.jpg)
ഓപ്പറേഷന് സിന്ദൂറിനിടെ രക്ഷിക്കാന് അമേരിക്കയോട് യാചിച്ച് പാകിസ്ഥാന്, വാഷിങ്ടണില് നടത്തിയത് അസാധാരണ ലോബിയിങ്, രേഖകള് പുറത്ത്
പഹല്ഗാമില് നടന്ന ഭീകരാക്രമണത്തിന് പ്രതികാരമായി ഇന്ത്യ നടത്തിയ സൈനിക നീക്കത്തെ 'എങ്ങനെയെങ്കിലും തടയാന്' പാക് നയതന്ത്രജ്ഞരും പ്രതിരോധ ഉദ്യോഗസ്ഥരും അമേരിക്കന് ഭരണകൂടത്തെ സമീപിച്ചിരുന്നതായി യുഎസ് സര്ക്കാര് രേഖകള് വെളിപ്പെടുത്തുന്നു.
ന്യൂഡല്ഹി: ഇന്ത്യയുടെ ഓപ്പറേഷന് സിന്ദൂര് സൈനിക നടപടിയെ തടയിടാന് പാകിസ്താന് അമേരിക്കന് തലസ്ഥാനമായ വാഷിങ്ടണില് നടത്തിയ തീവ്ര ലോബിയിങ് പ്രവര്ത്തനങ്ങളുടെ വിശദാംശങ്ങള് പുറത്തുവന്നു. ഏപ്രില് മാസത്തില് ജമ്മു കശ്മീരിലെ പഹല്ഗാമില് നടന്ന ഭീകരാക്രമണത്തിന് പ്രതികാരമായി ഇന്ത്യ നടത്തിയ സൈനിക നീക്കത്തെ 'എങ്ങനെയെങ്കിലും തടയാന്' പാക് നയതന്ത്രജ്ഞരും പ്രതിരോധ ഉദ്യോഗസ്ഥരും അമേരിക്കന് ഭരണകൂടത്തെ സമീപിച്ചിരുന്നതായി യുഎസ് സര്ക്കാര് രേഖകള് വെളിപ്പെടുത്തുന്നു.
tRootC1469263">യുഎസ് ഫോറിന് ഏജന്റ്സ് രജിസ്ട്രേഷന് ആക്ട് (എഫ്എആര്എ) പ്രകാരമുള്ള രേഖകള് പ്രകാരം, ഓപ്പറേഷന് സിന്ദൂര് ആരംഭിച്ചത് മുതല് വെടിനിര്ത്തല് പൂര്ണമായി നടപ്പാക്കുന്നതുവരെ പാകിസ്താന്റെ യുഎസ് അംബാസഡറും ഡിഫന്സ് അറ്റാഷെയും 60-ലധികം ഉന്നത യുഎസ് ഉദ്യോഗസ്ഥരുമായി ഇമെയില്, ഫോണ് കോള്, നേരിട്ടുള്ള കൂടിക്കാഴ്ചകള് വഴി ബന്ധപ്പെട്ടു. കോണ്ഗ്രസ്, പെന്റഗണ്, സ്റ്റേറ്റ് ഡിപ്പാര്ട്ട്മെന്റ്, പ്രമുഖ അമേരിക്കന് മാധ്യമപ്രവര്ത്തകര് എന്നിവരുമായാണ് ബന്ധപ്പെട്ടത്.
പഹല്ഗാമിലെ ഭീകരാക്രമണത്തിന് ശേഷം ഇന്ത്യയുടെ സൈനിക നടപടി തടയാന് വാഷിങ്ടണിന്റെ ഇടപെടല് ആവശ്യപ്പെടുകയായിരുന്നു പ്രധാന ലക്ഷ്യം. കശ്മീര്, പ്രാദേശിക സുരക്ഷ, റെയര് എര്ത്ത് മിനറല്സ്, ഇരുരാജ്യങ്ങളും തമ്മിലുള്ള ബന്ധം തുടങ്ങിയ വിഷയങ്ങള് ചര്ച്ച ചെയ്തു.
രേഖകള് പ്രകാരം, 60-ലധികം ഉദ്യോഗസ്ഥരെയും മധ്യസ്ഥരെയും പാക് ഉദ്യോഗസ്ഥര് സമീപിച്ചു. 2025 നവംബറില് ന്യൂയോര്ക്ക് ടൈംസ് റിപ്പോര്ട്ട് ചെയ്തതനുസരിച്ച്, പാകിസ്താന് ആറ് വാഷിങ്ടണ് ലോബിയിങ് സ്ഥാപനങ്ങളുമായി ഏകദേശം 5 മില്യണ് ഡോളര് മൂല്യമുള്ള കരാറുകള് ഒപ്പിട്ടു. ഇത് ട്രംപ് ഭരണകൂടത്തിലേക്ക് വേഗത്തിലുള്ള പ്രവേശനവും അനുകൂല വ്യാപാര-നയതന്ത്ര നേട്ടങ്ങളും ലക്ഷ്യമിട്ടുള്ളതായിരുന്നു.
ഏപ്രില്-മേയ് മാസങ്ങളില് പാകിസ്താന് ഇന്ത്യയെക്കാള് മൂന്നിരട്ടി തുക ലോബിയിങിനായി ചെലവഴിച്ചു. സീഡന് ലോ എല്എല്പിയുമായുള്ള കരാര് ഒപ്പിട്ടതിന് തൊട്ടുപിന്നാലെ, ട്രംപ് പാക് ആര്മി ചീഫ് ഫീല്ഡ് മാര്ഷല് അസിം മുനീറിനെ വൈറ്റ് ഹൗസില് ആതിഥേയനാക്കി.
നയതന്ത്ര സ്രോതസ്സുകള് പറയുന്നതനുസരിച്ച്, 2025 എഫ്എആര്എ രേഖകള് പാകിസ്താന്റെ കാപിറ്റോള് ഹില്ലിലും യുഎസ് മാധ്യമങ്ങളിലും വിപുലമായ ലോബിയിങ് പ്രവര്ത്തനങ്ങളെ സ്ഥിരീകരിക്കുന്നു. ചില കരാറുകള് ലക്ഷക്കണക്കിന് ഡോളറുകളുടേതാണ്.