.jpg)
മന്ത്രിയായാലും തന്ത്രിയായാലും അന്വേഷണം ശരിയായ ദിശയില് നടക്കണം ; കുമ്മനം രാജശേഖരന്
കേന്ദ്ര ഏജന്സികളുടെ അന്വേഷണത്തിനെതിരായ സര്ക്കാര് നിലപാടില് ദുരൂഹതയുണ്ടെന്നും കുമ്മനം രാജശേഖരന് പറഞ്ഞു.
ശബരിമല സ്വര്ണക്കൊള്ളയില് മന്ത്രിയായാലും തന്ത്രിയായാലും അന്വേഷണം ശരിയായ ദിശയില് നടക്കണമെന്ന് ബിജെപി നേതാവ് കുമ്മനം രാജശേഖരന്. മുന് ദേവസ്വം വകുപ്പ് മന്ത്രി കടകംപള്ളി സുരേന്ദ്രനെ ചോദ്യം ചെയ്തിട്ട് എന്തായെന്നും ഇതില് ചില സംശയങ്ങളുണ്ടെന്നും കുമ്മനം രാജശേഖരന് പറഞ്ഞു. കേന്ദ്ര ഏജന്സികളുടെ അന്വേഷണത്തിനെതിരായ സര്ക്കാര് നിലപാടില് ദുരൂഹതയുണ്ടെന്നും കുമ്മനം രാജശേഖരന് പറഞ്ഞു. മാധ്യമങ്ങളോടായിരുന്നു കുമ്മനത്തിന്റെ പ്രതികരണം.
tRootC1469263">ശബരിമല സ്വര്ണക്കൊള്ളക്കേസില് തന്ത്രി കണ്ഠരര് രാജീവരെ പ്രത്യേക അന്വേഷണസംഘം അറസ്റ്റ് ചെയ്തതിന് പിന്നാലെയായിരുന്നു കുമ്മനത്തിന്റെ പ്രതികരണം. കേസില് അന്വേഷണം ശരിയായ ദിശയില് തന്നെ പോകണമെന്നാണ് തന്റെ ആഗ്രഹം. മന്ത്രിയായാലും തന്ത്രിയായാലും നിയമം നിയമത്തിന്റെ വഴിക്ക് പോകണം. ശബരിമല സ്വര്ണക്കൊള്ളയില് അന്വേഷണം അതിന്റെ മര്മപ്രധാന ഭാഗത്തേക്ക് കടന്നിട്ടുണ്ടോ എന്നതില് സംശയമുണ്ടെന്നും കുമ്മനം പറഞ്ഞു.
