കളമശ്ശേരിയിൽ യുവതിയെ ക്രൂരമായി ആക്രമിച്ച് സ്വർണം കവർന്നു ; തലയിൽ മുണ്ടിട്ടു മൂടി തല തൂണിൽ ഇടിപ്പിച്ചും കല്ലിനിടിച്ചും അവശയാക്കി

കളമശ്ശേരി: റെയിൽവേ മേൽപ്പാലത്തിനടിയിലൂടെ ഒറ്റയ്ക്ക് നടന്നുപോകുകയായിരുന്ന യുവതിയുടെ തലയിൽ മുണ്ടിട്ടു മൂടി അക്രമി യുവതിയുടെ തല തൂണിൽ പലതവണ ഇടിപ്പിച്ചും കല്ലിനിടിച്ചും അവശയാക്കി സ്വർണമാലയും ഒരു കമ്മലും കവർന്നു.എച്ച്.എം.ടി. കവലയ്ക്ക് സമീപമുള്ള കടയിൽ ജോലികഴിഞ്ഞ് താമസസ്ഥലത്തേക്ക് പോകുകയായിരുന്ന യുവതിയുടെ ഒരു പവൻ സ്വർണമാലയും ഒരുകാതിലെ കമ്മലുമാണ് അക്രമി കവർന്നത്. പാന്റും ഷർട്ടും തൊപ്പിയും ധരിച്ചിരുന്ന അക്രമിയുടെ കൈയിൽ ബാഗും ഉണ്ടായിരുന്നു.