പോണ്‍ വീഡിയോകള്‍ കാണുന്നത് അത്ഭുതപ്പെടുത്തുന്ന ആരോഗ്യഗുണങ്ങള്‍ നല്‍കും, സര്‍വെ വെളിപ്പെടുത്തുന്നത് ഇങ്ങനെ

പോണ്‍ വീഡിയോകള്‍ അശ്ലീലം എന്നാണ് പൊതുവെ അറിയപ്പെടുന്നത്. സ്ഥിരമായി പോണ്‍ വീഡിയോകള്‍ കാണുന്നത് പലതരത്തിലുള്ള മാനസിക പ്രശ്‌നങ്ങള്‍ക്കും ഇടയാക്കുമെന്നും കണ്ടെത്തിയിട്ടുണ്ട്. എന്നാല്‍, പോണ്‍ വീഡിയോകള്‍ കാണുന്നത് ചില ആരോഗ്യഗുണങ്ങള്‍ക്കും കാരണമാകും.

അശ്ലീല വീഡിയോകള്‍ കൊണ്ടുള്ള പ്രധാന ഗുണങ്ങളിലൊന്ന് മാനസിക സമ്മര്‍ദ്ദം അകറ്റുമെന്നതാണ്. അമേരിക്കന്‍ പ്രസിഡന്റ് തെരഞ്ഞെടുപ്പിന് ശേഷം വോട്ടെണ്ണലിന്റെ ഇടവേളയില്‍ അമേരിക്കന്‍ പൗരന്മാര്‍ മാനസിക സമ്മര്‍ദ്ദം അകറ്റാന്‍ പോണ്‍ വീഡിയോ കാണുകയായിരുന്നെന്ന് വാര്‍ത്തകളുണ്ടായിരുന്നു.

പങ്കാളികളുമായി ഇടയ്‌ക്കെങ്കിലും ഒരുമിച്ച് അശ്ലീല വീഡിയോകള്‍ കാണുന്നത് ലൈംഗിക ജീവിതം കൂടുതല്‍ ആനന്ദകരമാക്കുമെന്ന് കണ്ടെത്തിയിട്ടുണ്ട്. ഫോര്‍പ്ലേയുടെ ഗുണം ചെയ്യുന്നതാണ് ഇത്തരം വീഡിയോകള്‍. അതേസമയം, ഇരുവര്‍ക്കും താത്പര്യമുണ്ടെങ്കില്‍ മാത്രമേ ഒരുമിച്ച് പോണ്‍ വീഡിയോ കാണാന്‍ പാടുള്ളൂ.

അശ്ലീലം മിതമായി ഉപയോഗിക്കുന്നത് ആനന്ദത്തിന്റെയും പ്രചോദനത്തിന്റെയും ഉറവിടമാണ്. 18 നും 73 നും ഇടയില്‍ പ്രായമുള്ള ആളുകളുടെ സമീപകാല വിശകലനം അനുസരിച്ച്, 91 ശതമാനം പുരുഷന്മാരും 60 ശതമാനം സ്ത്രീകളും ലൈംഗിക വീഡിയോകളില്‍ താത്പര്യം പ്രകടിപ്പിക്കുന്നവരാണ്.

ഓസ്ട്രേലിയന്‍ നടന്ന ഒരു പഠനം പറയുന്നത് ലൈംഗികതയോടുള്ള തങ്ങളുടെ മനോഭാവത്തില്‍ പോണ്‍ വീഡിയോകള്‍ വലിയ സ്വാധീനം ചെലുത്തുമെന്നാണ്. പ്രതികരിച്ചവരില്‍ 58.8 ശതമാനം പേരും ഇക്കാര്യം ശരിവെക്കുന്നു.

