.jpg)
യുവതിയോട് സംസാരിച്ച സുഹൃത്തിനെ താലിബാന് മോഡലില് മണിക്കൂറുകളോളം വിചാരണ ചെയ്തു, ഫോണും ടാബും പിടിച്ചെടുത്ത് ഭീഷണിപ്പെടുത്തി, എസ്ഡിപിഐയുടെ കൊടുംക്രൂരതയെ തുടര്ന്ന് റസീനയുടെ ആത്മഹത്യ
ഞായറാഴ്ച വൈകീട്ടാണ് സംഭവം. കായലോട് അച്ചങ്കര പള്ളിക്കു സമീപം കാറിനരികില് റസീന സുഹൃത്തിനോട് സംസാരിച്ചുനില്ക്കുന്നത് അറസ്റ്റിലായവര് ഉള്പ്പെടെയുള്ള സംഘം ചോദ്യം ചെയ്തു.
കണ്ണൂര്: പിണറായി കായലോട് പറമ്പായിയില് യുവതി ജീവനൊടുക്കിയതുമായി ബന്ധപ്പെട്ട് കൂടുതല് വിവരങ്ങള് പുറത്തുവന്നു. റസീന മന്സിലില് റസീനയെയാണ് കഴിഞ്ഞദിവസം ആത്മഹത്യ ചെയ്ത നിലയില് കണ്ടെത്തിയത്.
സുഹൃത്തിനെ നാട്ടുകാര് പരസ്യമായി വിചാരണ ചെയ്ത് നാണംകെടുത്തിയതാണ് ആത്മഹത്യയ്ക്ക് കാരണമെന്ന് പോലീസ് പറഞ്ഞു. റസീനയുടെ ആത്മഹത്യാകുറിപ്പ് പോലീസ് കണ്ടെടുത്തിട്ടുണ്ട്.
tRootC1469263">സംഭവത്തില് പറമ്പായി സ്വദേശികളായ എം.സി. മന്സിലില് വി.സി. മുബഷീര് (28), കണിയാന്റെ വളപ്പില് കെ.എ. ഫൈസല് (34), കൂടത്താന്കണ്ടി ഹൗസില് വി.കെ. റഫ്നാസ് (24) എന്നിവരെ അറസ്റ്റ് ചെയ്തു. കോടതിയില് ഹാജരാക്കിയ ഇവിരെ റിമാന്ഡ് ചെയ്തു. ആത്മഹത്യക്കുറിപ്പില്നിന്ന് കിട്ടിയ സൂചനയുടെ അടിസ്ഥാനത്തിലാണ് എസ്ഡിപിഐ പ്രവര്ത്തകരെ അറസ്റ്റ് ചെയ്തതെന്ന് പോലീസ് അറിയിച്ചു. കൂടുതല് പേര് സംഭവത്തില് പ്രതികളായേക്കും.
ഞായറാഴ്ച വൈകീട്ടാണ് സംഭവം. കായലോട് അച്ചങ്കര പള്ളിക്കു സമീപം കാറിനരികില് റസീന സുഹൃത്തിനോട് സംസാരിച്ചുനില്ക്കുന്നത് അറസ്റ്റിലായവര് ഉള്പ്പെടെയുള്ള സംഘം ചോദ്യം ചെയ്തു. യുവതിയെ വീട്ടിലേക്ക് പറഞ്ഞയച്ചശേഷം മയ്യില് സ്വദേശിയായ സുഹൃത്തിനെ കൈയ്യേറ്റം ചെയ്യുകയും സമീപത്തുള്ള മൈതാനത്തേക്ക് കൊണ്ടു പോകുകയുമായിരുന്നു.
അഞ്ച് മണിക്കൂറോളം യുവാവിനെ തടഞ്ഞുവച്ച് താലിബാന് മോഡലില് ക്രൂരമായി നാണംകെടുത്തി വിചാരണ ചെയ്തു. രാത്രി എട്ടരയോടെ പറമ്പായിയിലെ എസ്ഡിപിഐ ഓഫിസിലെത്തിച്ച് അവിടെവെച്ചും വിചാരണയ്ക്കിരയാക്കി. റസീനയുടേയും യുവാവിന്റെയും ബന്ധുക്കളെ ഓഫിസിലേക്ക് വിളിച്ചുവരുത്തി. രാത്രി വൈകി യുവാവിനെ ബന്ധുക്കള്ക്കൊപ്പം വിട്ടയയ്ക്കുകയായിരുന്നു. യുവാവിന്റെ കൈയില്നിന്ന് പിടിച്ചെടുത്ത ടാബും മൊബൈല്ഫോണും അറസ്റ്റിലായ പ്രതികളില്നിന്ന് പൊലീസ് കണ്ടെത്തി.
