.jpg)
ഹോട്ടലില് കയറി ബിരിയാണി ആവശ്യപ്പെട്ടു; തീര്ന്നുപോയെന്ന് പറഞ്ഞ ജീവനക്കാരൻ്റെ തലയ്ക്ക് ഹെല്മറ്റ് വച്ച് അടിച്ചു
ബിരിയാണി ആവശ്യപ്പെട്ട് ഇവിടെയെത്തിയ കുമാരസ്വാമി സ്വദേശിയോട് ബിരിയാണി തീര്ന്നുപോയെന്ന് മറുപടി നല്കി
കോഴിക്കോട്:ബിരിയാണി തീര്ന്നുപോയെന്ന് പറഞ്ഞതിന് ഹോട്ടല് ജീവനക്കാരനെ ഹെല്മെറ്റ് ഉപയോഗിച്ച് മര്ദ്ദിച്ച് പരിക്കേല്പ്പിച്ചതായി പരാതി.കോഴിക്കോട് ചേളന്നൂര് 8/2ലാണ് ആക്രമണം നടന്നത്. ഹോട്ടല് ജീവനക്കാരനായ ഒ.വി രമേശനെ തലയ്ക്ക് പരിക്കേറ്റ നിലയില് കോഴിക്കോട് മെഡിക്കല് കോളേജ് ആശുപത്രിയില് ചികിത്സയ്ക്ക് പ്രവേശിപ്പിച്ചു.അതേസമയം സംഭവവുമായി ബന്ധപ്പെട്ട് ഇതുവരെ പരാതിയൊന്നും ലഭിച്ചിട്ടില്ലെന്ന് കാക്കൂര് പോലീസ് അറിയിച്ചു.
tRootC1469263">കഴിഞ്ഞ ദിവസം വൈകീട്ട് അഞ്ചോടെയാണ് സംഭവം നടന്നത്. ചേളന്നൂര് 8/2 ലെ ദേവദാനി ഹോട്ടലിലെ ജീവനക്കാരനാണ് രമേശന്. ബിരിയാണി ആവശ്യപ്പെട്ട് ഇവിടെയെത്തിയ കുമാരസ്വാമി സ്വദേശിയോട് ബിരിയാണി തീര്ന്നുപോയെന്ന് മറുപടി നല്കി. എന്നാല് പ്രകോപിതനായ ഇയാള് രമേശനുമായി വാക്കുതര്ക്കത്തില് ഏര്പ്പെടുകയും മര്ദ്ദിക്കുകയുമായിരുന്നു എന്നാണ് ലഭിക്കുന്ന വിവരം. ഹെല്മെറ്റ് കൊണ്ടുള്ള അടിയിലാണ് രമേശന് തലയ്ക്ക് പരിക്കേറ്റത്.
