.jpg)
കല്പ്പറ്റ സര്ക്കാര് ടൗണ്ഷിപ്പ് കാണാന് സഞ്ചാരികളുടെ ഒഴുക്ക്, ദിവസേന എത്തുന്നത് ആയിരക്കണക്കിന് ആളുകള്, ടൂറിസ്റ്റുകള്ക്കായി പ്രത്യേക പാക്കേജും ബസ്സുകളും, എങ്ങും സംസാരവിഷയം
നിര്മ്മാണം പൂര്ത്തിയാകുന്നതോടെ ടൗണ്ഷിപ്പ് ഒരു സാധാരണ റസിഡന്ഷ്യല് ഏരിയ മാത്രമല്ല, മാതൃകാ പുനരധിവാസ പദ്ധതിയായി മാറിയിരിക്കുകയാണ്. ആധുനിക ടൗണിന്റെ എല്ലാ സൗകര്യങ്ങളും ഇവിടെയുണ്ട്.
കോഴിക്കോട്: മുണ്ടക്കൈ ചൂരല്മല ഉരുള്പൊട്ടല് ദുരന്തത്തില് എല്ലാം നഷ്ടപ്പെട്ട കുടുംബങ്ങള്ക്കായി കല്പറ്റയിലെ എല്സ്റ്റണ് എസ്റ്റേറ്റില് സര്ക്കാര് നിര്മ്മിച്ച മോഡല് ടൗണ്ഷിപ്പ് ഇപ്പോള് വയനാടിന്റെ പുതിയ ആകര്ഷണമായി മാറിയിരിക്കുന്നു. പൂര്ത്തിയാകുന്ന ഘട്ടത്തിലെത്തിയ ടൗണ്ഷിപ്പ് കാണാന് സഞ്ചാരികളുടെ ഒഴുക്കാണ്. ദിവസേന ആയിരക്കണക്കിന് ആളുകളാണ് ഇവിടെയെത്തുന്നത്.
മാര്ച്ച് 1-ന് മുഖ്യമന്ത്രി പിണറായി വിജയന് ടൗണ്ഷിപ്പിന്റെ ആദ്യ ഘട്ടം ഉദ്ഘാടനം ചെയ്ത് 178 കുടുംബങ്ങള്ക്ക് വീടുകളുടെ താക്കോല് കൈമാറിയിരുന്നു. മൊത്തം 410 വീടുകള് നിര്മ്മിക്കുന്ന പദ്ധതിയുടെ ഭാഗമായാണ് ടൗണ്ഷിപ്പ്. ഏഴ് സെന്റ് ഭൂമിയിലെ ഓരോ വീടും 1000 ചതുരശ്ര അടി വിസ്തീര്ണ്ണമുള്ളതും ആധുനിക സൗകര്യങ്ങളോട് കൂടിയതുമാണ്. ദുരന്ത പ്രതിരോധ ശേഷിയുള്ള നിര്മ്മാണം, സോളാര് പവര്, മോഡേണ് ഡ്രെയിനേജ്, വേസ്റ്റ് മാനേജ്മെന്റ് തുടങ്ങിയ സൗകര്യങ്ങള് ടൗണ്ഷിപ്പിന്റെ പ്രത്യേകതയാണ്.
നിര്മ്മാണം പൂര്ത്തിയാകുന്നതോടെ ടൗണ്ഷിപ്പ് ഒരു സാധാരണ റസിഡന്ഷ്യല് ഏരിയ മാത്രമല്ല, മാതൃകാ പുനരധിവാസ പദ്ധതിയായി മാറിയിരിക്കുകയാണ്. ആധുനിക ടൗണിന്റെ എല്ലാ സൗകര്യങ്ങളും ഇവിടെയുണ്ട്. ഫുട്ബോള് ഗ്രൗണ്ട്, കമ്യൂണിറ്റി ഹാള്, അങ്കണവാടി, മാര്ക്കറ്റ്, ഹെല്ത്ത് സെന്റര്, ഓപ്പണ് തിയേറ്റര്, ദുരന്ത സ്മാരകം തുടങ്ങിയവ.
ഉദ്ഘാടനത്തിന് ശേഷം ടൗണ്ഷിപ്പിന്റെ മനോഹരമായ ലേഔട്ടും ആധുനിക വീടുകളും കണ്ട് ആളുകള് ആകര്ഷിക്കപ്പെട്ടു. സ്കോട്ട്ലാന്ഡില് നിന്നുള്ള വിദേശ സഞ്ചാരികള് ഉള്പ്പെടെ ഒട്ടേറെ പേരാണ് പ്രത്യേകം വന്ന് ടൗണ്ഷിപ്പ് സന്ദര്ശിച്ചത്. വയനാട്ടിലെ ടൂറിസം മാപ്പില് പുതിയൊരു സ്ഥലമായി ഇത് മാറിയിരിക്കുന്നു.
ടൂറിസ്റ്റുകളുടെ വന്തിരക്ക് കണക്കിലെടുത്ത് പ്രത്യേക ക്രമീകരണങ്ങള് നടപ്പാക്കിയിട്ടുണ്ട്. കെഎസ്ആര്ടിസി ഉള്പ്പെടെയുള്ളവ പ്രത്യേക ബസ് സര്വീസുകള് ആരംഭിച്ചു. വയനാട്ടിലെ മറ്റ് ടൂറിസ്റ്റ് കേന്ദ്രങ്ങളുമായി ബന്ധിപ്പിച്ച് ടൂര് പാക്കേജുകളും തയ്യാറാക്കിയിട്ടുണ്ട്. കല്പറ്റ നഗരത്തിനടുത്തായതിനാല് സഞ്ചാരികള്ക്ക് സൗകര്യപ്രദമാണ്.
നിലവില് ടൗണ്ഷിപ്പിന്റെ നിര്മ്മാണ പ്രവര്ത്തനങ്ങള് അവസാന ഘട്ടത്തിലാണ്. ചില ഭാഗങ്ങളില് പ്ലമ്പിങ്, ഡ്രെയിനേജ് തുടങ്ങിയ ജോലികള് പൂര്ത്തിയി. ഗുണഭോക്താക്കള് ഉടന് പൂര്ണമായി താമസം ആരംഭിക്കുമെന്നാണ് പ്രതീക്ഷ.
വയനാടിന്റെ പുനരുദ്ധാരണത്തിന്റെ മാതൃകയായി നിന്ന ടൗണ്ഷിപ്പ്, ഭാവിയില് കൂടുതല് സഞ്ചാരികളെ സ്വീകരിക്കുമെന്നാണ് പ്രതീക്ഷ. പ്രകൃതി ദുരന്തത്തിന് ശേഷമുള്ള പ്രതിരോധ ശേഷിയുള്ള നിര്മ്മാണത്തിന്റെ മികച്ച ഉദാഹരണമായി കല്പറ്റ സര്ക്കാര് ടൗണ്ഷിപ്പ് ഇനിയും നിലനില്ക്കും.