.jpg)
'അനുവദിച്ചതിലും കൂടുതല് പാറ പൊട്ടിച്ചോ എന്ന് പരിശോധിക്കും, രക്ഷാപ്രവര്ത്തനം ഉടന് തുടങ്ങും'; ജില്ലാ കളക്ടര്
ജിയോളജി വകുപ്പിനോട് വിശദമായ റിപ്പോര്ട്ട് തരാന് ആവശ്യപ്പെട്ടിട്ടുണ്ട് എന്നും കളക്ടര് മാധ്യമങ്ങളോട് പറഞ്ഞു. രക്ഷാപ്രവര്ത്തനം ഉടന് തുടങ്ങുമെന്നും അദ്ദേഹം കൂട്ടിച്ചേര്ത്തു.
കോന്നിയില് പാറയിടിഞ്ഞ് അപകടമുണ്ടായ പാറമടയ്ക്ക് 2026 ഫെബ്രുവരി വരെ പെര്മിറ്റ് ഉണ്ടായിരുന്നതായി ജില്ലാ കളക്ടര് പ്രേം കൃഷ്ണന്. ക്വറിക്കെതിരെ നേരത്തെ നാട്ടുകാര് മലിനീകരണം അടക്കമുള്ള പരാതികള് നല്കിയിരുന്നെന്നും എന്നാല് പരിശോധനയില് അത്തരത്തിലൊന്നും കണ്ടെത്താന് സാധിച്ചിരുന്നില്ല എന്നും കളക്ടര് പറഞ്ഞു. എന്നാല് അളവില് കൂടുതല് പാറ പൊട്ടിച്ചോ, അനുവദിച്ച സ്ഥലത്തായിരുന്നു പാറ പൊട്ടിച്ചത് എന്നതടക്കമുള്ള കാര്യങ്ങളില് അന്വേഷണം നടത്തും. ജിയോളജി വകുപ്പിനോട് വിശദമായ റിപ്പോര്ട്ട് തരാന് ആവശ്യപ്പെട്ടിട്ടുണ്ട് എന്നും കളക്ടര് മാധ്യമങ്ങളോട് പറഞ്ഞു. രക്ഷാപ്രവര്ത്തനം ഉടന് തുടങ്ങുമെന്നും അദ്ദേഹം കൂട്ടിച്ചേര്ത്തു.
tRootC1469263">ഫയര്ഫോഴ്സും എന്ഡിആര്എഫ് സംഘവും സംയുക്തമായാണ് പാറയിടിഞ്ഞയിടത്ത് തിരച്ചില് നടത്തുന്നത്. ജാര്ഖണ്ഡ് സ്വദേശി അജയ് റായ് എക്സ്കവേറ്ററിനുളളില് കുടുങ്ങിക്കിടക്കുന്നതായാണ് സംശയം. സ്ഥലത്ത് വീണ്ടും പാറക്കല്ലുകള് ഇടിഞ്ഞുവീഴുന്നത് രക്ഷാപ്രവര്ത്തനത്തിന് ആശങ്കയുയര്ത്തുന്നുണ്ട്. അപകടസ്ഥലത്തേക്ക് രക്ഷാപ്രവര്ത്തകര്ക്ക് മാത്രമാണ് പ്രവേശിക്കാന് അനുമതി. ചെങ്കളത്ത് ഖനനത്തിന് നിരോധനമേര്പ്പെടുത്തിയിട്ടുണ്ട്.