അശ്ലീല വീഡിയോകള്‍ കാണുന്നവര്‍ പൊതുവെ ലൈംഗികതയെ അടിച്ചവര്‍ത്തുന്നവരായിരിക്കില്ലെന്ന് പഠനം കണ്ടെത്തി. അവര്‍ ലൈംഗികതയെ കുറിച്ച് കൂടുതല്‍ തുറന്ന മനസ്സുള്ളവരും മറ്റുള്ളവരുടെ ലൈംഗിക താല്‍പ്പര്യങ്ങളോട് കൂടുതല്‍ സഹിഷ്ണുത പുലര്‍ത്തുന്നവരുമാണ്. ദീര്‍ഘകാല ബന്ധങ്ങളില്‍ ലൈംഗിക ആസ്വാദനം നിലനിര്‍ത്താന്‍ പോണ്‍ അവരെ സഹായിച്ചു. പങ്കാളിയുടെ ആവശ്യങ്ങളെക്കുറിച്ച് കൂടുതല്‍ ബോധവാന്മാരുമാണ് ഇക്കൂട്ടര്‍.

2015 ലെ ഒരു പഠനം സൂചിപ്പിക്കുന്നത് അശ്ലീല വീഡിയോ കാണുന്ന പുരുഷന്മാര്‍ക്ക് ഉയര്‍ന്ന ഉത്തേജനം ഉണ്ടെന്നും അവരുടെ പങ്കാളികളുമായുള്ള ലൈംഗികതയില്‍ കൂടുതല്‍ താല്‍പ്പര്യമുണ്ടെന്നുമാണ്.

ഉദ്ധാരണക്കുറവിന് അശ്ലീലം ഗുണം ചെയ്യും. പോണോഗ്രാഫി കാണുന്നത് ലൈംഗിക ഉത്തജനം നല്‍കുമെന്ന് ശാസ്ത്രജ്ഞര്‍ പണ്ടേ കണ്ടെത്തിയിട്ടുണ്ട്. ഉദാഹരണത്തിന്, വയാഗ്ര അല്ലെങ്കില്‍ മറ്റൊരു ഉത്തേജന മരുന്ന് പ്രവര്‍ത്തിക്കാന്‍ തുടങ്ങുന്നതിന് മുമ്പ് ഒരു അശ്ലീല സിനിമ കാണുന്നത് പങ്കാളിക്കായി തയ്യാറെടുക്കാന്‍ സഹായിക്കും.

ദമ്പതികളായി ലൈംഗിക ചിത്രങ്ങള്‍ കാണുന്നതിന് ചില അത്ഭുതകരമായ ഗുണങ്ങളുണ്ട്. രസകരമായ രംഗങ്ങള്‍ ഒരുമിച്ച് കാണുമ്പോള്‍ പങ്കാളികള്‍ക്ക് കൂടുതല്‍ അടുപ്പം തോന്നുന്നുവെന്ന് ഗവേഷണങ്ങള്‍ കാണിക്കുന്നു. അതിലുപരി, അവര്‍ കിടക്കയില്‍ കൂടുതല്‍ സംതൃപ്തരാണ്.

അശ്ലീല വീഡിയോകള്‍ കാണുന്നതില്‍ പോസിറ്റീവ് ഇഫക്റ്റുകള്‍ ഉള്ളതിനാല്‍, അതില്‍ വിഷമിക്കുകയോ ലജ്ജിക്കുകയോ ചെയ്യേണ്ടതില്ല. പകരം, അത് നല്ല കാര്യത്തിനായി മാത്രം ഉപയോഗിക്കുക. നല്ല സെക്സില്‍ ഏര്‍പ്പെടാന്‍ നല്ല ലൈംഗികാരോഗ്യവും വേണമെന്ന് ഓര്‍ക്കുക. അതേസമം, പോണ്‍ വീഡിയോകള്‍ക്ക് അടിമകളാകുന്നത് മാനസികവും ശാരീരികവുമായ പ്രശ്‌നങ്ങള്‍ക്കിടയാക്കും. ഇത്തരക്കാര്‍ മാനസികാരോഗ്യ വിദഗ്ധനെ സമീപിച്ച് ഇതില്‍ നിന്നും മുക്തി നേടാന്‍ നേടേണ്ടതാണ്.