കൂ​ട​ത്താ​യി കൂ​ട്ട​ക്കൊ​ലക്കേസിൽ കൊ​ല്ല​പ്പെ​ട്ട ടോം ​തോ​മ​സി​ന്റെ ഒ​പ്പ് സാ​ക്ഷി​ക​ൾ തി​രി​ച്ച​റി​ഞ്ഞു

google news
koodathayi

കോ​ഴി​​ക്കോ​ട്: കൂ​ട​ത്താ​യി കൂ​ട്ട​ക്കൊ​ല പ​ര​മ്പ​ര​യി​​ലെ റോ​യ് തോ​മ​സ് വ​ധ​ക്കേ​സി​ൽ ര​ണ്ട് സാ​ക്ഷി​ക​ളു​​ടെ വി​സ്താ​രം​കൂ​ടി മാ​റാ​ട് പ്ര​ത്യേ​ക അ​ഡീ​ഷ​ന​ൽ സെ​ഷ​ൻ​സ് കോ​ട​തി ജ​ഡ്ജി എ​സ്.​ആ​ർ. ശ്യാം​ലാ​ൽ മു​മ്പാ​കെ ന​ട​ന്നു. 161ാം സാ​ക്ഷി റി​ട്ട. ട്ര​ഷ​റി ഓ​ഫി​സ​ർ എം.​പി.​എം. അ​ബ്ദു​ൽ​ഖാ​ദ​ർ, 162ാം സാ​ക്ഷി ആ​ന​ക്ക​ല്ലി​ൽ എ.​ഡി. ദേ​വ​സ്യ എ​ന്നി​വ​രു​ടെ വി​സ്താ​ര​മാ​ണ് ചൊ​വ്വാ​ഴ്ച പൂ​ർ​ത്തി​യാ​യ​ത്.

താ​മ​ര​ശ്ശേ​രി ട്ര​ഷ​റി​യി​ൽ അ​സി. ഡി​സ്ട്രി​ക്ട് ട്ര​ഷ​റി ഓ​ഫി​സ​റാ​യി ജോ​ലി ചെ​യ്ത​താ​യി അ​ബ്ദു​ൽ ഖാ​ദ​ർ മൊ​ഴി ന​ൽ​കി. ഒ​ന്നാം പ്ര​തി കൊ​ല ചെ​യ്ത​താ​യി ​പ്രോ​സി​ക്യൂ​ഷ​ൻ ആ​രോ​പി​ക്കു​ന്ന ടോം ​തോ​മ​സി​ന്റെ സ്പെ​സി​മ​ൻ സി​ഗ്നേ​ച്ച​ർ കാ​ർ​ഡി​ലെ ഒ​പ്പ് ഓ​ഫി​സ​ർ തി​രി​ച്ച​റി​ഞ്ഞു. ​ടോം ​തോ​മ​സ് മ​രി​ച്ച​​പ്പോ​ൾ പെ​ൻ​ഷ​ൻ തു​ക ഒ​ന്നാം പ്ര​തി​യും മ​റ്റും ചേ​ർ​ന്ന് പി​ൻ​വ​ലി​ച്ച​താ​യാ​ണ് കേ​സ്.

കൂ​ട​ത്താ​യി സെ​ന്റ് വി​ൻ​സ​ന്റ് ഡി ​പോ​ൾ സൊ​സൈ​റ്റി ട്ര​ഷ​റ​റാ​യി​രു​ന്നു താ​നെ​ന്ന് ദേ​വ​സ്യ സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ എ​ൻ.​കെ. ഉ​ണ്ണി​കൃ​ഷ്ണ​ൻ, അ​ഡീ​ഷ​ന​ൽ സ്പെ​ഷ​ൽ പ്രോ​സി​ക്യൂ​ട്ട​ർ ഇ. ​സു​ഭാ​ഷ് എ​ന്നി​വ​രു​ടെ വി​സ്താ​ര​ത്തി​ൽ മൊ​ഴി ന​ൽ​കി. 2006 മു​ത​ൽ താ​ൻ ട്ര​ഷ​റ​ർ ആ​യി​രു​ന്ന കാ​ല​ത്ത് ക​മ്മി​റ്റി പ്ര​സി​ഡ​ന്റ് ടോം ​തോ​മ​സ് ആ​യി​രു​ന്നു. ക​മ്മി​റ്റി മി​നു​ട്സി​ലെ ടോം ​തോ​മ​സി​ന്റെ കൈ​യ​ക്ഷ​ര​വും ഒ​പ്പും സാ​ക്ഷി തി​രി​ച്ച​റി​ഞ്ഞു. സാ​ക്ഷി​വി​സ്താ​രം ബു​ധ​നാ​ഴ്ച തു​ട​രും.

Tags