.jpg)
ഐടി ജോലി മടുത്ത് ഓട്ടോ ഡ്രൈവറായി, ഇപ്പോള് മാസം 60,000 രൂപ വരുമാനം, വൈറലായി യുവതിയുടെ ജീവിതം
നിലവില് ദിവസവും കഠിനാധ്വാനം ചെയ്ത് മാസം 60,000 രൂപ വരെ വരുമാനം നേടുന്നുണ്ട്. ജോലിയില് സന്തോഷവും സ്വാതന്ത്ര്യവും ലഭിക്കുന്നതായി അവര് പറയുന്നു.
ബെംഗളൂരു: ഐടി മേഖലയിലെ ഉയര്ന്ന ശമ്പളവും പ്രശസ്തിയുമുള്ള ജോലി ഉപേക്ഷിച്ച് ഓട്ടോ റിക്ഷ ഓടിച്ച് തുടങ്ങിയ യുവതിയുടെ കഥ സോഷ്യല് മീഡിയയില് വൈറലാവുകയാണ്. സ്ട്രെസ് നിറഞ്ഞ കോര്പ്പറേറ്റ് ജീവിതത്തില് നിന്ന് മുക്തി നേടി സ്വന്തം വാഹനം ഓടിച്ച് സന്തോഷത്തോടെ ജീവിക്കുന്ന ഇവരുടെ അനുഭവം പലരെയും പ്രചോദിപ്പിക്കുന്നു.
ഐടി കമ്പനിയില് ജോലി ചെയ്യുമ്പോള് നിരന്തരമായ സമ്മര്ദ്ദവും ടെന്ഷനും അനുഭവിച്ചിരുന്നു. ഉയര്ന്ന ശമ്പളം ലഭിച്ചിരുന്നെങ്കിലും സമാധാനം ഇല്ലാത്ത ജീവിതം അവരെ തളര്ത്തി. ഒടുവില് ജോലി രാജിവെച്ച് സ്വന്തമായി ഓട്ടോ വാങ്ങി ഡ്രൈവറാകാന് തീരുമാനിക്കുകയായിരുന്നു.
നിലവില് ദിവസവും കഠിനാധ്വാനം ചെയ്ത് മാസം 60,000 രൂപ വരെ വരുമാനം നേടുന്നുണ്ട്. ജോലിയില് സന്തോഷവും സ്വാതന്ത്ര്യവും ലഭിക്കുന്നതായി അവര് പറയുന്നു. പുറത്ത് നിന്ന് നോക്കുമ്പോള് ഐടി ജോലി വലിയ കാര്യമായി തോന്നാമെങ്കിലും അകത്ത് വലിയ സ്ട്രെസ് ആയിരുന്നു. ഇപ്പോള് ഞാന് സ്വതന്ത്രയാണ്, സന്തോഷത്തോടെ ജോലി ചെയ്യുന്നു എന്നാണ് അവരുടെ വാക്കുകള്.
യുവതിയുടെ കഥ സോഷ്യല് മീഡിയയില് വ്യാപകമായി പങ്കുവെക്കപ്പെടുകയും ഒട്ടേറെപ്പേരില് നിന്ന് പ്രശംസ നേടുകയും ചെയ്തിട്ടുണ്ട്. കോര്പ്പറേറ്റ് ജോലിയുടെ മോഹങ്ങള്ക്കപ്പുറം ജീവിതത്തിലെ യഥാര്ത്ഥ സന്തോഷം എന്താണെന്ന് തിരിച്ചറിയാന് കഥ പലരെയും പ്രേരിപ്പിക്കുന്നു.