.jpg)
തത്കാലിലെ പകല്ക്കൊള്ള മതിയാകാതെ യാത്രക്കാരുടെ പോക്കറ്റടിച്ച് റെയില്വെ, ടിക്കറ്റ് നിരക്കിലെ വര്ദ്ധന സാധാരണക്കാരന് തിരിച്ചടിയാകും, മുതിര്ന്ന പൗരന്മാരുടെ ഇളവ് നിര്ത്തലാക്കി നേടുന്നത് സഹസ്രകോടികള്
തത്കാല് ടിക്കറ്റുകള് റെയില്വേയുടെ പ്രധാന ലാഭസ്രോതസ്സുകളിലൊന്നാണ്. ഫ്ലെക്സി ഫെയര്, തത്കാല്, പ്രീമിയം തത്കാല് എന്നിവയിലൂടെ റെയില്വേയുടെ മൊത്തം പാസഞ്ചര് വരുമാനത്തിന്റെ 5-6% ലഭിക്കുന്നു.
ന്യൂഡല്ഹി: ഇന്ത്യന് റെയില്വേ യാത്രക്കാരുടെ പോക്കറ്റ് കാലിയാക്കുന്ന പുതിയ നീക്കങ്ങളുമായി സര്ക്കാര് മുന്നോട്ട് പോകുന്നു. ടിക്കറ്റ് നിരക്ക് വര്ധന, തത്കാല് ടിക്കറ്റുകളിലെ അമിതലാഭം, മുതിര്ന്ന പൗരന്മാരുടെ ഇളവ് നിര്ത്തലാക്കിയതിലൂടെ ലഭിക്കുന്ന വമ്പന് തുക ഇവയെല്ലാം ചേര്ന്ന് സാധാരണക്കാരന് കുറഞ്ഞ ചെലവിലുള്ള യാത്ര സ്വപ്നം മാത്രമായി മാറുകയാണ്. നിലവില് വരുന്ന പുതിയ നിരക്ക് വര്ധന സാധാരണ യാത്രക്കാരെ ബാധിക്കുമ്പോള്, റെയില്വേയുടെ വരുമാനം 600 കോടി രൂപയോളം വര്ധിക്കുമെന്നാണ് കണക്കാക്കുന്നത്.
tRootC1469263">2025 ഡിസംബര് 26 മുതലാണ് റെയില്വേ ടിക്കറ്റ് നിരക്കുകളില് മാറ്റം വരുത്തുന്നത്. 215 കിലോമീറ്ററിന് മുകളിലുള്ള യാത്രകള്ക്കാണ് പ്രധാനമായും വര്ധന. ഓര്ഡിനറി ക്ലാസില് ഒരു കിലോമീറ്ററിന് 1 പൈസ വീതം കൂടും. മെയില്/എക്സ്പ്രസ് നോണ്-എസി ക്ലാസുകളില് 2 പൈസ വീതം വര്ധന. എസി ക്ലാസുകളിലും സമാനമായ ചെറിയ വര്ധനയുണ്ട് ഉദാഹരണത്തിന്, 500 കിലോമീറ്ററിന് 10 രൂപ കൂടുതല്. ഈ വര്ധന ദീര്ഘദൂര യാത്രക്കാരെ ബാധിക്കും. സാധാരണക്കാര്ക്ക് ഇത് വലിയ തിരിച്ചടിയാകുമ്പോള്, റെയില്വേയുടെ വരുമാനത്തില് വന് വര്ധനയാണ് പ്രതീക്ഷിക്കുന്നത്. കോവിഡ് കാലത്തിന് ശേഷം റെയില്വേ നിരക്കുകള് പലതവണ പുനഃക്രമീകരിച്ചെങ്കിലും, പുതിയ വര്ധന സാധാരണ ജനങ്ങളുടെ ബജറ്റിനെ ബാധിക്കുന്നതാണ്.
തത്കാല് ടിക്കറ്റുകള് റെയില്വേയുടെ പ്രധാന ലാഭസ്രോതസ്സുകളിലൊന്നാണ്. ഫ്ലെക്സി ഫെയര്, തത്കാല്, പ്രീമിയം തത്കാല് എന്നിവയിലൂടെ റെയില്വേയുടെ മൊത്തം പാസഞ്ചര് വരുമാനത്തിന്റെ 5-6% ലഭിക്കുന്നു. 2019-2023 കാലയളവില് ഈ വിഭാഗത്തില് നിന്ന് മാത്രം 5.7% വരുമാനം ഉണ്ടായി. തത്കാല് ടിക്കറ്റുകളുടെ ഡൈനാമിക് പ്രൈസിങ് സംവിധാനം റെയില്വേയ്ക്ക് അധിക ലാഭം നല്കുന്നു. ടിക്കറ്റ് റദ്ദാക്കുന്ന ഫീസുകളിലൂടെ മാത്രം 2019-2023ല് 6,112 കോടി രൂപ ലഭിച്ചു. അമിത നിരക്കുകള് സാധാരണ യാത്രക്കാരെ പ്രതിസന്ധിയിലാക്കുന്നതാണ്.
2020 മാര്ച്ച് മുതല് മുതിര്ന്ന പൗരന്മാരുടെ ടിക്കറ്റ് ഇളവും റെയില്വേ നിര്ത്തലാക്കി. ഇതിലൂടെ 2025 ഫെബ്രുവരി വരെ 8,913 കോടി രൂപ അധിക വരുമാനം ലഭിച്ചു. ഈ കാലയളവില് 31.35 കോടി മുതിര്ന്ന പൗരന്മാര് യാത്ര ചെയ്തു. 2022-23ല് മാത്രം 2,242 കോടി രൂപയാണ് അധികമായി ലഭിച്ചത്. കോവിഡ് കാലത്ത് താല്ക്കാലികമായി നിര്ത്തിയ ഇളവ് പിന്നീട് പുനഃസ്ഥാപിച്ചില്ല.