.jpg)
സെക്സില് താത്പര്യം കുറവാണോ? ഇതാ ലൈംഗിക ബന്ധത്തിന് മൂഡ് കണ്ടെത്താന് ചില കിടിലന് വഴികള്
സെക്സ് പൂര്ണതോതില് ആസ്വദിക്കണമെങ്കില് രണ്ട് വ്യക്തികളുടേയും ലൈംഗിക താത്പര്യം ഒരുപോലെ ആയിരിക്കേണ്ടത് പ്രധാനമാണ്. ചില ദിവസങ്ങളില് നിങ്ങളുടെ പങ്കാളിക്ക് താത്പര്യമില്ലാതിരിക്കുമ്പോള് മറ്റ് ദിവസങ്ങളില്, അവര് എന്ത് പറഞ്ഞാലും ചെയ്താലും നിങ്ങള് മാനസികാവസ്ഥയില് ആയിരിക്കില്ല. ലൈംഗിക ബന്ധത്തിനുള്ള താത്പര്യമില്ലെങ്കില് ഒഴിഞ്ഞുമാറുകയെന്നത് നല്ല കാര്യമാണ്. എന്നാല്, ഇത് ആവര്ത്തിക്കുകയാണെങ്കില് നിങ്ങളുടെ പങ്കാളിയെ നിരാശരാക്കുമെന്നപ്പെടുത്തുന്നതും അവരുടെ ലൈംഗിക ആഗ്രഹങ്ങളെ അവഗണിക്കുന്നതിന് തുല്യവുമാണ്.
tRootC1469263">ലൈംഗിക ബന്ധത്തില് ഏര്പ്പെടാനുള്ള മാനസികാവസ്ഥയിലല്ലാത്തതിന് പല കാരണങ്ങളുമുണ്ട്. അതേസമയം, ലൈംഗിക താത്പര്യമുണര്ത്താന് ചില നുറുങ്ങു കാര്യങ്ങള് പരീക്ഷിക്കാവുന്നതാണ്.
എന്തുകൊണ്ടാണ് നിങ്ങള് ലൈംഗികതയ്ക്കുള്ള മാനസികാവസ്ഥയിലാകാത്തതെന്ന് പരിശോധിക്കുന്നത് അത് എങ്ങനെ പരിഹരിക്കാമെന്ന് കണ്ടെത്തുന്നതിനുള്ള താക്കോലാണ്. നിങ്ങള് ലൈംഗികതയ്ക്കുള്ള മാനസികാവസ്ഥയിലല്ലാത്തത് എന്തുകൊണ്ടെന്ന് കണ്ടെത്താനാകാതെ വരുമ്പോള് മാനസികാവസ്ഥയിലെത്താന് നുറുങ്ങുകളും തന്ത്രങ്ങളും പരീക്ഷിക്കുന്നത് നിരാശപ്പെടുത്തിയേക്കാം.
നിങ്ങളുടെ കുറഞ്ഞ ലിബിഡോയ്ക്ക് പിന്നില് പൊതുവായി കാണപ്പെടുന്ന ചില കാര്യങ്ങളുണ്ട്. ഉത്കണ്ഠ, സാംസ്കാരികമോ മതപരമോ ആയ സ്വാധീനം, വിഷാദം, നാണക്കേടിന്റെയോ കുറ്റബോധത്തിന്റെയോ വികാരങ്ങള്, ഹോര്മോണ് മാറ്റങ്ങള്, ജീവിത സമ്മര്ദങ്ങള്, മരുന്ന് തുടങ്ങിയവയെല്ലാം കാരണമായേക്കാം.
മേല്പ്പറഞ്ഞ ഏതെങ്കിലും കാര്യങ്ങള് നിങ്ങളുടെ ലിബിഡോ കുറവിന് ഉത്തരവാദികളാണെന്ന് നിങ്ങള് സംശയിക്കുന്നുവെങ്കില്, ഒരു ഡോക്ടറോട് സംസാരിക്കുന്നത് ഉചിതമായിരിക്കും. അതോടൊപ്പം സെക്സിനുള്ള മാനസികാവസ്ഥയില് നിങ്ങളെ എത്തിക്കുന്നതിനുള്ള ഈ നുറുങ്ങുകള് പരീക്ഷിക്കുകയും ചെയ്യാം.
നിങ്ങളുടെ മാനസികാവസ്ഥ മികച്ചതായി തോന്നാത്തപ്പോള് ലൈംഗികത ആസ്വദിക്കാനും പ്രയാസമാണ്. എല്ലായ്പ്പോഴും ക്ഷീണം അനുഭവപ്പെടുന്ന, അല്ലെങ്കില് സെക്സി അല്ലാത്ത ഒരു ഘട്ടത്തിലൂടെയാണ് നിങ്ങള് കടന്നുപോകുന്നതെങ്കില് ശാരീരിക അടുപ്പത്തിലുള്ള നിങ്ങളുടെ താല്പ്പര്യത്തെ ബാധിക്കും.
