ജാഗ്രത സമിതികളുടെ പ്രവർത്തനം ഊർജിതമാക്കണം :വനിതാ കമ്മീഷൻ

ആലപ്പുഴ :ജാഗ്രത സമിതികളുടെ പ്രവർത്തനം ഊർജിതമാക്കണമെന്ന് സംസ്ഥാന വനിതാ കമ്മീഷൻ അംഗം വി ആർ മഹിളാമണി പറഞ്ഞു. കളക്ടറേറ്റിലെ ദേശീയ സമ്പാദ്യഭവൻ ഹാളിൽ സംഘടിപ്പിച്ച വനിതാ കമ്മീഷൻ സിറ്റിംഗിൽ പങ്കെടുത്ത് സംസാരിക്കുകയായിരുന്നു കമ്മീഷൻ അംഗം. വസ്തു സംബന്ധമായ തർക്കം, അയൽവാസികൾ തമ്മിലുള്ള തർക്കം തുടങ്ങിയ കേസുകൾ ആണ് കൂടുതലും കമ്മീഷന് മുൻപാകെ എത്തിയത്. സ്ത്രീകൾക്ക് മേൽ ലോൺ പോലെയുള്ള കടബാധ്യതകൾ കൂടുന്നു എന്നും  കമ്മീഷൻ പറഞ്ഞു.