ചത്ത് കിടന്നാലും ചിരിച്ചു കിടക്കാൻ കഴിയുമോ ?

ചത്ത് കിടന്നാലും ചമഞ്ഞ് കിടക്കണം എന്ന് കേട്ടിട്ട് ഇല്ലേ ? എന്നാൽ ചത്ത് കിടന്നാലും ചിരിച്ചു കിടക്കാൻ കഴിയുമോ ? ചിലർക്കെങ്കിലും അത്തരത്തിൽ ഒരു ആ​ഗ്രഹം ഉണ്ടാകും.  മരിച്ചു കിടക്കുമ്പോഴെങ്കിലും മുഖത്ത് ഒരു ചെറു പുഞ്ചിരി ഉണ്ടെങ്കിൽ എത്ര നന്നായേനെ എന്ന്...എന്നാൽ ഒരു പ്രത്യേക സാഹചര്യം കൊണ്ട് മരണപ്പെട്ടാൽ മാത്രമെ ചിരിച്ചു കിടക്കാൻ കഴിയുള്ളൂ..പോയ്സൺ ഹെംലോക്ക് എന്ന വിഷചെടി കാരണം മരണപ്പെട്ടാലാണ് ​മുഖത്ത് ഒരു പുഞ്ചിരി ഉണ്ടാവുക.

കാരറ്റ് കുടുംബത്തിൽ പെട്ട വിഷമുള്ള ഒരു സസ്യമാണ് ഹെംലോക്ക്.ഈ ചെടിയുടെ വിത്തുകൾ, വേര്, തണ്ട്, ഇലകൾ, പഴങ്ങൾ എന്നിവയുൾപ്പെടെ എല്ലാ ഭാഗങ്ങളും വിഷമാണ്. പുരാതന ഗ്രീക്കുകാർ കുറ്റവാളികളെയോ രാഷ്ട്രീയ തടവുകാരെയോ വധിക്കാൻ വിഷ ഹെംലോക്ക് ഉപയോഗിച്ചിരുന്നുവെന്ന് പറയപ്പെടുന്നു. യൂറോപ്പിൽ നിന്ന് അമേരിക്കയിലേക്ക് ഒരു പൂന്തോട്ട സസ്യമായാണ് കുടിയേറ്റക്കാർ ഈ മനോഹരമായ ചെടി കൊണ്ടുവന്നത്. ഇന്ന്, ഓസ്ട്രേലിയ, പശ്ചിമേഷ്യ തുടങ്ങിയ രാജ്യങ്ങളിൽ ഇവ വ്യാപകമായി കണ്ടുവരുന്നു.  വേലികളിലും, റോഡരികുകളിലും, മതിലുകളിലും, ചതുപ്പുനിലങ്ങളിലും, പുൽമേടുകളിലും ഈ ചെടികളെ കാണാൻ കഴിയും.

മറ്റ് സസ്യങ്ങളുമായി സാമ്യമുള്ളതിനാൽ വിഷമുള്ള ഹെംലോക്കിനെ തിരിച്ചറിയാൻ പ്രയാസമാണ്. ഈ ചെടിക്ക് വെളുത്ത വേരും പർപ്പിൾ നിറത്തിലുള്ള പൊട്ടുകളുള്ള പൊള്ളയായ തണ്ടുമാണ് ഉള്ളത്. 2 മുതൽ 10 അടി വരെ ഉയരത്തിൽ ഈ ചെടിക്ക് വളരാൻ കഴിയും. കുടയുടെ ആകൃതിയിലുള്ള കൂട്ടത്തോടെ വളരുന്ന ചെറിയ വെളുത്ത പൂക്കളാണ് ഇതിനുള്ളത്. ഓരോ പൂവും വിത്തുകൾ അടങ്ങിയ ഒരു പഴമായി വികസിക്കുന്നു. പാകമായ ശേഷം, ഫലം ചാരനിറത്തിലുള്ള തവിട്ടുനിറമാകും.

ഈ ചെടിയിൽ ശക്തമായ വിഷവസ്തുക്കളാണ് അടങ്ങിയിട്ടുള്ളത്, ഇത് നാഡീവ്യവസ്ഥയെ ബാധിക്കുന്നതിനാൽ ഈ ചെടി കാരണം മരിക്കുന്നവരുടെ മുഖത്ത് പുഞ്ചിരിക്ക് കാരണമാകും. ഈ വിഷവസ്തുക്കൾ മൂലമുണ്ടാകുന്ന പേശി സങ്കോചങ്ങളിൽ നിന്നാണ് "പഞ്ചിരിക്കുന്ന രൂപം ഉണ്ടാകുന്നത്. ഇത് പോസ്റ്റ്മോർട്ടത്തിന് ശേഷം അതായത് മരണശേഷം സ്ഥിരമായ ഒരു പുഞ്ചിരിക്കുന്ന ഭാവത്തിലേക്ക് നയിക്കുന്നു. "റൈസസ് സാർഡോണിക്കസ്"
എന്നറിയപ്പെടുന്ന ഈ പ്രതിഭാസത്തിന്റെ സവിശേഷത മുഖത്തെ പേശികളുടെ നീണ്ടുനിൽക്കുന്ന സങ്കോചമാണ്, ഇതാണ് പുഞ്ചിരിക്കുന്ന രൂപത്തിന് കാരണമാകുന്നത്.