ചര്‍മ്മത്തെ മൃദുലവും സുന്ദരവുമാക്കാൻ മുൾട്ടാണി മിട്ടി

മുഖക്കുരുവിനെ തടയാനും പാടുകളെ നീക്കം ചെയ്യാനും മുൾട്ടാണി മിട്ടി സഹായിക്കും.  അതിനായി മുൾട്ടാണി മിട്ടി കൊണ്ടുള്ള ചില ഫേസ് പാക്കുകളെ പരിചയപ്പെടാം. 

1. മുൾട്ടാണി മിട്ടി- റോസ് വാട്ടര്‍ 

ഒരു ചെറിയ കപ്പിൽ മുൾട്ടാണി മിട്ടിയെടുക്കുക. അതിൽ രണ്ട് ടേബിൾ സ്പൂൺ റോസ്‌വാട്ടർ ഒഴിക്കുക. ഇവ നന്നായി യോജിപ്പിച്ച് ഈ മിശ്രിതം മുഖത്തിടുക. നന്നായി ഉണങ്ങിക്കഴിയുമ്പോൾ മുഖം കഴുകി കളയാം. മുഖത്തെ എണ്ണമയം അകറ്റാനും മുഖക്കുരുവിനെ തടയാനും ഈ പാക്ക് സഹായിക്കും. 

2. മുള്‍ട്ടാണി മിട്ടി- തൈര് 

മുള്‍ട്ടാണി മിട്ടിയില്‍ അല്‍പം തൈര് ചേര്‍ത്ത് മിശ്രിതമാക്കുക. ശേഷം ഈ മിശ്രിതം  മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. മുഖത്തെ കരുവാളിപ്പ് മാറ്റാനും നിറം വര്‍ധിപ്പിക്കാനും ഈ പാക്ക് സഹായിക്കും. 

3. മുള്‍ട്ടാണി മിട്ടി- ചന്ദനപ്പൊടി- മഞ്ഞൾപ്പൊടി

രണ്ട് സ്പൂൺ മുള്‍ട്ടാണി മിട്ടി, ഒരു സ്പൂൺ ചന്ദനപ്പൊടി, ഒരു സ്പൂൺ മഞ്ഞൾപ്പൊടി എന്നിവ യോജിപ്പിച്ച്  മിശ്രിതമാക്കാം. ശേഷം ഈ മിശ്രിതം മുഖത്ത് പുരട്ടാം. 10 മിനിറ്റിനു ശേഷം ചെറുചൂടുവെള്ളത്തിൽ മുഖം കഴുകാം. മുഖത്തെ കറുത്ത പാടുകളെ മാറ്റാന്‍ ഈ പാക്ക് സഹായിക്കും.