.jpg)
'പറഞ്ഞത് കൃത്യമാണ്, കേള്ക്കാന് ചെവിയുള്ളവര് കേള്ക്കട്ടെ'; എം വി ഗോവിന്ദനെ പിന്തുണച്ച് ഗീവര്ഗീസ് മാര് കൂറിലോസ്
എം വി ഗോവിന്ദന് നടത്തിയ പ്രസ്താവന വിവാദമായ സാഹചര്യത്തിലാണ് മാര് കൂറിലോസ് ഫേസ്ബുക്ക് പോസ്റ്റിലൂടെ പിന്തുണ അറിയിച്ചത്
സിപിഐഎം സംസ്ഥാന സെക്രട്ടറി എം വി ഗോവിന്ദനെ പിന്തുണച്ച് യാക്കോബാ സഭ നിരണം ഭദ്രാസന അധിപന് ബിഷപ്പ് ഗീവര്ഗീസ് മാര് കൂറിലോസ്. തലശ്ശേരി ആര്ച്ച് ബിഷപ്പ് മാര് ജോസഫ് പാംപ്ലാനിക്കെതിരായ എം വി ഗോവിന്ദന് നടത്തിയ പ്രസ്താവന വിവാദമായ സാഹചര്യത്തിലാണ് മാര് കൂറിലോസ് ഫേസ്ബുക്ക് പോസ്റ്റിലൂടെ പിന്തുണ അറിയിച്ചത്. 'ഗോവിന്ദന് മാഷ് പറഞ്ഞത് കൃത്യമാണ്. ഒപ്പം..., കേള്ക്കാന് ചെവിയുള്ളവര് കേള്ക്കട്ടെ...' എന്നാണ് മാര് കൂറിലോസ് ഫേസ്ബുക്കില് കുറിച്ചത്. എം വി ഗോവിന്ദന്റെ ചിത്രത്തോടൊപ്പമാണ് കുറിപ്പ്.
tRootC1469263">പാംപ്ലാനി അവസരവാദിയാണെന്നും ഇത്രയും ശക്തമായി അവസരവാദം പറയുന്ന മറ്റൊരാള് ഇല്ലെന്നും എം വി ഗോവിന്ദന് വിമര്ശിച്ചിരുന്നു. ഛത്തീസ്ഗഡില് മലയാളി കന്യാസ്ത്രീകളെ അറസ്റ്റ് ചെയ്തപ്പോഴും ജാമ്യം ലഭിച്ചപ്പോഴും പാംപ്ലാനി നടത്തിയ പരാമര്ശങ്ങള് ചൂണ്ടിക്കാട്ടിയായിരുന്നു ഗോവിന്ദന്റെ കടന്നാക്രമണം. ഛത്തീസ്ഗഡില് കന്യാസ്ത്രീകളെ അറസ്റ്റ് ചെയ്തപ്പോള് പാംപ്ലാനി ബിജെപിക്കെതിരെ പറഞ്ഞു. ജാമ്യം കിട്ടിയപ്പോള് അമിത് ഷാ ഉള്പ്പെടെയുള്ളവര്ക്ക് സ്തുതി. അച്ചന്മാര് കേക്കും കൊണ്ട് സോപ്പിടാന് പോയി. ഇടക്കിടക്ക് വരുന്ന മനംമാറ്റം കൊണ്ട് ക്രിസ്ത്യാനിയോ മുസ്ലിമോ കമ്മ്യൂണിസ്റ്റോ രക്ഷപ്പെടാന് പോകുന്നില്ലെന്ന് എം വി ഗോവിന്ദന് പറഞ്ഞിരുന്നു.
