ആന്തൂർ സൂര്യകാന്തി എണ്ണ വിപണിയിൽ ഇറക്കി ; നഗരസഭാ ചെയർപേഴ്സൺ വി സതീദേവിഉദ്ഘാടനം ചെയ്തു

തളിപ്പറമ്പ : ആന്തൂർ നഗരസഭയിലെ  കർഷകൻ അനിൽകുമാർ ബക്കളം വയലിൽ കൃഷി ചെയ്ത് ഉൽപ്പാദിപ്പിച്ച സൂര്യകാന്തി എണ്ണയുടെ വിപണന ഉദ്ഘാടനം നഗരസഭാ കൃഷിഭവൻ കിസാൻ ഹാളിൽ വെച്ച് നടന്നു.നഗരസഭാ ചെയർപേഴ്സൺ വി. സതീദേവി ആണ്  ആദ്യ വിൽപന നടത്തി കൊണ്ട് ഉൽഘാടന കർമ്മം നിർവഹിച്ചത്.

വികസന കാര്യ സ്ഥിരം സമിതി അധ്യക്ഷ ഓമന മുരളീധരൻ അദ്ധ്യക്ഷത വഹിച്ച ചടങ്ങിൽ കർഷകൻ അനിൽകുമാർ കൃഷി അനുഭവങ്ങൾ പങ്കുവെച്ചു. കുറുമാത്തൂർ കൃഷി ഓഫീസർ അമൃത. കെ ശാസ്‌ത്രീയ വിള പരിപാലന രീതികളെ കുറിച്ച് ക്ലാസെടുത്തു. കൃഷി ഓഫീസർ രാമകൃഷ്ണൻ മാവില സ്വാഗതവും അസിസ്റ്റൻ്റ് കൃഷി ഓഫീസർ ജയശ്രീ. കെ നന്ദിയും പറഞ്ഞു.