.jpg)
കൂളാകാന്‍ എസി തന്നെ വേണമെന്നില്ല, ഇതാ ചെലവ് കുറഞ്ഞ രീതിയില്‍ മുറി തണുപ്പിക്കാന്‍ ചില നുറങ്ങു വിദ്യകള്‍
വേനല്‍ക്കാലത്ത് മുറി വേഗത്തില്‍ തണുപ്പിക്കാന്‍ എയര്‍ കണ്ടീഷനിംഗ് ആണ് ഏറ്റവും പ്രചാരമുള്ളതെങ്കിലും, എല്ലാ വീട്ടിലും എസി സിസ്റ്റം സജ്ജീകരിച്ചിട്ടില്ല. എസിയുടെ വിലയും വൈദ്യുതിയുമെല്ലാം സാധാരണക്കാരന് താങ്ങാവുന്നതല്ല. എന്നാല്‍, എയര്‍ കണ്ടീഷനിംഗ് ഇല്ലാതെയും ഒരു മുറി തണുപ്പിക്കാന്‍ ഒട്ടേറെ വഴികളുണ്ട്.
ജനലുകള്‍ അടച്ചിടുക
ദിവസത്തിലെ ഏറ്റവും സൂര്യപ്രകാശമുള്ള സമയങ്ങളില്‍ നിങ്ങളുടെ ജാലകങ്ങള്‍ തുറന്നിടുന്നത് ഗണ്യമായ അളവില്‍ ചൂട് വീട്ടിനുള്ളിലേക്ക് കയറാന്‍ ഇടയാക്കുന്നു. പുറത്ത് സൂര്യന്‍ കത്തിജ്വലിക്കുന്ന സമയത്ത്, നിങ്ങളുടെ വീടിന്റെ ജനാലകളും വാതിലുകളുമെല്ലാം അടച്ചിടുക. ഇന്‍ഡോര്‍ വിന്‍ഡോ കവറിംഗ് ഓപ്ഷനുകള്‍ ഇതിനായി തെരഞ്ഞെടുക്കാം. ഷേഡുകള്‍, ഇന്‍സുലേറ്റഡ് കര്‍ട്ടനുകള്‍, ടിന്റിംഗ്, ഫ്രോസ്റ്റിംഗ് വിന്‍ഡോകള്‍ എന്നിവ പരീക്ഷിക്കുക.
ഫാനുകളുടെ ഉപയോഗം ഒപ്റ്റിമൈസ് ചെയ്യുക
തണുപ്പ് നിലനിര്‍ത്താനുള്ള മികച്ച മാര്‍ഗമാണ് ഫാന്‍. എന്നാല്‍ ഫാന്‍ പരമാവധി പ്രയോജനപ്പെടുത്താന്‍ ശ്രദ്ധ പുലര്‍ത്തേണ്ടതുണ്ട്. തുറന്ന ജാലകത്തിന് കുറുകെ ഒരു ഫാന്‍ സ്ഥാപിച്ച് ഒരു കൂളിംഗ് ക്രോസ്-ബ്രീസ് സൃഷ്ടിക്കുക. ഒരു വിന്‍ഡോ ബോക്സ് ഫാന്‍ ഉപയോഗിക്കുകയാണെങ്കില്‍, അത് പകലിന്റെ ഏറ്റവും തണുപ്പുള്ള സമയങ്ങളില്‍ നിങ്ങളുടെ മുറിയിലേക്കും പകല്‍ ചൂടുള്ള സമയങ്ങളില്‍ പുറത്തേക്കും വീശണം. അധിക തണുത്ത കാറ്റ് ലഭിക്കാന്‍ ഫാനിന്റെ മുന്നില്‍ ഒരു കോണില്‍ ഒരു പാത്രത്തില്‍ ഐസ് വയ്ക്കാം.
എക്സ്ഹോസ്റ്റ് ഫാനുകള്‍ ഓണാക്കുക
ബാത്ത്‌റൂം ഫാനുകളും അടുക്കള എക്സ്ഹോസ്റ്റ് ഫാനുകളും നിങ്ങളുടെ വീട്ടില്‍ നിന്ന് ചൂടും ഈര്‍പ്പവും അകറ്റുന്നു. വേനല്‍ക്കാലത്ത് നിങ്ങളുടെ വീട് തണുപ്പിക്കുന്നതിനായി ഈ ഫാനുകള്‍ കൂടുതലായി ഉപയോഗിക്കാം. നിങ്ങളുടെ വീട്ടില്‍ നിന്ന് ചൂട് വായു വലിച്ചെടുക്കാന്‍ പകല്‍ സമയത്ത് അവ ഓണാക്കുക.
രാത്രിയില്‍ ജനാലകള്‍ തുറന്നിടുക
സൂര്യന്‍ അസ്തമിച്ചതിന് ശേഷം, തണുത്ത കാറ്റ് മുറിക്കുള്ളിലേക്ക് കടക്കാന്‍ ജനാലകള്‍ തുറക്കുക. കൊതുകിനെയും ഈച്ചകളെയും അകറ്റാന്‍ സ്‌ക്രീനുകള്‍ ഉപയോഗിക്കാം. ഇത് രാത്രിയില്‍ വായു തണുപ്പിക്കാന്‍ ഇടയാക്കും.
ഹീറ്റ് പ്രൂഫ് ബെഡ്
ചൂടുകാലത്ത് ചൂടുള്ള കിടക്ക ഏവര്‍ക്കും ബുദ്ധിമുട്ടുണ്ടാക്കുന്നതാണ്. പ്രത്യേകിച്ച് രാത്രിയില്‍ മെത്തയിലേക്കും തലയിണകളിലേക്കും ശരീരത്തിന്റെ ചൂട് പുറത്തുവിടുന്നു. ശരീരത്തിലെ ചൂടും ഈര്‍പ്പവും അകറ്റാന്‍ സഹായിക്കുന്നതിന് ഒരു കൂളിംഗ് തലയിണ, മെത്ത, ഷീറ്റുകള്‍ അല്ലെങ്കില്‍ മെത്ത പാഡ് ഉപയോഗിക്കുക. വേനല്‍ക്കാലത്ത് തണുപ്പ് നിലനിര്‍ത്താന്‍ കോട്ടണ്‍ അല്ലെങ്കില്‍ ലിനന്‍ ഷീറ്റുകള്‍ സഹായിക്കും.
