ഇനി മുഖം വെട്ടിത്തിളങ്ങളും; ഇങ്ങനെ ട്രൈ ചെയ്ത് നോക്കൂ

1. തക്കാളി നീര് മുഖത്ത് പുരട്ടി 15-20 മിനിറ്റിനു ശേഷം കഴുകി കളയാം. തക്കാളിയില്‍ ആന്റിഓക്‌സിഡന്റുകളും വിറ്റാമിന്‍ സിയും ധാരാളമുണ്ട്. ഇത് ചര്‍മ്മത്തിന് സ്വാഭാവിക തിളക്കം നല്‍കുകയും കറുത്ത പാടുകള്‍ ഇല്ലാതാക്കുകയും ചെയ്യും.

2. 2-3 ടേബിള്‍സ്പൂണ്‍ കറ്റാര്‍ വാഴ ജെല്ലും തേനും ഒരു ടീസ്പൂണ്‍ മഞ്ഞള്‍പ്പൊടിയും ചേര്‍ത്ത് മിക്സ് ചെയ്യുക. ഈ പേസ്റ്റ് മുഖത്ത് പുരട്ടി 10-15 മിനിറ്റിനു ശേഷം കഴുകി കളയാം.

3. 2-3 ടേബിള്‍സ്പൂണ്‍ പാലോ തൈരോ എടുക്കുക. 2 ടീസ്പൂണ്‍ കടലമാവ്, റോസ് വാട്ടര്‍, ഒരു നുള്ള് മഞ്ഞള്‍ എന്നിവ അതിലേക്ക് ചേര്‍ക്കുക. ഈ പേസ്റ്റ് മുഖത്ത് പുരട്ടി 15-20 മിനിറ്റിനു ശേഷം കഴുകി കളയുക. ഇത് നിങ്ങളുടെ ചര്‍മ്മത്തെ കൂടുതല്‍ തിളക്കമുള്ളതാക്കാന്‍ സഹായിക്കും.

4. കുറച്ച് മുള്‍ട്ടാണി മിട്ടി എടുത്ത് പാല്‍, തൈര്, വെള്ളം ഇവയില്‍ ഏതെങ്കിലും ഒന്ന് ചേര്‍ത്ത് അതിലേക്ക് ഒരു നുള്ള് മഞ്ഞളും കുറച്ച് തുള്ളി നാരങ്ങാനീരും ഒഴിക്കുക. ഈ പേസ്റ്റ് മുഖത്തും കഴുത്തിലും പുരട്ടുക. പായ്ക്ക് ഉണങ്ങിയതിന് ശേഷം ചെറുചൂടുള്ള വെള്ളത്തില്‍ കഴുകുക. ഇത് നിങ്ങളുടെ ചര്‍മ്മത്തിലെ എണ്ണമയം ഇല്ലാതാക്കാന്‍ വളരെയധികം സഹായിക്കും.

5. നാരങ്ങാനീരും തേനും തുല്യ അളവില്‍ എടുക്കണം. അതിലേക്ക് പാല്‍പ്പൊടി ചേര്‍ത്ത് ഇളക്കുക. ഈ പേസ്റ്റ് മുഖത്ത് പുരട്ടി അരമണിക്കൂറിനു ശേഷം തണുത്ത വെള്ളത്തില്‍ കഴുകി കളയുന്നത് മുഖത്തിന് മൃദുത്വം നല്‍കും.

6. കരുവാളിപ്പ് മാറ്റാന്‍ മികച്ചതാണ് ഉരുളക്കിഴങ്ങുകള്‍. ഉരുളക്കിഴങ്ങ് പേസ്റ്റോ ജ്യൂസോ മുഖത്ത് പുരട്ടാം. ഉരുളക്കിഴങ്ങ് നീര് എടുത്ത് അതില്‍ നാരങ്ങാനീര് ചേര്‍ക്കുക. ഇത് നിങ്ങളുടെ മുഖത്ത് അരമണിക്കൂറോളം നേരം തേച്ച് പിടിപ്പിക്കുക. പിന്നീട് 10 മിനിറ്റിനുശേഷം കഴുകി കളയാവുന്നതാണ്.