.jpg)
ഛത്തീസ്ഗഡിലെ കന്യാസ്ത്രീകളുടെ അറസ്റ്റ്, കേരളത്തിലെ ബിജെപിക്ക് കനത്ത തിരിച്ചടിയാകും, തദ്ദേശ തെരഞ്ഞെടുപ്പില് തിരുവനന്തപുരം തൃശൂര് കോര്പ്പറേഷന് പിടിക്കുകയെന്നത് സ്വപ്നം മാത്രമാകും
മനുഷ്യക്കടത്തും നിര്ബന്ധിത മതപരിവര്ത്തനവും ആരോപിച്ചാണ് അറസ്റ്റെങ്കിലും കന്യാസ്ത്രീകള്ക്ക് പെണ്കുട്ടികളുടെ രക്ഷിതാക്കളുടെ സമ്മതപത്രം ഉണ്ടായിരുന്നതായി കാത്തലിക് ബിഷപ്പ് കോണ്ഫറന്സ് ഓഫ് ഇന്ത്യ വ്യക്തമാക്കി.
കൊച്ചി: ഛത്തീസ്ഗഡില് മലയാളി കന്യാസ്ത്രീകളായ സിസ്റ്റര് വന്ദന ഫ്രാന്സിസിനെയും സിസ്റ്റര് പ്രീതി മേരിയെയും മനുഷ്യക്കടത്ത്, നിര്ബന്ധിത മതപരിവര്ത്തനം എന്നീ ആരോപണങ്ങളില് ദുര്ഗ് റെയില്വേ സ്റ്റേഷനില് അറസ്റ്റ് ചെയ്ത സംഭവം കേരളത്തില് ബിജെപിക്ക് വലിയ രാഷ്ട്രീയ തിരിച്ചടിയായി മാറുമെന്ന് വിലയിരുത്തല്. ഈ സംഭവം, പ്രത്യേകിച്ച് തദ്ദേശ തെരഞ്ഞെടുപ്പിനും 2026-ലെ നിയമസഭാ തെരഞ്ഞെടുപ്പിനും മുന്നോടിയായി, ബിജെപിയുടെ ക്രൈസ്തവ വോട്ടര്മാരെ ആകര്ഷിക്കാനുള്ള ശ്രമങ്ങളെ ദുര്ബലപ്പെടുത്തിയേക്കാം.
tRootC1469263">ജൂലൈ 25-ന് ഛത്തീസ്ഗഡിലെ ദുര്ഗ് റെയില്വേ സ്റ്റേഷനില്, ആഗ്രയിലെ ഫാത്തിമ ആശുപത്രിയില് ജോലിക്കായി മൂന്ന് പെണ്കുട്ടികളെ കൊണ്ടുപോകാന് എത്തിയ കന്യാസ്ത്രീകളെ ബജ്റംഗ് ദള് പ്രവര്ത്തകരുടെ പരാതിയെ തുടര്ന്ന് റെയില്വേ പോലീസ് അറസ്റ്റ് ചെയ്യുകയായിരുന്നു.
മനുഷ്യക്കടത്തും നിര്ബന്ധിത മതപരിവര്ത്തനവും ആരോപിച്ചാണ് അറസ്റ്റെങ്കിലും കന്യാസ്ത്രീകള്ക്ക് പെണ്കുട്ടികളുടെ രക്ഷിതാക്കളുടെ സമ്മതപത്രം ഉണ്ടായിരുന്നതായി കാത്തലിക് ബിഷപ്പ് കോണ്ഫറന്സ് ഓഫ് ഇന്ത്യ വ്യക്തമാക്കി.
യുഡിഎഫും എല്ഡിഎഫും സംഭവത്തില് കടുത്ത പ്രതിഷേധവുമായെത്തിയതോടെ ബിജെപി പ്രതിരോധത്തിലായി. സംസ്ഥാനമെമ്പാടും ക്രിസ്ത്യന് സംഘടനകളും മതമേലധ്യക്ഷന്മാരും അറസ്റ്റിനെതിരെ രൂക്ഷ വിമര്ശനം ഉയര്ത്തുകയും ബിജെപിയുടെ ന്യൂനപക്ഷ വിരുദ്ധ നയങ്ങളെ വിമര്ശിക്കുകയും ചെയ്തു.
