.jpg)
പശ്ചാത്തല വികസന മേഖലയിൽ ഇടുക്കി ജില്ലയുടേത് വലിയ മുന്നേറ്റം: മന്ത്രി പി. എ മുഹമ്മദ് റിയാസ്
ഇടുക്കി: പശ്ചാത്തല വികസന മേഖലയിൽ ഇടുക്കി ജില്ല വലിയ മുന്നേറ്റം സൃഷ്ടിച്ചുവെന്നും വിവിധ പദ്ധതികൾ ജില്ലയുടെ മുഖച്ഛായ തന്നെ മാറ്റിയെന്നും പൊതുമരാമത്ത് ടൂറിസം വകുപ്പ് മന്ത്രി പി. എ. മുഹമ്മദ് റിയാസ്. കാഞ്ഞാർ പാലത്തിന്റെ സമാന്തര നടപ്പാലം നിർമ്മാണോദ്ഘാടനം ഓൺലൈനായി നിർവഹിക്കുകയായിരുന്നു മന്ത്രി. കഴിഞ്ഞ മാസം കുട്ടിക്കാനത്ത് നടന്ന ടൂറിസം സെമിനാറിൽ പങ്കെടുത്ത വിദേശ പ്രതിനിധികൾ പറഞ്ഞത് ഹൈറേഞ്ചിലെ റോഡുകൾക്ക് വന്ന മാറ്റം അത്ഭുതകരമാണെന്നും ഇടുക്കിയിലെ റോഡുകൾ ടൂറിസത്തിന് ശക്തി പകരുന്നതുമാണെന്നാണ്. കോവിഡിനു ശേഷം ഇടുക്കി ജില്ല ടൂറിസം മേഖലയിൽ വലിയ കുതിപ്പാണ് നടത്തിയത്.ഈ സർക്കാർ കഴിഞ്ഞ 9 വർഷത്തിൽ കേരളത്തിൽ മികച്ച നിലവാരമുള്ള ബിഎംആന്റ്ബിസി റോഡുകൾ, പാലങ്ങൾ, മേൽപ്പാലങ്ങൾ എന്നിവ നിർമ്മിച്ചു. പറഞ്ഞ വാക്കുകൾ പാലിക്കുന്ന സർക്കാരാണ് ഇതെന്നു അദ്ദേഹം പറഞ്ഞു.
tRootC1469263">കാലഘട്ടം മാറുന്നതനുനുസരിച്ച് നാടിന് വേണ്ട വികസന പ്രവർത്തനങ്ങൾ നടപ്പിലാക്കുമെന്ന് മന്ത്രി പറഞ്ഞു. കാൽനട യാത്രക്കാർക്ക് നടപ്പാത ഇല്ലായിരുന്ന സാഹചര്യത്തിലാണ് നിലവിലുള്ള കാഞ്ഞാർ പാലത്തിനോട് ചേർന്ന് സമാന്തരമായി നടപ്പാലം നിർമ്മിക്കുന്നത്. ഈ പദ്ധതിയ്ക്ക് സർക്കാർ 3 കോടി രൂപ അനുവദിച്ചിട്ടുണ്ടന്നും അദ്ദേഹം പറഞ്ഞു.
അപകരഹിതമായി കാൽനട യാത്രക്കാർക്ക് യാത്ര ചെയ്യുന്നതിന് ഉപകരിക്കുന്ന പദ്ധതിയാണ് നടപ്പാക്കുന്നതെന്ന് ചടങ്ങിൽ അധ്യക്ഷത വഹിച്ച ജലവിഭവ വകുപ്പ് മന്ത്രി റോഷി അഗസ്റ്റിൻ പറഞ്ഞു. വലിയ പരിശ്രമങ്ങളുടെ ഫലമായിട്ടാണ് ഈ പദ്ധതി നടപ്പാക്കാൻ കഴിഞ്ഞതെന്നും അദ്ദേഹം പറഞ്ഞു.ഈ സർക്കാരിന്റെ വികസന പ്രവർത്തനങ്ങൾ ജനങ്ങളുടെ ക്ഷേമത്തിന് വേണ്ടിയുള്ളതാണെന്നും അവ ജനങ്ങൾ തിരിച്ചറിയണമെന്നും അദ്ദേഹം പറഞ്ഞു. കാഞ്ഞാർ -ആനക്കയം റോഡിന്റെ ശോചനീയാവസ്ഥ പരിഹരിക്കാൻ വേണ്ട നടപടികൾ സ്വീകരിച്ചുവെന്നും നിലവിലുള്ള പൈപ്പ് സ്ഥാപിക്കുന്ന പ്രവർത്തനങ്ങൾ പൂർത്തിയായ ശേഷം ഉടൻ റോഡ് നിർമ്മാണം ആരംഭിക്കും. കോളപ്ര-കാഞ്ഞാർ ടൂറിസം പദ്ധതിക്ക് വേണ്ടി 16 കോടി രൂപ അനുവദിച്ചിട്ടുണ്ടെന്നും കാഞ്ഞാർ പുള്ളിക്കാനം റോഡ് നിർമ്മാണത്തിന് വേണ്ടി 8 കോടി രൂപ അനുവദിച്ചിട്ടുണ്ടെന്നും മന്ത്രി അറയിച്ചു.
യോഗത്തിൽ കുടയത്തൂർ ഗ്രാമപഞ്ചായത്ത് പ്രസിഡന്റ് അഡ്വ. കെ. എൻ. ഷിയാസ്, വൈസ് പ്രസിഡന്റ് അഞ്ജലീന സിജോ, വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ പുഷ്പ വിജയൻ, ആരോഗ്യ- വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ബിന്ദു സിബി,ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ആഷാ റോജി,ബ്ലോക്ക് പഞ്ചായത്ത് അംഗം മിനി ആന്റണി,കുടയത്തൂർ ഗ്രാമപഞ്ചായത്ത് അംഗങ്ങളായ എൻ.ജെ. ജോസഫ്,നെസിയ ഫൈസൽ,ലതാ ജോസ്,ബിന്ദു സുധാകരൻ ,ഷീബ ചന്ദ്രശേഖരപിള്ള, സുജ ചന്ദ്രശേഖരൻ,ശ്രീജിത്ത് സി.എസ്,സി.ഡി.എസ്. ചെയർപേഴ്സൺ സിനി ബാബു, വിവിധ രാഷ്ട്രീയ കക്ഷി നേതാക്കൾ തുടങ്ങിയവർ പങ്കെടുത്തു.