ആരോഗ്യകരമായ ഭക്ഷണം കഴിക്കുന്നതും പതിവായി വ്യായാമം ചെയ്യുന്നതും മാനസികാരോഗ്യം മെച്ചപ്പെടുത്താന് സഹായിക്കും. പതിവായി വ്യായാമം ചെയ്യുന്നത് നിങ്ങളുടെ ലിബിഡോ വര്ദ്ധിപ്പിക്കുമെന്ന് ഗവേഷണങ്ങള് തെളിയിച്ചിട്ടുണ്ട്.
ലഹരിവസ്തുക്കളുടെ ഉപയോഗം ലൈംഗിക പ്രവര്ത്തനത്തിനും വെല്ലുവിളി ഉയര്ത്തും. നിങ്ങള് സിഗരറ്റ് വലിക്കുകയോ അമിതമായ അളവില് മദ്യം കുടിക്കുകയോ ചെയ്യുകയാണെങ്കില്, അത് കുറയ്ക്കാനോ പൂര്ണ്ണമായും ഉപേക്ഷിക്കാനോ തയ്യാറാകണം.
വിരസതയോ അസ്വസ്ഥതയോ ഉള്ളപ്പോള് നിങ്ങള് ലൈംഗികതയ്ക്കുള്ള മാനസികാവസ്ഥയിലായിരിക്കില്ല. ദീര്ഘകാല പങ്കാളികളുള്ള ആളുകള്ക്ക് ഇത് പ്രത്യേകിച്ചും സാധാരണമാണ്. നിങ്ങള് രണ്ടുപേരും മുമ്പ് പരീക്ഷിക്കാത്ത എന്തെങ്കിലും പരീക്ഷിച്ചുകൊണ്ട് നിങ്ങളുടെ ലൈംഗിക ജീവിതം പുതുക്കാം. ഇത് നിങ്ങളുടെ ലൈംഗിക ജീവിതത്തെ കൂടുതല് ആസ്വാദ്യകരമാക്കും.
ഒന്നോ രണ്ടോ രാത്രികള്ക്കായി ഒരു ഹോട്ടലില് ഒരു മുറി ബുക്ക് ചെയ്യുന്നത് ലൈംഗിക ജീവിതത്തിന് വ്യത്യസ്തതയുണ്ടാക്കും. എന്നിരുന്നാലും, നിങ്ങളുടെ ലൈംഗികതയെ ത്വരിതപ്പെടുത്താന് നിങ്ങള്ക്കും പങ്കാളിക്കും ഇടയിലുള്ള വൈകാരിക അടുപ്പം വളര്ത്തിയെടുക്കേണ്ടത് പ്രധാനമാണ്. വൈകാരിക ബന്ധം ലൈംഗികാഭിലാഷം വര്ദ്ധിപ്പിക്കുന്നു.
ശാരീരികമായും വൈകാരികമായും ലൈംഗിക ബന്ധത്തില് നിങ്ങള് അനുഭവിക്കാന് ആഗ്രഹിക്കുന്ന കാര്യങ്ങളുടെ ലിസ്റ്റ് നിങ്ങളും നിങ്ങളുടെ പങ്കാളിയും ഉണ്ടാക്കുകയും അവ പരസ്പരം പങ്കുവെക്കുകയും ചെയ്യാം. നിങ്ങളുടെ പങ്കാളിയുമായി നിങ്ങളുടെ ആഗ്രഹങ്ങള് പങ്കുവെക്കുന്നതും അതുപോലെ തന്നെ അവരുടെ ആഗ്രഹങ്ങള് ശ്രദ്ധിക്കുന്നതും, നിങ്ങള് രണ്ടുപേരും സുരക്ഷിതരാണെന്ന് ഉറപ്പാക്കുന്നതിനുള്ള ഒരു മികച്ച മാര്ഗമാണ്.
പല ദമ്പതികളും തങ്ങള് ലൈംഗിക ബന്ധത്തില് ഏര്പ്പെടുന്നത് പൂര്ണ താത്പര്യത്തോടെയല്ല. ലൈംഗിക ബന്ധത്തില് ഏര്പ്പെടാന് നിങ്ങളുടെ ഷെഡ്യൂളില് ഒരു പ്രത്യേക സമയം കണ്ടെത്തുകയും അതിനായി നല്ലൊരു സമയം മാറ്റിവെക്കുകയും ചെയ്യുക. സെക്സ് ഷെഡ്യൂള് ചെയ്യുന്നത് നിങ്ങളുടെ പങ്കാളിയുമായി പൂര്ണ്ണമായും സന്നിഹിതരാകാനുള്ള സമയം നിങ്ങള് കണ്ടെത്തുന്നുണ്ടെന്ന് ഉറപ്പാക്കുന്നു. ഉറങ്ങുന്നതിന് മുന്പുള്ള അഞ്ചോ പത്തോ മിനിറ്റുള്ള ഒരു പ്രക്രിയ മാത്രമായി സെക്സിനെ ചുരുക്കുന്നത് ലൈംഗികതയെ മടുപ്പിക്കും.