കേരള മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിക്ക് കത്തെഴുതി ഇടപെടല് ആവശ്യപ്പെട്ടു. സിറോ-മലബാര് സഭ, ഓര്ത്തഡോക്സ് സഭ, എകെസിസി തുടങ്ങിയ ക്രൈസ്തവ സംഘടനകള് ഈ സംഭവത്തിനെതിരെ പ്രതിഷേധവുമായി രംഗത്തെത്തി.
സംസ്ഥാനത്തെ ക്രൈസ്തവരില് ഒരുവിഭാഗത്തെ തങ്ങള്ക്കൊപ്പം ചേര്ക്കാന് ബിജെപി കഠിന ശ്രമം നടത്തുന്നതിനിടെയാണ് മലയാളി കന്യാസ്ത്രീകള്ക്കെതിരായ നടപടിയുണ്ടായത്. ഇതോടെ, ബിജെപി കേരള ഘടകം, സംസ്ഥാന ജനറല് സെക്രട്ടറി അനൂപ് ആന്റണിയുടെ നേതൃത്വത്തില് ഒരു പ്രതിനിധി സംഘത്തെ ഛത്തീസ്ഗഡിലേക്ക് അയച്ച് വിഷയം തണുപ്പിക്കാനുള്ള ശ്രമം നടത്തുകയാണ്.
ബിജെപി അടുത്തിടെ കേരളത്തില് ക്രൈസ്തവ സമുദായവുമായി അടുപ്പം പുലര്ത്താന് ശ്രമിച്ചിരുന്നു. പ്രത്യേകിച്ച് 2023-ല് നരേന്ദ്ര മോദി കൊച്ചിയില് ബിഷപ്പുമാരുമായി കൂടിക്കാഴ്ച നടത്തിയതിന് ശേഷം. എന്നാല്, മണിപ്പൂര്, ഛത്തീസ്ഗഡ് തുടങ്ങിയ ബിജെപി ഭരിക്കുന്ന സംസ്ഥാനങ്ങളില് ക്രൈസ്തവര്ക്കെതിരായ ആക്രമണങ്ങള് ഈ ശ്രമങ്ങളെ ദുര്ബലപ്പെടുത്തി.
2024-ല് 834 ക്രൈസ്തവ വിരുദ്ധ സംഭവങ്ങള് റിപ്പോര്ട്ട് ചെയ്യപ്പെട്ടതായി ക്രിസ്ത്യന് ഫോറം വെളിപ്പെടുത്തി. ഇത് ബിജെപി ഭരണത്തിന് കീഴില് ന്യൂനപക്ഷങ്ങള്ക്കെതിരായ ആക്രമണങ്ങള് വര്ധിച്ചതിന്റെ തെളിവായി വിമര്ശകര് ചൂണ്ടിക്കാട്ടുന്നു.
കേരളത്തില്, പ്രത്യേകിച്ച് മധ്യതിരുവിതാംകൂറിലും മലബാറിലെ മലയോര മേഖലകളിലും ക്രൈസ്തവര്ക്ക് ശക്തമായ വോട്ടര് സ്വാധീനമുണ്ട്. ഈ സംഭവം ബിജെപിയുടെ ക്രൈസ്തവ വോട്ട് ബാങ്കിനെ പ്രതികൂലമായി ബാധിച്ചേക്കാം.
വരാനിരിക്കുന്ന തദ്ദേശ തെരഞ്ഞെടുപ്പില് കോര്പ്പറേഷനുകള് പിടിച്ചെടുക്കണമെന്ന അമിത് ഷായുടെ ആഹ്വാനത്തെ തുടര്ന്ന് തിരുവനന്തപുരം, തൃശൂര് കോര്പ്പറേഷനുകളില് ബിജെപി പ്രവര്ത്തനം ശക്തമാക്കിയിട്ടുണ്ട്. എന്നാല്, ക്രൈസ്തവരെ പിണക്കിയതോടെ ഈ കോര്പ്പറേഷനുകളിലെ ബിജെപി വോട്ടുകള് ആകര്ഷിക്കുക ഇനി എളുപ്പമാകില്ല.