.jpg)
പിണറായി വിജയനെ യൂത്ത് കോണ്ഗ്രസുകാര് വിമാനത്തിനുള്ളില് വധിക്കാന് ശ്രമിച്ചെന്ന കേസ് ; പൊലീസ് റിപ്പോര്ട്ട് കോടതി ഇന്ന് പരിഗണിക്കും
കണ്ണൂരില് നിന്നും തിരുവനന്തപുരത്തേക്കുള്ള വിമാനയാത്രയില് മുഖ്യമന്ത്രിക്കെതിരെ യൂത്ത് കോണ്ഗ്രസ് പ്രവര്ത്തകര് പ്രതിഷേധിച്ചത് വന് വിവാദമായിരുന്നു
മുന് മുഖ്യമന്ത്രി പിണറായി വിജയനെ യൂത്ത് കോണ്ഗ്രസുകാര് വിമാനത്തിനുള്ളില് വധിക്കാന് ശ്രമിച്ചെന്ന കേസില് പൊലീസ് റിപ്പോര്ട്ട് കോടതി ഇന്ന് പരിഗണിക്കും.
പ്രോസിക്യൂഷന് അനുമതി തേടി പൊലീസ് കേന്ദ്രത്തെ സമീപിച്ചപ്പോള് ആവശ്യം തള്ളിയിരുന്നു. ഈ കാരണത്താല് കുറ്റപത്രം സമര്പ്പിക്കാന് കഴിയാത്ത സാഹചര്യത്തിലാണ് ഈ വകുപ്പ് ഒഴിവാക്കിയത്.ജില്ലാ പ്രിന്സിപ്പല് സെഷന്സ്കോടതിയാണ് കേസ് പരിഗണിക്കുന്നത്.
കണ്ണൂരില് നിന്നും തിരുവനന്തപുരത്തേക്കുള്ള വിമാനയാത്രയില് മുഖ്യമന്ത്രിക്കെതിരെ യൂത്ത് കോണ്ഗ്രസ് പ്രവര്ത്തകര് പ്രതിഷേധിച്ചത് വന് വിവാദമായിരുന്നു. 2002 ജൂണ് 13നായിരുന്നു മുഖ്യമന്ത്രി പിണറായി വിജയനെതിരെ വിമാനത്തിനകത്ത് പ്രതിഷേധം നടന്നത്. നാല് കോണ്ഗ്രസ് പ്രവര്ത്തകരാണ് കേസിലെ പ്രതികള്. കോണ്ഗ്രസ് സംസ്ഥാന വൈസ് പ്രസിഡന്റും മുന് എംഎല്എയുമായ ശബരിനാഥ്, ഫര്സിന് മജീദ്, നവീന് കുമാര്, സുനിത് എന്നിവര്ക്കെതിരെയാണ് കുറ്റപത്രം. വിമാനത്തിനുള്ളില് വെച്ച് മുഖ്യമന്ത്രിയെ വധിക്കാന് ശ്രമിച്ചുവെന്നാണ് കേസ്
