.jpg)
റെസ്റ്റോറന്റില് ഭക്ഷണം കഴിക്കാന് കയറി, ബില്ലുവന്നത് 40,828 രൂപ, ഡിസ്കൗണ്ട് ചോദിച്ചുവാങ്ങി കൈയ്യടി നേടി പേടിഎം മുതലാളി
വിജയ് തന്റെ സോഷ്യല് മീഡിയ അക്കൗണ്ടില് പോസ്റ്റ് ചെയ്ത ബില്ലിന്റെ ചിത്രവും ഡിസ്കൗണ്ടിന്റെ വിശദാംശങ്ങളും ഓണ്ലൈന് ലോകത്ത് വലിയ ചര്ച്ചയായിരിക്കുകയാണ്.
ന്യൂഡല്ഹി: ഡിജിറ്റല് പേയ്മെന്റ് കമ്പനിയായ പേടിഎമ്മിന്റെ സ്ഥാപകന് വിജയ് ശേഖര് ശര്മ ഒരു റെസ്റ്റോറന്റ് ബില്ലില് വമ്പന് ഡിസ്കൗണ്ട് നേടിയ സംഭവം സോഷ്യല് മീഡിയയില് വൈറലായി. 40,828 രൂപയായിരുന്ന ബില്ലില് 16,000 രൂപയിലധികം ഡിസ്കൗണ്ട് ലഭിച്ചതായി ഇദ്ദേഹം തന്റെ പോസ്റ്റില് പങ്കുവെച്ചു.
tRootC1469263">വിജയ് തന്റെ സോഷ്യല് മീഡിയ അക്കൗണ്ടില് പോസ്റ്റ് ചെയ്ത ബില്ലിന്റെ ചിത്രവും ഡിസ്കൗണ്ടിന്റെ വിശദാംശങ്ങളും ഓണ്ലൈന് ലോകത്ത് വലിയ ചര്ച്ചയായിരിക്കുകയാണ്. ഭക്ഷണത്തിന് 40,828 രൂപയായിരുന്നു ബില്, പക്ഷേ ഞാന് 16,000 രൂപയോളം സേവ് ചെയ്തു, എന്ന് പോസ്റ്റില് അദ്ദേഹം പറയുന്നു. ഈ സേവിങ് ക്രെഡിറ്റ് കാര്ഡ് ഓഫറുകളിലൂടെയോ ലോയല്റ്റി പ്രോഗ്രാമുകളിലൂടെയോ ലഭിച്ചതാണെന്ന് സൂചനയുണ്ട്. എന്നാല്, കൂടുതല് വിശദാംശങ്ങള് പോസ്റ്റില് വ്യക്തമാക്കിയിട്ടില്ല.
ഇന്ത്യയിലെ ഫിനാന്ഷ്യല് ടെക് മേഖലയിലെ പ്രമുഖ വ്യക്തിത്വമായ പേടിഎം സ്ഥാപകന്റെ ഈ 'സ്മാര്ട്ട് സേവിങ്' സംഭവം നെറ്റിസ്റ്റുകളെ അമ്പരപ്പിച്ചു. 'ബില്യണയര്മാരും ഞങ്ങളെപോലെ ഡിസ്കൗണ്ട് തേടുന്നോ?' എന്ന ചോദ്യം ട്വിറ്ററിലും ഇന്സ്റ്റാഗ്രാമിലും കമന്റുകളില് പ്രത്യക്ഷപ്പെട്ടു. 'ഇത്രയും പണമുള്ളവര്ക്ക് ഡിസ്കൗണ്ട് വേണോ?' എന്നും ചിലര് ചോദിച്ചു.
സംഭവം ധനികരും സാധാരണക്കാരും സമാനമായ സാമ്പത്തിക ശീലങ്ങള് പിന്തുടരുന്നുവെന്ന് ചൂണ്ടിക്കാട്ടുന്നു. പേടിഎം പോലുള്ള കമ്പനികള് ഡിജിറ്റല് പേയ്മെന്റുകളിലൂടെ സേവിങ് സൗകര്യങ്ങള് പ്രോത്സാഹിപ്പിക്കുന്ന സന്ദര്ഭത്തില്, ഈ പോസ്റ്റ് പ്രത്യേക പ്രാധാന്യം നേടുന്നു.