മൈലുകൾ താണ്ടി വിനെയിൽ റിക്കാർഡുകൾ ശേഖരിച്ച രാജൻ

ഒരു കാലത്ത് ശബ്ദം പതിപ്പിക്കാൻ ഉപയോഗിച്ചിരുന്ന പ്രധാന മാർഗ്ഗമായിരുന്നു വിനെയിൽ റെക്കോർഡുകൾ. ഫോണോഗ്രാഫ് സിലിണ്ടറുകളിൽ നിന്ന് ഫോൺ പ്ലേറ്റുകളിലേക്ക്, പിന്നെ വിനെയിലിലേക്ക് ഈ സാങ്കേതിക വിജ്ഞാനം വളർന്നു. ശബ്്ദത്തെ വേ വ് രൂപത്തിൽ ശേഖരിച്ച് പ്ലെയറിലൂടെ വീണ്ടും വായിക്കുന്ന രീതി വിനെയിൽ റിക്കോർഡുകളുടെ പ്രത്യേകതയാണ്.1950-കളിൽ തുടങ്ങിയ ഓഡിയോ റിവല്യൂഷൻ, ആദ്യമായി ലോകം കണ്ടത് വിനൈൽ റിക്കോർഡുകളിലൂടെയും CD കളിലൂടെയുമാണ്. ശബ്‌ദത്തെ "സാമ്പിൾ" ചെയ്ത്, നമ്പറുകളിൽ തിരിച്ചറിയുക എന്നതായിരുന്നു ഇതിന്റെ അത്ഭുതം. ഇന്ന് MP3, , FLAC ,WAVപോലുള്ള ഫോർമാറ്റുകൾ ശബ്ദത്തിന്റെ ചുരുക്കമായി മാറി .മെമ്മറി കാർഡുകളിലും ക്ലൗഡുകളിലുമാണ് ഇന്ന് ശബ്ദം സൂക്ഷിക്കുന്നത് .

 ഡിജിറ്റലിന്റെ കൃത്യതക്കപ്പുറത്ത് ഒരു “ജിവനുള്ള ശബ്ദം” വിനെലുകൾക്കുണ്ട് ,അവയിൽ പഴമയുടെ ഈണവും താളവും സംസ്കാരവുമുണ്ട്.

പുതുതലമുറയ്ക്ക് പുരാവസ്തു മാത്രമായി അറിയപ്പെടുന്ന ഈ പാട്ടുപെട്ടികളും വിനൈൽ റിക്കാർഡുകളും രാജന് ജീവനാണ്.അനവ​ധി വർഷങ്ങളായി വിവിധതരം വിനൈൽ റെക്കോർഡുകളുടെ ഒരു ശേഖരം തന്നെ രാ​​ജൻ്റെ കൈയ്യിലുണ്ട്.ഇവിടത്തെ ഷെൽഫുകളിൽ സൂക്ഷിച്ചിരിക്കുന്ന ഓരോ റിക്കോർഡിനും ഓരോ കഥകളുണ്ട് പറയാൻ.

സിനിമാഗാനങ്ങളോടുള്ള മാസ്മരികതയാണ് ഈ ശേഖരണത്തിലേക്ക് രാജനെ നയിച്ചത് .1981 മുതൽ ആണ് റിക്കാര്ഡുകളുടെ ശേഖരണം ആരംഭിക്കുന്നത്.പല കടകളിൽ നിന്നും വ്യക്തികളിൽ നിന്നും ശേഖരിച്ചു, കോഴിക്കോട് എറണാകുളം തിരുവനന്തപുരം എന്നിവിടങ്ങളിൽ നിന്നുപോലും റിക്കോർഡുകൾ കരസ്ഥമാക്കി.

 

സംഗീത പ്രേമികളെപ്പോലും അത്ഭുതപ്പെടുത്തുന്ന തരത്തിലുള്ള ശേഖരങ്ങൾ ഇതിൽ ഉൾപ്പെടുന്നു. , ബംഗാളി സംഗീതം , ഗസൽ , ഹിന്ദുസ്ഥാനി ക്ലാസിക്കൽ,തുടങ്ങി പ്രാദേശിക സംഗീത രംഗത്തെ സമ്പന്നതയും ഈ ശേഖരത്തിലുണ്ട്.വെറുതെ അലമാരയിൽ സൂക്ഷിക്കുകയാണെന്ന്കരുതിയെങ്കിൽ തെറ്റി.എല്ലാം ഇന്നും പ്രവർത്തനസജ്ജമെന്നതാണ് മറ്റൊരു പ്രത്യേകത.  ഇവ KPAC നാടക ​ഗാനങ്ങൾ , യേശുദാസി​ന്റെ ഹിറ്റ്സ്, തുടങ്ങി വിവിധ കാലഘട്ടങ്ങളെയും ഭാഷകളെയും പ്രതിനിധീകരിക്കുന്നവയാണ്.പാതിരാ സൂര്യൻ,വെള്ളം, പാലാട്ട് കുഞ്ഞിക്കയണ്ണൻ,വയലാറി​ന്റെ ഇന്ദ്രജാലം ,, നാരായണീയം,ദേവീ ദർശനം, സ്വാമി അയ്യപ്പൻ തുടങ്ങിയവ രാജ​ന്റെ ശേഖരങ്ങളിൽപ്പെടുന്നു.

 ” ഡിജിറ്റലിന്റെ ഇന്നത്തെ കാലത്ത്, ശബ്ദത്തിന്റെയും ഓർമ്മകളുടെയും വൈഭവം വിനെയിലിലൂടെയും ഇത്തരം ആളുകളിലൂടെയും നിലനിൽക്കുന്നു. “ഓഡിയോ ഫയലുകൾ മാത്രം കേട്ടു ശീലിച്ച പുതു തലമുറക്ക് വിനെൽ റെക്കോർഡുകൾ പുതിയ അനുഭവമാകും സമ്മാനിക്കുക.