.jpg)
ജോലി വാഗ്ദാനം ചെയ്ത് പീഡനം; കോണ്ഗ്രസ് നേതാവിനെതിരെ പരാതിയുമായി യുവതി,പലയിടങ്ങളില് കൊണ്ടുപോയി പീഡിപ്പിച്ചെന്ന് പരാതിയിൽ
പാലക്കാട്: ജോലി വാഗ്ദാനം ചെയ്ത് യുവതിയെ പീഡിപ്പിച്ച കേസിൽ നഗരസഭ കൗണ്സിലര് പ്രശോഭ് സി വത്സനെതിരെ പരാതിയുമായി യുവതി. ജോലി വാഗ്ദാനം ചെയ്ത് പരിചയപ്പെട്ട ശേഷം പല ഇടങ്ങളിൽ എത്തിച്ച് പീഡിപ്പിച്ചെന്നാണ് പാലക്കാട് സ്വദേശിയായ ദളിത് യുവതിയുടെ ആരോപണം.
പാലക്കാട് നഗരസഭയിലെ 24ാം വാര്ഡിലെ കോണ്ഗ്രസ് കൗണ്സിലറായ പ്രശോഭിനെതിരെയാണ് യുവതിയുടെ ആരോപണം. യുവതി മുഖ്യമന്ത്രിക്കും ജില്ലാ പൊലീസ് മേധാവിക്കുമാണ് പരാതി നല്കിയത്. പ്രശോഭ് വീട്ടിലെത്തി പീഡിപ്പിക്കുകയായിരുന്നെന്ന് യുവതി പരാതിയില് പറയുന്നു. പിന്നീട് പല സ്ഥലങ്ങളില് കൊണ്ടുപോയി പീഡനത്തിന് ഇരയാക്കിയെന്നും ഇതുകൂടാതെ പാലക്കാട്ടെ ഒരു ഹോട്ടലിലേക്ക് ഭീഷണിപ്പെടുത്തി വിളിച്ചുവരുത്തി പീഡിപ്പിക്കാൻ ശ്രമിച്ചുവെന്നും യുവതി പറയുന്നു. തുടര്ന്നും ഭീഷണിപ്പെടുത്തി പീഡനം തുടര്ന്നതോടെ പരാതി അല്ലാതെ മറ്റ് വഴിയില്ലെന്ന് മനസിലാക്കിയാണ് മുഖ്യമന്ത്രിക്കും ജില്ലാ പൊലീസ് മേധാവിക്കും പരാതി നല്കിയതെന്നാണ് യുവതി പറയുന്നത്. സംഭവത്തിന് പിന്നാലെ പ്രശാന്ത് ഒളിവിലാണ്. അയാളുടെ മൊബൈല് ഫോണ് സ്വിച്ച് ഓഫ് ചെയ്ത നിലയിലാണെന്ന് പൊലീസ് പറയുന്നു.