.jpg)
ഷാംപൂ ഉപയോഗിക്കുന്നത് മുടികൊഴിച്ചിലിന് കാരണമാകുമോ? താരന്‍ എങ്ങിനെ നിയന്ത്രിക്കാം? ഇവയടങ്ങിയ ഷാംപൂ ഒഴിവാക്കുക, ഏവരും അറിഞ്ഞിരിക്കേണ്ട കാര്യങ്ങള്‍
ഷാംപൂ ചെയ്യുന്നത് കൊണ്ട് തന്നെ മുടികൊഴിച്ചില്‍ ഉണ്ടാകുമെന്ന് തെളിയിക്കപ്പെട്ടിട്ടില്ല.
മുടികൊഴിച്ചിലെന്നത് പലരേയും അലട്ടുന്ന കാര്യമാണ്. ഇതിനുള്ള കാരണങ്ങള്‍ പലതാണ്. വ്യക്തികള്‍ അവരുടെ അനുഭവത്തിന്റെ അടിസ്ഥാനത്തില്‍ മുടികൊഴിച്ചിലിനെ വിശദീകരിച്ചിരിക്കാം. എന്നാല്‍, ശാസ്ത്രീയമായി തെളിയിക്കപ്പെട്ടിട്ടില്ലാത്ത കാര്യങ്ങളും ഈ രീതിയില്‍ പ്രചരിപ്പിക്കപ്പെടുന്നുണ്ട്. അതിലൊന്നാണ് ഷാംപൂ ഉപയോഗിച്ചാല്‍ മുടികൊഴിയുമെന്ന വാദം.
മുടിയുടെ ഗുണനിലവാരം മെച്ചപ്പെടുത്തുന്നതിനും മുടികൊഴിച്ചില്‍ തടയുന്നതിനും മുടി വൃത്തിയായി സൂക്ഷിക്കുകയും തലയോട്ടിയിലെ മാലിന്യങ്ങള്‍, അഴുക്ക്, താരന്‍, ഡെഡ് സെല്‍ ക്ലസ്റ്ററുകള്‍ എന്നിവ നീക്കം ചെയ്യാനുമാണ് ഷാംപൂ ഉപയോഗിക്കുന്നത്.
ഷാംപൂ ചെയ്യുന്നത് കൊണ്ട് തന്നെ മുടികൊഴിച്ചില്‍ ഉണ്ടാകുമെന്ന് തെളിയിക്കപ്പെട്ടിട്ടില്ല. ഷാംപൂ ഉപയോഗിച്ചശേഷം ശേഷം മുടി കൊഴിയുന്നത് കണ്ട് ആളുകള്‍ പരിഭ്രാന്തരാകാറുണ്ട്. ഒരു വ്യക്തിക്ക് പ്രതിദിനം ശരാശരി 50-100 മുടികള്‍ നഷ്ടമാകും. ഇത് മുടി വളര്‍ച്ചയുടെ സ്വാഭാവിക ഭാഗമാണ്. ഷാംപൂ ചെയ്യുന്ന ദിവസം മുടി കൂടുതലായി പൊഴിയുന്നതും സ്വാഭാവികമാണ്. ഇത് മുടികൊഴിച്ചില്‍ സൂചിപ്പിക്കുന്നതല്ലെന്നാണ് വിദഗ്ധര്‍ പറയുന്നത്.
ഷാംപൂകള്‍ ക്ലീനിംഗ് ഏജന്റുമാരാണെങ്കിലും, അവ ഇടയ്ക്കിടെ ഉപയോഗിക്കുന്നത് മുടിയുടെ സ്വാഭാവിക എണ്ണകള്‍ നീക്കം ചെയ്യും. ഇത് വരള്‍ച്ചയ്ക്കും മുടി പൊട്ടുന്നതിനും ഇടയാക്കും. എന്നാല്‍, ആവശ്യത്തിന് ഷാംപൂ ചെയ്യാത്തത് തലയോട്ടിയില്‍ എണ്ണയും നിര്‍ജ്ജീവമായ ചര്‍മ്മകോശങ്ങളും അടിഞ്ഞുകൂടാന്‍ ഇടയാക്കും, ഇത് അസ്വസ്ഥതയോ താരന്‍ പോലുള്ള അവസ്ഥകളോ ഉണ്ടാക്കിയേക്കാം.
