വേഗത്തില്‍ ഭക്ഷണം കഴിക്കുന്നവരുടെ സ്വഭാവം ഇങ്ങനെ, നിങ്ങളുടെ വ്യക്തിത്വ സവിശേഷതകള്‍ പരിശോധിച്ചുനോക്കൂ

ചിലര്‍ ഭക്ഷണം വേഗത്തില്‍ കഴിച്ചു തീര്‍ക്കും. മറ്റുള്ളവര്‍ പാതിവഴിയിലിരിക്കുമ്പോഴേക്കും അവരുടെ പ്ലേറ്റ് ശൂന്യമായിരിക്കും. തിരക്കുപിടിച്ച ജീവിതശൈലിയുടെ ഭാഗമായിരിക്കാം ഇത്. എന്നാല്‍, മനഃശാസ്ത്രജ്ഞര്‍ പറയുന്നത്, ഭക്ഷണം കഴിക്കുന്ന വേഗത നമ്മുടെ ചിന്താരീതി, പെരുമാറ്റം, ലോകത്തോടുള്ള പ്രതികരണം എന്നിവയെക്കുറിച്ചുള്ള ചില സൂചനകള്‍ നല്‍കാമെന്നാണ്.

ഒരു ശീലം മാത്രം ഒരാളുടെ പൂര്‍ണ വ്യക്തിത്വത്തെ വെളിപ്പെടുത്തില്ല. മനുഷ്യപെരുമാറ്റം വളരെ സങ്കീര്‍ണ്ണമാണ്. എന്നിരുന്നാലും, ചില പഠനങ്ങള്‍ ഭക്ഷണ വേഗതയും ചില മനഃശാസ്ത്രീയ സവിശേഷതകളും തമ്മിലുള്ള ബന്ധത്തെ സൂചിപ്പിക്കുന്നു.

1. ലക്ഷ്യോന്മുഖര്‍

വേഗത്തില്‍ ഭക്ഷണം കഴിക്കുന്നവര്‍ പലപ്പോഴും 'ഫിനിഷ് ലൈന്‍' ലക്ഷ്യമിട്ട് മുന്നേറുന്നവരാണ്. ഡു ലിസ്റ്റിലെ ടാസ്‌ക്കുകള്‍ ടിക്ക് ചെയ്ത് അടുത്തതിലേക്ക് പോകുന്ന തരം ആളുകള്‍. ഭക്ഷണം ഒരു അനുഭവമല്ല, പൂര്‍ത്തിയാക്കേണ്ട ഒരു ജോലിയായി അവര്‍ കാണുന്നു.

2. അസഹ്യരായവര്‍

ക്യൂവില്‍ നില്‍ക്കുന്നത്, സ്ലോ മീറ്റിങ്ങുകള്‍, ഭക്ഷണം വൈകി വരുന്നത് തുടങ്ങിയവ ഇവര്‍ക്ക് അസഹ്യമായിരിക്കും. ജീവിതത്തിന്റെ വേഗത തന്നെ വേഗത്തിലാക്കാന്‍ ഇഷ്ടപ്പെടുന്നവരാണ് ഇവര്‍. സമയസമ്മര്‍ദ്ദം അനുഭവിക്കുന്നവര്‍ ഭക്ഷണസമയത്തും അബോധാവസ്ഥയില്‍ തിരക്ക് കൂട്ടാറുണ്ട്.

3. ഉല്‍പ്പാദനക്ഷമതയ്ക്ക് മുന്‍ഗണന

ഭക്ഷണസമയം മറ്റ് ഉത്തരവാദിത്തങ്ങള്‍ക്കിടയില്‍ ഫിറ്റ് ചെയ്യുന്ന ഒന്നായി അവര്‍ കാണുന്നു. ഇമെയില്‍ ചെക്ക് ചെയ്യുകയോ, ഫോണില്‍ സ്‌ക്രോള്‍ ചെയ്യുകയോ, അടുത്ത മീറ്റിങ്ങിന് തയ്യാറെടുക്കുകയോ ചെയ്യുമ്പോഴാണ് ഭക്ഷണം കഴിക്കുക.

4. പൂര്‍ണ്ണത തിരിച്ചറിയാന്‍ ബുദ്ധിമുട്ട്

വേഗത്തില്‍ കഴിക്കുമ്പോള്‍ ശരീരത്തിന്റെ പൂര്‍ണ സിഗ്‌നലുകള്‍ തലച്ചോറിലെത്താന്‍ സമയമെടുക്കും. അതിനാല്‍ ആവശ്യത്തിനപ്പുറം കഴിക്കാന്‍ സാധ്യതയുണ്ട്. ഇത് സ്വയം നിയന്ത്രണത്തിന്റെ കുറവല്ല, മറിച്ച് ശരീരത്തിന്റെ സ്വാഭാവിക ക്രമീകരണ സംവിധാനത്തിന്റെ പരിമിതിയാണ്.

5. വേഗതയേറിയ ചുറ്റുപാടുകളില്‍ തിളങ്ങുന്നവര്‍

തിരക്കേറിയ ഷെഡ്യൂളുകള്‍, ഡിമാന്‍ഡിങ് ജോലിസ്ഥലങ്ങള്‍, വേഗത്തിലുള്ള തീരുമാനങ്ങള്‍ എന്നിവയില്‍ സുഖം കാണുന്നവരാണ് ഇവര്‍. ജീവിതം മന്ദഗതിയിലാകുമ്പോള്‍ അസ്വസ്ഥത തോന്നാം.

6. മൈന്‍ഡ്ഫുള്‍ ഈറ്റിങ് കുറവ്

രുചി, വിശപ്പ്, പൂര്‍ണത എന്നിവയോട് ശ്രദ്ധ കുറവായിരിക്കും. ഭക്ഷണം അവസാനിക്കുമ്പോഴേക്കും പൂര്‍ണ അനുഭവം നഷ്ടപ്പെടുന്നു. മൈന്‍ഡ്ഫുള്‍ ഈറ്റിങ് ശീലമാക്കുന്നത് ആരോഗ്യത്തിനും ഭക്ഷണവുമായുള്ള ബന്ധത്തിനും നല്ലതാണ്.