സ്ട്രെസ് ലെവലുകള് നിയന്ത്രിക്കാന് സഹായിക്കുന്നതിന് ചില സാങ്കേതിക വിദ്യകള് പ്രയോഗിക്കുന്നതും സെക്സിനെ സഹായിക്കും. നിങ്ങളുടെ സ്ട്രെസ് ലെവലുകള് നിയന്ത്രിക്കാനും ലിബിഡോ വര്ദ്ധിപ്പിക്കാനും സഹായിക്കുന്നതിന് ഒരു പതിവ് വ്യായാമം, ധ്യാനം, ശ്വസന വ്യായാമങ്ങള് പരിശീലിക്കുക.
നിങ്ങളുടെ സ്ട്രെസ് ലെവലുകള് കുറയ്ക്കാന് നിങ്ങള്ക്ക് ചെയ്യാവുന്ന ഏറ്റവും പ്രധാനപ്പെട്ട കാര്യങ്ങളില് ഒന്ന് രാത്രിയില് ആവശ്യത്തിന് ഉറങ്ങുക എന്നതാണ്. വേണ്ടത്ര ഉറക്കം ലഭിക്കുന്നില്ലെങ്കില്, അത് ദിവസം മുഴുവനും, കിടപ്പുമുറിയിലും നിങ്ങള് എങ്ങനെ പ്രവര്ത്തിക്കുന്നു എന്നതിനെ ബാധിക്കുന്നു.
ദമ്പതികള് ലൈംഗിക ബന്ധത്തില് ഏര്പ്പെടുന്നതിന് ഏതാനും മണിക്കൂറുകള്ക്ക് മുമ്പ് സെക്സ്റ്റിംഗ് സെഷനില് ഏര്പ്പെടുന്നത് നല്ലതാണെന്ന് കണ്ടെത്തിയിട്ടുണ്ട്. അതല്ലെങ്കില് ലൈംഗികമായ എന്തെങ്കിലും വായിക്കാനോ കാണാനോ ശ്രമിക്കാം. നിങ്ങളുടെ പങ്കാളി അതിനോട് യോജിക്കുന്നുവെങ്കില്, നിങ്ങള്ക്ക് അവരെ അതിലേക്ക് കൊണ്ടുവരാനും ഒരുമിച്ച് കാണാനും വായിക്കാനും കഴിയും. ഇത് ശാരീരിക അടുപ്പത്തിനായുള്ള ആഗ്രഹങ്ങളും വര്ദ്ധിപ്പിക്കും.
നിങ്ങള് മാനസികാവസ്ഥയില് അല്ലാത്തപ്പോള് നിങ്ങളുടെ ശരീരത്തെ സുഖപ്പെടുത്തുന്നതിനുള്ള ഒരു മികച്ച മാര്ഗമാണ് സ്വയംഭോഗം. നിങ്ങള് എത്ര നാളായി നിങ്ങളുടെ പങ്കാളിയോടൊപ്പം കഴിഞ്ഞാലും, നിങ്ങളുടെ ശരീരത്തെ നിങ്ങളേക്കാള് നന്നായി അറിയാന് മറ്റാര്ക്കും കഴിയില്ല.
തിരക്കേറിയ ജീവിതമുള്ളപ്പോള് രാത്രിയില് ലൈംഗിക ബന്ധത്തില് ഏര്പ്പെടുന്നത് മടുപ്പിക്കുന്നതായി തോന്നാം. പകരം, അടുത്ത രണ്ടാഴ്ചത്തേക്ക് രാവിലെ ലൈംഗിക ബന്ധത്തിന് സമയം കണ്ടെത്തുക. നിങ്ങള് രണ്ടുപേരും ആവശ്യത്തിന് ഉറങ്ങുകയും നന്നായി വിശ്രമിക്കുകയും ചെയ്തതിന് ശേഷം രാവിലെ ലൈംഗിക ബന്ധത്തില് ഏര്പ്പെടുന്നത് നിങ്ങളുടെ ലിബിഡോ മെച്ചപ്പെടുത്തുന്നതിനുള്ള മികച്ച മാര്ഗമാണ്.