ആഴ്ചയില്‍ രണ്ടു തവണയെങ്കിലും ഷാംപൂ ചെയ്യുന്നതാകും നല്ലത്. താരന്‍ ഉള്ളവര്‍ അത് നിയന്ത്രിക്കാന്‍ മൃദുവായ ഷാംപൂ (കഫീന്‍, ബയോട്ടിന്‍ തുടങ്ങിയ ചേരുവകള്‍ അടങ്ങിയ) ഉപയോഗിക്കണം.
ഷാംപൂ ചെയ്യുമ്പോള്‍ മുടി കൊഴിച്ചില്‍ എങ്ങനെ കുറയ്ക്കാം?
കുളിച്ചുകൊണ്ടിരിക്കുമ്പോള്‍ നനഞ്ഞ മുടി ബ്രഷ് ചെയ്യുന്നത് ഒഴിവാക്കുക. നനഞ്ഞാല്‍ മുടി ഏറ്റവും ദുര്‍ബല രൂപത്തിലാണ്. മുടി കൊഴിച്ചിലിന്റെ പ്രധാന കാരണങ്ങളിലൊന്നാണിത്. ഇത് ഷാംപൂവില്‍ നിന്നാണ് തെറ്റിദ്ധരിക്കുന്നു. കണ്ടീഷണര്‍ ഒരിക്കലും ഒഴിവാക്കരുത്. കണ്ടീഷണര്‍ ഇല്ലെങ്കില്‍, തലമുടി വരണ്ടതും മുടി കൊഴിച്ചിലിന് സാധ്യതയുമുള്ളതായി മാറുന്നു.
മുടി കഴുകാന്‍ ചൂടുവെള്ളം ഉപയോഗിക്കരുത്. തല കഴുകുമ്പോള്‍ ചെറുചൂടുള്ള വെള്ളം ഉപയോഗിക്കുക. തുടര്‍ന്ന് തണുത്ത വെള്ളത്തില്‍ കഴുകുക എന്നതാണ് ഏറ്റവും നല്ല മാര്‍ഗം.
ഷാംപൂ വാങ്ങുമ്പോള്‍ തങ്ങളുടെ മുടിക്ക് അനുയോജ്യമായത് വാങ്ങണം. മുടിയുടെ തരവും ഷാംപൂവും തമ്മില്‍ പൊരുത്തക്കേടുകള്‍ ഒഴിവാക്കുക. സോഡിയം ലോറത്ത് സള്‍ഫേറ്റ് അടങ്ങിയ ഷാംപൂ ഒഴിവാക്കുക. ഈ ഘടകം നിങ്ങളുടെ മുടിയിലെ കെരാറ്റിന്‍ ഉള്‍പ്പെടെയുള്ള പ്രോട്ടീനുകളെ നശിപ്പിക്കും. ഡിഎംഡിഎം ഹൈഡാന്റോയിന്‍ അല്ലെങ്കില്‍ ഫോര്‍മാല്‍ഡിഹൈഡ് എന്ന് പറയുന്ന ലേബലുകളില്‍ നിന്ന് വിട്ടുനില്‍ക്കുക. ഈ ചേരുവകള്‍ തലയോട്ടിയില്‍ അലര്‍ജി കോണ്‍ടാക്റ്റ് ഡെര്‍മറ്റൈറ്റിസിന് കാരണമാകും, ഇത് രോമകൂപങ്ങളെ വിശ്രമ ഘട്ടത്തിലേക്ക് നയിക്കുന്നു, മുടി കൊഴിച്ചിലിനും കാരണമായേക്കാം. താരന്‍ ചികിത്സിക്കാന്‍ ഉപയോഗിക്കുന്ന സെലിനിയം സള്‍ഫൈഡും ചിലപ്പോള്‍ മുടി കൊഴിച്ചിലിന് കാരണമാകും.
Tags
