.jpg)
ബെംഗളുരു ജീവിതം താങ്ങില്ല, ഒറ്റ വര്ഷത്തെ ചെലവ് 38 ലക്ഷം രൂപ, 2025ല് പലചരക്കിനും ഭക്ഷണത്തിനുമായി ആകെ ചെലവഴിച്ചത് 6 ലക്ഷം രൂപ, ദമ്പതികള് പുറത്തുവിട്ട കണക്കുകള് ഇങ്ങനെ
കൃതഗ്യ നായ്യാര് എന്ന ഇന്സ്റ്റാഗ്രാം ഉപയോക്താവ് പോസ്റ്റ് ചെയ്ത വീഡിയോയില്, ഭാര്യ റുച്ചിയോടൊപ്പം അദ്ദേഹം 2025-ലെ മൊത്തം ചെലവ് 38 ലക്ഷം രൂപയാണെന്ന് വെളിപ്പെടുത്തി. ഇതിനൊപ്പം മ്യൂച്ചല് ഫണ്ടുകളിലും മറ്റ് സ്വകാര്യ നിക്ഷേപങ്ങളിലും സംയുക്തമായി 25 ലക്ഷം രൂപ നിക്ഷേപിക്കുകയും ചെയ്തു.
ബെംഗളൂരു: ഇന്ത്യയിലെ നഗരജീവിതത്തിന്റെ ചെലവ് വ്യക്തമാക്കുന്ന ഒരു വീഡിയോ സോഷ്യല് മീഡിയയില് വൈറലായി മാറിയിരിക്കുകയാണ്. ബെംഗളൂരുവില് താമസിക്കുന്ന ഒരു ദമ്പതികള് 2025-ലെ തങ്ങളുടെ ചെലവുകളും നിക്ഷേപങ്ങളും വിശദമായി പങ്കുവെച്ചിരിക്കുന്നു.
കൃതഗ്യ നായ്യാര് എന്ന ഇന്സ്റ്റാഗ്രാം ഉപയോക്താവ് പോസ്റ്റ് ചെയ്ത വീഡിയോയില്, ഭാര്യ റുച്ചിയോടൊപ്പം അദ്ദേഹം 2025-ലെ മൊത്തം ചെലവ് 38 ലക്ഷം രൂപയാണെന്ന് വെളിപ്പെടുത്തി. ഇതിനൊപ്പം മ്യൂച്ചല് ഫണ്ടുകളിലും മറ്റ് സ്വകാര്യ നിക്ഷേപങ്ങളിലും സംയുക്തമായി 25 ലക്ഷം രൂപ നിക്ഷേപിക്കുകയും ചെയ്തു.
tRootC1469263">വാടകയും മെയിന്റനന്സും - 5.5 ലക്ഷം രൂപ (ഏറ്റവും വലിയ ചെലവ് ഇനം)
പലചരക്ക്, ഭക്ഷണം പുറത്ത് കഴിക്കല്, ഷോപ്പിങ് - 6 ലക്ഷം രൂപ
വീട്ടുജോലിക്കാരിയുടെ വാര്ഷിക ശമ്പളം - 1.5 ലക്ഷം രൂപ
ഇന്ഷുറന്സും ഹെല്ത്ത് കെയറും - 1 ലക്ഷം രൂപ (ക്രിതഗ്യ, റുച്ചി, അമ്മ എന്നിവര്ക്കുള്ള ഹെല്ത്ത് ഇന്ഷുറന്സ്, ടേം ഇന്ഷുറന്സ്, കാര് ഇന്ഷുറന്സ്, കോര്പ്പറേറ്റ് മെഡിക്കല് ടോപ്പ്-അപ്പ് എന്നിവ ഉള്പ്പെടെ)
ദൈനംദിന യാത്രാചെലവുകള് (ഉബര്, ഇന്ധനം, കാര് സര്വീസിങ്) - 1.4 ലക്ഷം രൂപ
യാത്രകള് - ഏകദേശം 4 ലക്ഷം രൂപ (മൂന്ന് അന്താരാഷ്ട്ര യാത്രകളും ദേശീയ യാത്രകളും ഉള്പ്പെടെ, ക്രെഡിറ്റ് കാര്ഡ് റിവാര്ഡ് പോയിന്റുകള് ഉപയോഗിച്ച് ചെലവ് കുറച്ചു. അമേരിക്കന് യാത്രയില് മാത്രം ഷോപ്പിങ്ങിന് 2 ലക്ഷം രൂപ ചെലവഴിച്ചു, താമസവും ഭക്ഷണവും സഹോദരിയുടെ വീട്ടില് സൗജന്യമായിരുന്നു)
അച്ഛന് സമ്മാനിച്ച കാര് - 11.2 ലക്ഷം രൂപ (ഏറ്റവും വലിയ ഒറ്റത്തവണ ചെലവ്)
നികുതി - 3.5 ലക്ഷം രൂപ (ഇന്കം ടാക്സ് റിട്ടേണ് ഫയല് ചെയ്തപ്പോള് കണ്ടെത്തിയ പെന്ഡിങ് തുക)
ഫിറ്റ്നസ് (ജിം മെമ്പര്ഷിപ്പ്) - 24,000 രൂപ
മറ്റ് വിവിധ ചെലവുകള് (ആപ്പ് സബ്സ്ക്രിപ്ഷനുകള്, കോഫി, വിവാഹവുമായി ബന്ധപ്പെട്ട ബാക്കി ചെലവുകള്) - 1.5 ലക്ഷം രൂപ
ബെംഗളൂരുവിലെ ജീവിതച്ചെലവിനെക്കുറിച്ചുള്ള ചര്ച്ചകള്ക്ക് വീണ്ടും തുടക്കമിട്ടിരിക്കുകയാണ് ദമ്പതികള്. നഗരജീവിതത്തിന്റെ യാഥാര്ഥ്യങ്ങള് മനസ്സിലാക്കാന് സഹായിക്കുന്ന ഈ തരം ട്രാന്സ്പരന്റ് പങ്കുവെക്കലുകള് സോഷ്യല് മീഡിയയില് ശ്രദ്ധ നേടുന്നുണ്ട്.
ബെംഗളൂരുവിലെ ഉയര്ന്ന ജീവിതച്ചെലവ് പലരെയും ഞെട്ടിക്കുന്നുണ്ടെങ്കിലും, നിക്ഷേപത്തിലുള്ള ശ്രദ്ധയും സാമ്പത്തിക ആസൂത്രണവും ശ്ലാഘനീയമാണെന്നാണ് പലരുടെയും അഭിപ്രായം.