.jpg)
സിപിഎം പ്രവര്ത്തകനായ അഷ്റഫിനെ കൊലപ്പെടുത്തിയ കേസില് നാല് ആര്എസ്എസ്സുകാര്ക്ക് ജീവപര്യന്തം, മത്സ്യവില്പ്പനയ്ക്കിടെ വാളും മഴുവും ഉപയോഗിച്ച് ക്രൂരമായ കൊലപാതകം
ഒന്നും അഞ്ചും പ്രതികളായ പ്രനുബാബു, എം ആര് ശ്രീജിത്ത് എന്നിവര് കത്തിവാള് കൊണ്ടും രണ്ടാം പ്രതി ആര്വി നിധീഷ് മഴു ഉപയോഗിച്ചും വെട്ടിയെന്നുമാണ് കുറ്റപത്രത്തിലുളളത്.
തലശേരി: സിപിഎം പ്രവര്ത്തകന് എരുവട്ടി കോമ്പിലെ സി അഷറഫിനെ ക്രൂരമായി വെട്ടിക്കൊന്ന കേസില് നാല് ആര്എസ്എസ്-ബിജെപി പ്രവര്ത്തകരെ തലശേരി അഡീഷനല് സെഷന്സ് കോടതി (4) ജഡ്ജി ജെ വിമല് ജീവപര്യന്തം തടവിനും 80,000 രൂപവീതം പിഴയടക്കാനും ശിക്ഷിച്ചു.
എരുവട്ടി പുത്തന്കണ്ടം പ്രനൂബ നിവാസില് കുട്ടന് എന്ന എം പ്രനു ബാബു (34), മാവിലായി ദാസന്മുക്ക് ആര്വി നിവാസില് ടുട്ടു എന്ന ആര് വി നിധീഷ് (36), എരുവട്ടി പാനുണ്ട മണക്കടവത്ത് ഹൗസില് ഷിജൂട്ടന് എന്ന വി ഷിജില് (35), പാനുണ്ട ചക്യത്തുകാവിനടുത്ത ചിത്രമഠത്തില് ഉജി എന്ന കെ ഉജേഷ് (34) എന്നിവരെയാണ് ശിക്ഷിച്ചത്.
tRootC1469263">ബിജെപി ആര്എസ്എസ് പ്രവര്ത്തകരായ എട്ടുപേര്ക്കെതിരെയാണ് കൂത്തുപറമ്പ് പോലീസ് കുറ്റപത്രം നല്കിയത്. രാഷ്ട്രീയ വിരോധം തീര്ക്കാന് ആര്എസ്എസ്-ബിജെപി പ്രവര്ത്തകര് അഷ്റഫിനെ സംഘം ചേര്ന്ന് കൊലപ്പെടുത്തിയെന്നാണ് കേസ്. അഞ്ചും ആറും പ്രതികളായ എം.ആര് ശ്രീജിത്ത്, പി.ബിനീഷ് എന്നിവരെ വെറുതെ വിട്ടു. ഏഴും എട്ടും പ്രതികളായ ഷിജിന്, സുജിത്ത് എന്നിവര് വിചാരണയ്ക്ക് മുന്പേ മരിച്ചിരുന്നു.
കൊലപാതകത്തിന് 302 വകുപ്പ് പ്രകാരം ജീവപര്യന്തംതടവും അര ലക്ഷം രൂപ പിഴയും വധശ്രമത്തിന് 307 വകുപ്പ് പ്രകാരം 7 വര്ഷം തടവും 20,000 രൂപയും പരിക്കേല്പിച്ചതിന് 324 വകുപ്പ് പ്രകാരം 2 വര്ഷം തടവും 10,000 രൂപയും അന്യായമായി തടങ്കലില്വെച്ചതിന് 341 വകുപ്പ് പ്രകാരം ഒരുമാസം തടവിനുമാണ് പ്രതികളെ ശിക്ഷിച്ചത്. പിഴസംഖ്യ കൊല്ലപ്പെട്ട അഷറഫിന്റെ കുടുംബത്തിന് നല്കണമെന്നും കോടതി വിധിച്ചു.
മത്സ്യവില്പനക്കിടെ കാപ്പുമ്മല്-സുബേദാര് റോഡില് 2011 മെയ് 19ന് രാവിലെ 9.30നായിരുന്നു സംഭവം. മുന്കൂട്ടി ആസൂത്രണം ചെയ്തതുപ്രകാരം മൂന്നും നാലും പ്രതികളായ ഷിജില്, ഉജേഷ് എന്നിവര് പ്രതിയെ ചൂണ്ടിക്കാട്ടുകയും ആറും ഏഴും പ്രതികളായ ബിനീഷ്, ഷിജിന് എന്നിവര് അഷറഫിനെ തടഞ്ഞുനിര്ത്തുകയും ഒന്നും അഞ്ചും പ്രതികളായ പ്രനുബാബു, എം ആര് ശ്രീജിത്ത് എന്നിവര് കത്തിവാള് കൊണ്ടും രണ്ടാം പ്രതി ആര്വി നിധീഷ് മഴു ഉപയോഗിച്ചും വെട്ടിയെന്നുമാണ് കുറ്റപത്രത്തിലുളളത്.
ശരീരമാസകലം വെട്ടേറ്റ് ഗുരുതരമായി പരിക്കേറ്റ അഷറഫ് കോഴിക്കോട് ബേബിമെമ്മൊറിയല് ആശുപത്രിയില് ചികിത്സയിലിരിക്കെ മെയ് 21ന് പുലര്ച്ചെ 3.50ന് മരിച്ചു. 26 സാക്ഷികളെ പ്രോസിക്യൂഷന് കോടതിയില് വിസ്തരിച്ചു. കൂത്തുപറമ്പ് സിഐ ആയിരുന്ന കെ വി വേണുഗോപാലനാണ് അന്വേഷണം നടത്തി കുറ്റപത്രം സമര്പ്പിച്ചത്. പ്രോസിക്യുഷന് വേണ്ടി സ്പെഷ്യല് പബ്ലിക് പ്രോസിക്യൂട്ടര് അഡ്വ സി കെ ശ്രീധരന് ഹാജരായി.