.jpg)
പ്രേക്ഷകരുടെ മനം നിറച്ച് ഹത്തനെ ഉദയ
വടക്കേ മലബാറിന്റെ പൗരാണികമായ നേര്‍ക്കാഴ്ചകൾ ദൃശ്യവല്‍ക്കരിക്കുന്ന ചിത്രമാണ് ഹത്തനെ ഉദയ.കാസര്‍കോഡ് തൃക്കരിപ്പൂരിലെ നാടക കലാകാരന്മാർക്ക് പ്രാധാന്യം നല്‍കി ഒരുക്കിയ ചിത്രം പ്രേക്ഷകരുടെ മനം നിറച്ച് പ്രദർശനത്തിനെത്തി.
നാട്യധര്‍മ്മി ക്രിയേഷന്‍സിന്റെ ബാനറില്‍ എ കെ കുഞ്ഞിരാമ പണിക്കര്‍ കഥ, തിരക്കഥ, സംഭാഷണമെഴുതി സംവിധാനം ചെയ്ത ചിത്രമാണ് ഹത്തനെ ഉദയ.സിനിമ കണ്ടിറങ്ങിയ ഏവർക്കും പറയാനുള്ളത് നല്ലത് മാത്രം, നല്ല സിനിമ, ഗംഭീര തുടക്കം, നാട്ടിൻപുറത്തുള്ള പച്ചയായ മനുഷ്യരുടെ കഥ പറയുന്ന നല്ല സിനിമ.
ദേവരാജ് കോഴിക്കോട്, റാം വിജയ്, സന്തോഷ് മാണിയാട്ട്, കപോതൻ ശ്രീധരൻ നമ്പൂതിരി, രാകേഷ് റാം വയനാട്, രാജീവൻ വെള്ളൂർ, ശശി ആയിറ്റി, ആതിര, അശ്വതി, ഷൈനി വിജയൻ വിജിഷ, ഷിജിന സുരേഷ് തുടങ്ങിയവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.
തെയ്യവും സമൂഹവും തമ്മിലുള്ള അഭേദ്യമായ ബന്ധതെക്കുറിച്ച് പറയുന്നതോടൊപ്പംനാടിൻ്റെ കഥയും നാട്ടുകാരുടെ സിനിമയുമെന്ന പ്രത്യേകതയും ഹത്തനെ ഉദയ എന്ന ഈ ചിത്രത്തിനുണ്ട്. വരും ദിവസങ്ങളിലും നിറഞ്ഞ സദസ്സുകളിൽ പ്രദർശനം തുടരുമെന്നത് ഒരു സംശയവുമില്ല.
