കേരളത്തിലെ തിരഞ്ഞെടുപ്പ് സംവിധാനം ലോകത്തിന് മാതൃകയെന്ന് ബിനാലെ വേദി സന്ദർശിച്ച മുഖ്യ തിരഞ്ഞെടുപ്പ് കമ്മീഷണർ

Whatsapp Group

വരാനിരിക്കുന്ന തിരഞ്ഞെടുപ്പിനുള്ള ഒരുക്കങ്ങൾ വിലയിരുത്താൻ സംസ്ഥാനത്ത് എത്തിയ അദ്ദേഹം ബിനാലെ വേദി സന്ദർശിക്കുകയായിരുന്നു. 22 വർഷങ്ങൾക്ക് മുമ്പ് കേരളം തന്റെ പ്രവർത്തന മണ്ഡലമായിരുന്നെന്നും ഔദ്യോഗിക ജീവിതത്തിൽ പ്രത്യേക സ്ഥാനമാണ് ഈ സംസ്ഥാനത്തിനുള്ളതെന്നും അദ്ദേഹം പറഞ്ഞു.

വോട്ടർമാരിൽ അവബോധവും തിരഞ്ഞെടുപ്പിലെ പങ്കാളിത്തവും വർധിപ്പിക്കുന്നതിനായി ബിനാലെ വേദിയിൽ സംഘടിപ്പിച്ച സ്വീപ്പ് പരിപാടിയിൽ പങ്കെടുക്കാൻ സാധിച്ചതിൽ സന്തോഷമുണ്ട്. സംസ്ഥാനത്തെ എല്ലാ വോട്ടർമാർക്കും തിരഞ്ഞെടുപ്പിന് എല്ലാവിധ ആശംസകളും അർപ്പിക്കുന്നതായി അദ്ദേഹം കൂട്ടിച്ചേർത്തു.

ഐഎഎസ് ഉദ്യോഗസ്ഥരുടെ നേതൃത്വത്തിൽ മുൻപ് ആരംഭിച്ചതാണ് സ്വീപ്പ് പദ്ധതി. ഇതിന്റെ ഭാഗമായി യുവാക്കൾക്ക് ഉത്തരവാദിത്തത്തോടെ വോട്ട് ചെയ്യുമെന്ന് രേഖപ്പെടുത്തി ഒപ്പ് വയ്ക്കാനുള്ള അവസരം ഒരുക്കിയിരുന്നു. വോട്ടിന്റെ പ്രാധാന്യം വ്യക്തമാക്കുകയും യുവാക്കളെ തിരഞ്ഞെടുപ്പ് പ്രക്രിയയിൽ പങ്കാളികളാക്കാൻ പ്രേരിപ്പിക്കുകയും ചെയ്യുക എന്നതാണ് സ്വീപ്പ് പദ്ധതിയുടെ ലക്ഷ്യം.

കൊച്ചി മെട്രോ റെയിൽ ലിമിറ്റഡ് (കെഎംആർഎൽ) മാനേജിങ് ഡയറക്ടർ ലോക്‌നാഥ് ബെഹ്‌റ, ഇലക്ഷൻ കമ്മീഷൻ മീഡിയ ഡയറക്ടർ ജനറൽ ആഷിഷ് ഗോയൽ, എറണാകുളം ജില്ലാ കളക്ടർ ജി. പ്രിയങ്ക എന്നിവരും ബിനാലെ വേദി സന്ദർശിച്ച് സ്വീപ്പ് ക്യാമ്പെയ്‌നിനെ പിന്തുണയ്ക്കുകയും ബോർഡിൽ ഒപ്പു രേഖപ്പെടുത്തുകയും ചെയ്തു.