ഗ്രാമപഞ്ചായത്ത് കുടുംബശ്രീ സിഡിഎസ് കെട്ടിടത്തിന്റെ ശിലാസ്ഥാപനം ജലവിഭവ വകുപ്പ് മന്ത്രി റോഷി അഗസ്റ്റിൻ നിർവഹിച്ചു. സിഡിഎസിന് സ്വന്തമായി കെട്ടിടം നിർമ്മിക്കാൻ കഴിയുകയെന്നത് അഭിമാനകരമാണെന്ന് ശിലാസ്ഥാപനം നിർവഹിച്ച് മന്ത്രി പറഞ്ഞു. കുടുംബശ്രീയുടെ പ്രവർത്തനങ്ങൾ  മാതൃകാപരമായി തുടർന്നുവരികയാണ്.  നാടിൻ്റെ വിവിധ മേഖലകളിലെ പ്രവർത്തനങ്ങളിൽ കുടുംബശ്രീ മികച്ച പങ്കാളിത്തം വഹിക്കുന്നുണ്ട്. സംരംഭക മിഷനിലുൾപ്പെട്ട 4 ലക്ഷത്തോളം സംരംഭകരിൽ ഒന്നേകാൽ ലക്ഷത്തോളം വനിതാ സംരംഭകരാണ്. ഇത്  നാടിന്റെ വികസന പ്രവർത്തനങ്ങളിൽ സ്ത്രീസമൂഹത്തിന്റെ പങ്കാളിത്തമാണ് വ്യക്തമാക്കുന്നതെന്നും മന്ത്രി പറഞ്ഞു.
50 ലക്ഷം രൂപ ചെലവിലാണ് കഞ്ഞിക്കുഴി കുടുംബശ്രി സിഡിഎസിന് പുതിയ കെട്ടിടം നിർമ്മിക്കുന്നത്.