ചോറ് അമിതമായി വെന്ത് കുഴഞ്ഞ് പോയോ ? ഇതൊന്ന് ട്രൈ ചെയ്യൂ...

 ഉച്ചഭക്ഷണത്തിൽ ചോറ് ഒഴിഞ്ഞുകൂടാനാവാത്ത ഒരു വിഭവമാണ് മലയാളികളുടെ ജീവിതത്തിൽ. എന്നാൽ ചോറ് വേവിക്കുമ്പോൾ അത് അമിതമായി കുഴഞ്ഞുപോകുന്നത് പലർക്കും പതിവായൊരു പ്രശ്നമാണ്. ഇങ്ങനെ ചോറ് കുഴഞ്ഞാൽ രുചിയും ഗുണവും കുറയുകയും ഭക്ഷണത്തിനുള്ള ആകർഷണം കുറഞ്ഞുപോകുകയും ചെയ്യും. അതുകൊണ്ട് തന്നെ ചോറ് പാകത്തിന് വേവിച്ചെടുക്കുന്നത് ചെറിയൊരു ശ്രദ്ധ ആവശ്യപ്പെടുന്ന കാര്യമാണ്.

അരിയുടെ ഇനം ചോറ് അമിതമായി വെന്ത് കുഴഞ്ഞ് പോയോ ? ഇതൊന്ന് ട്രൈ ചെയ്യൂ..., വെള്ളത്തിന്റെ അളവ്, തീയുടെ നിയന്ത്രണം തുടങ്ങിയ ഘടകങ്ങൾ ചോറിയുടെ ഗുണനിലവാരത്തെ നേരിട്ട് സ്വാധീനിക്കുന്നു. ഈ കാര്യങ്ങളിൽ ശ്രദ്ധ ചെലുത്തിയാൽ കുഴയാതെ നല്ല പാകത്തിലുള്ള ചോറ് തയ്യാറാക്കാൻ സാധിക്കും.

അരി

വളരെ പ്രധാനപ്പെട്ട ഒരു ഭാഗമാണ് തിരഞ്ഞെടുക്കുന്ന അരി. ചെറിയ അരി ആണെങ്കിൽ അത് പരസ്പരം ഒട്ടിപിടിച്ചിരിക്കും. നീളമുള്ള അരിയാണെങ്കിൽ ഈ സാധ്യത കുറവാണ്. വെളുത്തതും ചെറുതുമായ അരിയിൽ അന്നജം കൂടുതലായതിനാൽ അവ പരസ്പരം ഒട്ടിപിടിച്ചിരിക്കും. ബസ്മതി പോലെ നീളമുള്ള അരിയിൽ അന്നജം കുറവുമായിരിക്കും.

വെള്ളം

ഒരു ഏകദേശ കണക്ക് എന്നതിനപ്പുറം ഒന്നര കപ്പ് വെള്ളത്തിന് ഒരു കപ്പ് അരി എന്ന് ഓർമയിൽ സൂക്ഷിക്കാം. ഓവനിലാണെങ്കിൽ വെള്ളം രണ്ട് കപ്പ് എന്ന അളവിലേയ്ക്കു മാറും.

പ്രഷർ കുക്കറിൽ പാകം ചെയ്യുമ്പോൾ

ബസ്മതി പോലെയുള്ള അരി പ്രഷർ കുക്കറിൽ വേവിക്കുന്നതിനു മുമ്പ് അതിൽ അൽപം നെയ്യ് തടവി കൊടുക്കാം. ഇത് ചോറ് ഒട്ടിപ്പിടിക്കാതിരിക്കാൻ സഹായിക്കും.

വേവിക്കുന്നത്

കലത്തിലാണ് അരി വേവിക്കുന്നതെങ്കിൽ ഒരു കപ്പ് അരിയിലേയ്ക്ക് രണ്ട് കപ്പ് വെള്ളം ഒഴിച്ച് നന്നായി തിളപ്പിക്കാം. ശേഷം തീ കുറച്ച് 2 മുതൽ 3 മിനിറ്റ് വരെ അടുപ്പിൽ വയ്ക്കാം. മുക്കാൽ ഭാഗവും വെന്തതിനു ശേഷം അടുപ്പണച്ച് രണ്ട് മിനിറ്റ് അടച്ചു വയ്ക്കാം. ശേഷം വെള്ളം അരിച്ചു കളഞ്ഞ് അതേ കലത്തിൽ തന്നെ ചോറ് അടച്ചു വയ്ക്കാം.

പെർഫക്ട് റൈസ്

കലത്തിൽ വെള്ളമെടുത്ത് അടുപ്പിൽ വച്ച് തിളപ്പിക്കാം. ഇതിലേയ്ക്ക് കഴുകിയെടുത്ത അരി ചേർക്കാം. അടച്ചു വച്ച് കുറച്ചു സമയം വേവിക്കാം. ശേഷം ഒരു തവി ഉപയോഗിച്ച് അൽപം ചോറെടുത്ത് അമർത്തി നോക്കാം. ഇത് അരിയുടം കൃത്യമായ വേവ് മനസ്സിലാക്കാൻ സഹായിക്കും.