.jpg)
മുടി മുട്ടോളം വളര്ത്താന് നാടന് ഹെയര് ടോണിക്
നെല്ലിക്ക
ഇതിനായി വേണ്ടത് നെല്ലിക്ക, റോസ്മേരി, വൈറ്റമിന് ഇ ഓയില് എന്നിവയാണ്. നെല്ലിക്ക ആരോഗ്യത്തിന് മാത്രമല്ല, മുടിയ്ക്കും ചര്മത്തിനുമെല്ലാം ഏറെ ഗുണകരമാണ്. മുടിയുടെ പല പ്രശ്നങ്ങള്ക്കുമുള്ള നല്ലൊരു മരുന്നാണ് നെല്ലിക്ക. ഇത് വൈറ്റമിന് സിയുടെ നല്ല ഉറവിടമാണ്. ശിരോചർമ്മത്തിലേക്കുള്ള രക്തചംക്രമണം വർദ്ധിപ്പിക്കുന്നതിലൂടെ ഇതിൽ അടങ്ങിയിരിക്കുന്ന പോഷകങ്ങൾ മുടിയുടെ വളർച്ചയെ ഉത്തേജിപ്പിക്കും. അകാല നരയിൽ നിന്ന് മുടിയെ തടയാനും നെല്ലിക്കയ്ക്ക് സാധിക്കുന്നതാണ്.
റോസ്മേരി
റോസ്മേരി
ഇതിനായി റോസ്മേരി കൂടി വേണം. ഇത് മുടിയ്ക്ക് ഏറെ ഗുണങ്ങള് നല്കുന്ന ഒന്നാണ്. മുടി വളര്ച്ചയ്ക്ക് സഹായിക്കുന്ന ഒന്ന്. ഇവയുടെ ഇലയിലും തണ്ടിലുമുള്ള ചില പ്രത്യേക ആല്ക്കലോയ്ഡുകളാണ് ഇതിന് സഹായിക്കുന്നത്. റോസ്മേരിക്കാഡിസ്, കാര്നോയിക് ആസിഡ്, ക്യാംഫര് തുടങ്ങിയ പല ആല്ക്കലോയ്ഡുകളും ഇതിലുണ്ട്.ഹെയര് റൂട്ടിന് ആവശ്യമായ ഓക്സിജന്, പോഷകങ്ങള് എന്നിവ ലഭിയ്ക്കും. ഇതിലൂടെ മുടിയിഴകള് വളരും. ഇതിന് സഹായിക്കുന്നതാണ് ഈ റോസ്മേരി വാട്ടര്.
വൈറ്റമിന് ഇ
വൈറ്റമിന് ഇ
വൈറ്റമിന് ഇ മുടിയ്ക്കും ചര്മത്തിനും ഒരുപോലെ ഗുണകരമായ ഒന്നാണ്. മുടിക്ക് നല്ല കരുത്ത് കിട്ടുന്നതിനും മുടി കൊഴിച്ചില് മാറ്റി എടുക്കുന്നതിനും ഇത് വളരെയധികം സഹായിക്കുന്നു. ചുളിവുകള് നീക്കം ചെയ്യുന്നു. മുഖത്തെ ചുളിവുകള് മാറ്റിയെടുക്കുന്നതിനും ചര്മ്മത്തിന് നല്ല യുവത്വം നല്കുന്നതിനും ഇത് വളരെയധികം സഹായിക്കുന്നുണ്ട്.ഷാംപൂ ഉപയോഗിച്ചത് മൂലം മുടിയുടെ ആരോഗ്യം നഷ്ടപ്പെട്ടെന്ന് വരാം. എന്നാല്, ഇത്തരം മുടികളെ നല്ല ആരോഗ്യത്തോടെ ആക്കി മാറ്റിയെടുക്കുന്നതിനും ഇത് സഹായിക്കുന്നുണ്ട്.
ഹെയര് ടോണിക് തയ്യാറാക്കാന്
ഈ ഹെയര് ടോണിക് തയ്യാറാക്കാന് എളുപ്പമാണ്. ഇതിനായി നെല്ലിക്ക, പ്രത്യേകിച്ചും കറുപ്പിച്ച നെല്ലിക്ക, റോസ്മേരി ഇലകള് എന്നിവ വെള്ളത്തില് ഇട്ട് തിളപ്പിയ്ക്കണം. ഇത് കുറഞ്ഞ ചൂടില് തിളപ്പിച്ചെടുക്കണം. ഈ രണ്ട് ചേരുവകളുടെ മുഴുവന് ഗുണങ്ങളും വെളളത്തിലേയ്ക്ക് ഇറങ്ങും വരെ തിളപ്പിയ്ക്കണം. പിന്നീട് ഇത് വാങ്ങി ചൂടാറുമ്പോള് ഊറ്റിയെടുക്കണം. ഇതിലേയ്ക്ക് ചൂടാറുമ്പോള് വൈറ്റമിന് ഇ ഓയില് ചേര്ത്തിളക്കണം. ഇത് ദിവസവും കിടക്കാന് നേരം തലയില് പുരട്ടി മസാജ് ചെയ്യാം