മലയാളി വിദ്യാര്‍ത്ഥികളുടെ സ്വപ്‌നഭൂമിയായി ജര്‍മനി, മികച്ച ജോലിയും ശമ്പളവും, പതിനായിരക്കണക്കിന് അവസരം, പഠിക്കേണ്ടത് ഈ കോഴ്‌സുകള്‍, ജോലി നേടാന്‍ ചെയ്യേണ്ടത് ഇങ്ങനെ

കൊച്ചി: മലയാളികള്‍ക്ക് വിദേശപഠനവും ജോലിയും എന്നാല്‍ യുഎസ്, കാനഡ, യുകെ എന്നിവയായിരുന്നു പഴയ സ്വപ്നം. എന്നാല്‍ 2026-ലെ യാഥാര്‍ത്ഥ്യം മാറി. ജര്‍മനി ഇപ്പോള്‍ മലയാളി വിദ്യാര്‍ത്ഥികളുടെയും യുവപ്രൊഫഷണലുകളുടെയും ഏറ്റവും വലിയ ഡ്രീം ഡെസ്റ്റിനേഷനാണ്. ലോകത്തിലെ ഏറ്റവും ശക്തമായ സമ്പദ്വ്യവസ്ഥയുള്ള ജര്‍മനിയില്‍ തൊഴില്‍ കുറവ് (skilled worker shortage) രൂക്ഷമായിരിക്കുന്നു. 5,70,000-ലധികം തൊഴിലവസരങ്ങള്‍ ഒഴിഞ്ഞുകിടക്കുന്നു.

ജര്‍മനിയിലേക്കുള്ള ഇന്ത്യന്‍ പ്രൊഫഷണലുകള്‍ക്കായി പ്രത്യേക വര്‍ക്ക് വിസ ക്വോട്ട 20,000-ല്‍ നിന്ന് 90,000- ആയി വര്‍ദ്ധിപ്പിച്ചു. ഇത് മലയാളികള്‍ക്ക് വലിയ അവസരമാണ്. കേരളത്തില്‍ നിന്നുള്ള എഞ്ചിനീയറിങ്, നഴ്സിങ്, ഐടി ഗ്രാജുവേറ്റുകള്‍ക്ക് ജര്‍മനി ഇപ്പോള്‍ മികച്ച ജോലി, ഉയര്‍ന്ന ശമ്പളം, പെര്‍മനന്റ് റസിഡന്‍സി എന്ന സ്വര്‍ണകവാടമാണ് മുന്നിലുള്ളത്.

ജര്‍മനിയുടെ ജനസംഖ്യ വാര്‍ദ്ധക്യത്തിലേക്ക് നീങ്ങുന്നത് കാരണം 2035-ഓടെ 70 ലക്ഷം തൊഴിലാളികള്‍ക്ക് കുറവ് വരുമെന്നാണ് പ്രതീക്ഷ. 2024-ലെ Skilled Immigration Act-ന്റെ ഫലമായി വിസ നിയമങ്ങള്‍ ലളിതമാക്കി. ഭാഷാ ആവശ്യകതകള്‍ പല മേഖലകളിലും (പ്രത്യേകിച്ച് ഐടി) ഒഴിവാക്കി. ഇന്ത്യയുമായുള്ള ബൈലാറ്ററല്‍ അഗ്രിമെന്റ് വഴി 2025-26-ല്‍ 90,000 വിസകള്‍ പ്രത്യേകം ഇന്ത്യന്‍ പ്രൊഫഷണലുകള്‍ക്കായി ലഭ്യമാക്കി.

കഴിഞ്ഞ രണ്ട് വര്‍ഷത്തിനിടെ ഇന്ത്യന്‍ പ്രൊഫഷണലുകളുടെ എണ്ണം 1,37,000-ലധികമായി ഉയര്‍ന്നു. 2024-ല്‍ ജര്‍മനിയിലെ ഇന്ത്യന്‍ വിദ്യാര്‍ത്ഥികള്‍ 49,000-കടന്നു  ഇന്ത്യയാണ് ഏറ്റവും വലിയ സോഴ്സ് രാജ്യം. EU Blue Card ലഭിച്ചാല്‍ 21-33 മാസത്തിനുള്ളില്‍ PR ലഭിക്കും. ശമ്പളം യൂറോപ്യന്‍ തലത്തില്‍ ഏറ്റവും മികച്ചതാണ്.

സാധ്യതയുള്ള ജോലികളും ശമ്പളവും,

ഐടി & സോഫ്റ്റ്വെയര്‍: സോഫ്റ്റ്വെയര്‍ എഞ്ചിനീയര്‍, ഡാറ്റാ സയന്റിസ്റ്റ്, എഐ സ്‌പെഷ്യലിസ്റ്റ്, സൈബര്‍ സെക്യൂരിറ്റി. (ശമ്പളം: 60,000 യൂറോ മുതല്‍ 90,000 യൂറോ വരെ)
എഞ്ചിനീയറിങ്: മെക്കാനിക്കല്‍, ഓട്ടോമോട്ടീവ്, ഇലക്ട്രിക്കല്‍, സിവില്‍. (ജര്‍മനി ഓട്ടോമൊബൈല്‍ ഹബ് ആണ്)
ഹെല്‍ത്ത്കെയര്‍ & നഴ്സിങ്: നഴ്സിങ്, എല്‍ഡര്‍ കെയര്‍. (വലിയ ഡിമാന്‍ഡ്, Ausbildung പ്രോഗ്രാമുകള്‍)
മാനുഫാക്ചറിങ്, ലോജിസ്റ്റിക്‌സ്, കണ്‍സ്ട്രക്ഷന്‍: സ്‌കില്‍ഡ് ട്രേഡുകള്‍.

