.jpg)
അമേരിക്കന് പ്രസിഡന്റിനോട് ഇത്രയും സ്നേഹമോ, ബൈഡനും ഭാര്യയ്ക്കും വിലപ്പെട്ട സമ്മാനവുമായി മോദി
ന്യൂഡല്ഹി: ഇന്ത്യന് പ്രധാനമന്ത്രി നരേന്ദ്ര മോദി അമേരിക്കന് സന്ദര്ശനത്തിലാണുള്ളത്. ചൈനയുടെ ഭീഷണി വര്ധിച്ചുവരുന്ന സാഹചര്യത്തില് ഏറെ തന്ത്രപ്രധാനമായ സന്ദര്ശനമാണ് മോദിയുടേതെന്ന് വിലയിരുത്തപ്പെടുന്നു. സഹസ്രകോടികളുടെ ആയുധ ഇടപാടുകളും ഏറെ നിര്ണായകമാകുന്ന കരാറുകളുമെല്ലാം അമേരിക്കയുമായി ഇന്ത്യ ഒപ്പുവെക്കും.
tRootC1469263">അമേരിക്കന് പ്രസിഡന്റിനെ സന്ദര്ശിക്കുമ്പോള് കൈനിറയെ സമ്മാനങ്ങളുമായാണ് മോദി എത്തിയതെന്ന് മാധ്യമങ്ങള് റിപ്പോര്ട്ട് ചെയ്യുന്നു. വര്ഷങ്ങളായി ഇന്ത്യയുടെ അടുത്ത സുഹൃദ് രാജ്യമാണ് അമേരിക്ക. അതുകൊണ്ടുതന്നെ മോദിയുടെ സമ്മാനത്തിലും ഇത് പ്രതിഫലിക്കുന്നു. വിലപ്പെട്ട സമ്മാനങ്ങള് മോദി അമേരിക്കന് പ്രസിഡന്് ജോ ബൈഡനും ഭാര്യ ജില് ബൈഡനും നല്കി.
ജോ ബൈഡന് പ്രധാനമന്ത്രി മോദി ഒന്നിലേറെ സമ്മാനങ്ങള് നല്കുകയുണ്ടായി. ജയ്പൂരില് നിന്നുള്ള ഒരു മാസ്റ്റര് കരകൗശല വിദഗ്ധന് കൈകൊണ്ട് നിര്മ്മിച്ച പ്രത്യേക ചന്ദനപ്പെട്ടിയാണ് ഒരു സമ്മാനം. കര്ണാടകയിലെ മൈസൂരില് നിന്നുള്ള ചന്ദനത്തില് സസ്യജന്തുജാലങ്ങളുടെ രൂപങ്ങള് കൊത്തിവെച്ചിട്ടുണ്ട്.
ചന്ദന പെട്ടിയില് ഗണപതിയുടെ ഒരു വെള്ളി വിഗ്രഹം, ഒരു എണ്ണ വിളക്ക്, ഒരു ചെമ്പ് തകിട്, 10 വെള്ളി പെട്ടികള് എന്നിവ ഉണ്ടായിരുന്നു. കൊല്ക്കത്തയില് നിന്നുള്ള വെള്ളിപ്പണിക്കാരുടെ കുടുംബത്തിലെ അഞ്ചാം തലമുറയിലെ ഒരു അംഗമാണ് ഈ വെള്ളി വിഗ്രഹം നിര്മ്മിച്ചത്. ഗണേശനെ വിഘ്നങ്ങള് നശിപ്പിക്കുന്നവനായും എല്ലാ ദൈവങ്ങളിലും ആദ്യം ആരാധിക്കപ്പെടുന്നവനായും കണക്കാക്കപ്പെടുന്നു.
ഉത്തര്പ്രദേശില് നിന്നുള്ളതാണ് താമ്രപത്ര എന്നും അറിയപ്പെടുന്ന ചെമ്പ് തകിട്. അതില് ഒരു ശ്ലോകം ആലേഖനം ചെയ്തിട്ടുണ്ട്. പുരാതന കാലത്ത്, എഴുത്തിനും രേഖകള് സൂക്ഷിക്കുന്നതിനുമുള്ള ഒരു മാധ്യമമായി താമ്രപത്രം വ്യാപകമായി ഉപയോഗിച്ചിരുന്നു.
യുഎസ് പ്രഥമ വനിത ജില് ബൈഡനും പ്രധാനമന്ത്രി വിലപ്പെട്ട സമ്മാനങ്ങള് നല്കി. 7.5 കാരറ്റ് ഗ്രീന് ഡയമണ്ട് ആണ് ഇതിലൊന്ന്. അത്യാധുനിക സാങ്കേതിക വിദ്യ ഉപയോഗിച്ച് സൂക്ഷ്മതയോടെ ലാബില് നിര്മിച്ചെടുത്തതാണ് ഈ വജ്രം. ഇന്ത്യയുടെ 75 വര്ഷത്തെ സ്വാതന്ത്ര്യത്തെയും സുസ്ഥിരമായ അന്താരാഷ്ട്ര ബന്ധങ്ങളെയുടേയും പ്രതീകമായിട്ടാണ് ഈ സമ്മാനം നല്കിയത്.
ഔദ്യോഗിക സമ്മാനമായി, യുഎസ് പ്രസിഡന്റ് ജോ ബൈഡനും പ്രഥമ വനിതയും പ്രധാനമന്ത്രി മോദിക്ക് ഇരുപതാം നൂറ്റാണ്ടിന്റെ തുടക്കത്തില് കൈകൊണ്ട് നിര്മ്മിച്ച പുരാതന അമേരിക്കന് പുസ്തക ഗാലി സമ്മാനിക്കും. അവര് മോദിക്ക് ജോര്ജ്ജ് ഈസ്റ്റ്മാന്റെ ആദ്യത്തെ കൊഡാക് ക്യാമറയും, അമേരിക്കന് വൈല്ഡ് ലൈഫ് ഫോട്ടോഗ്രാഫിയുടെ ഹാര്ഡ് കവര് പുസ്തകവും, 'റോബര്ട്ട് ഫ്രോസ്റ്റിന്റെ ശേഖരണ കവിതകള്' ഒപ്പിട്ട ആദ്യ പതിപ്പും സമ്മാനിക്കും.
ന്യൂയോര്ക്കില് നിന്ന് വാഷിംഗ്ടണിലെത്തിയ പ്രധാനമന്ത്രി മോദി, യുഎന് ഉദ്യോഗസ്ഥരും നയതന്ത്രജ്ഞരും പ്രമുഖ വ്യക്തികളും പങ്കെടുത്ത ഒമ്പതാമത് അന്താരാഷ്ട്ര യോഗാ ദിനത്തിന്റെ സ്മരണയ്ക്കായി യുഎന് ആസ്ഥാനത്ത് നടന്ന ചരിത്രപരമായ പരിപാടിക്ക് നേതൃത്വം നല്കി. ജൂണ് 21 മുതല് 24 വരെയാണ് മോദിയുടെ അമേരിക്കന് സന്ദര്ശനം.