ആവശ്യമുള്ള യോഗ്യതകളും വിസ മാര്‍ഗങ്ങളും

1. അക്കാദമിക് യോഗ്യത: ബിരുദം/പോസ്റ്റ് ഗ്രാജുവേറ്റ് ഡിഗ്രി (3 വര്‍ഷമോ അതിലധികമോ). Anabin ഡാറ്റാബേസില്‍ ജര്‍മന്‍ തുല്യത ഉണ്ടായിരിക്കണം.
2. ഭാഷ: ഐടി-യില്‍ ഇംഗ്ലീഷ് മതി (ചിലപ്പോള്‍). മറ്റ് മേഖലകളില്‍ B1/B2 ജര്‍മന്‍
3. വിസ ഓപ്ഷനുകള്‍:
EU Blue Card: ജോബ് ഓഫറോടെ. 2026-ല്‍ shortage occupations-ന് 45,934 യൂറോ മുതല്‍, 50,700 യൂറോ വരെ ശമ്പളം.
Opportunity Card (Chancenkarte): ജോബ് ഇല്ലാതെ തന്നെ ജര്‍മനിയില്‍ പോയി 12 മാസം ജോബ് തിരയാം (20 മണിക്കൂര്‍ പാര്‍ട്ട്ടൈം ജോലി അനുവാദം).
പോസ്റ്റ്-സ്റ്റഡി: ജര്‍മനിയില്‍ പഠിച്ചാല്‍ 18 മാസം ജോബ് സീക്കര്‍ വിസ.
Ausbildung: വൊക്കേഷണല്‍ ട്രെയിനിങ് (പണം ലഭിക്കുന്ന പഠനം + ജോബ്).

കേരളത്തിന്റെ സാധ്യത, മലയാളികള്‍ക്ക് എന്തുകൊണ്ട് സൂപ്പര്‍ അവസരം?

കേരളം എഞ്ചിനീയറിങ്, മെഡിക്കല്‍, നഴ്സിങ് ഗ്രാജുവേറ്റുകളുടെ ഹബ് ആണ്. യുഎസ്/കാനഡയിലെ ഉയര്‍ന്ന ട്യൂഷന്‍ ഫീസും വിസ ബുദ്ധിമുട്ടും കാരണം പലരും ജര്‍മനിയിലേക്ക് തിരിയുന്നു. കേരളത്തില്‍ നിന്നുള്ള വിദ്യാര്‍ത്ഥികള്‍ ഇപ്പോള്‍ ജര്‍മനിയിലെ ഐടി, ഹെല്‍ത്ത്കെയര്‍, എഞ്ചിനീയറിങ് മേഖലകളില്‍ വലിയ എണ്ണത്തില്‍ പ്രവേശിക്കുന്നു.

കേരളത്തിന്റെ ഇംഗ്ലീഷ് പ്രാവീണ്യം, ടെക് സ്‌കില്ലുകള്‍, നഴ്സിങ് യോഗ്യതകള്‍  ഇവയെല്ലാം ജര്‍മനിയുടെ shortage lits മായി പൊരുത്തപ്പെടുന്നു. കൂടാതെ, ട്യൂഷന്‍ ഫീസ് ഏതാണ്ട് സൗജന്യം (പബ്ലിക് യൂണിവേഴ്സിറ്റികള്‍) എന്നതും വലിയ പ്ലസ്.

ജാലി നേടാന്‍ ചെയ്യേണ്ടത്,

1. ഡിഗ്രി തിരഞ്ഞെടുക്കുക: ജര്‍മനിയില്‍ MS in Engineering/IT/Healthcare അല്ലെങ്കില്‍ Ausbildung.
2. ജര്‍മന്‍ പഠിക്കുക: B1/B2 ലെവല്‍ (ഓണ്‍ലൈനോ ഇന്‍സ്റ്റിറ്റ്യൂട്ടുകളിലോ).

മലയാളി വിദ്യാര്‍ത്ഥികള്‍ക്ക് ഇപ്പോള്‍ സ്വപ്നം സാക്ഷാത്കരിക്കാനുള്ള സമയമാണ്. മികച്ച ജീവിതനിലവാരം, വര്‍ക്ക്-ലൈഫ് ബാലന്‍സ്, സുരക്ഷിതത്വം, പെന്‍ഷന്‍ സിസ്റ്റം എല്ലാം ലഭിക്കുന്ന രാജ്യമാണ്.